【羅宋湯生日之旅🎂 - 全新Happy Theory the Playhouse】
羅宋湯早幾日生日，我哋諗咗好耐去邊度同佢慶祝好，咁啱前一晚我喺網上見到有間新開嘅playhouse，見入面好新淨，兩兄弟又啱玩，又唔駛擔心天氣，決定去馬🐎。
呢間playhouse叫 Happy Theory，位於荃灣 #海之戀，西鐵一出就到，位置都好方便。
一入到Happy Theory，就已經俾佢一幅由幾個超特大嘅 #蜂巢型攀爬設施 吸引到。大人都入到去，一家四口，一人一個蜂巢打卡就至啱📸。
隔離有個好刺激嘅滑梯，有離心㗎！兩兄弟不停瀡滑梯，好開心呀。其實 #瀡滑梯 對小朋友 #前庭 感覺有幫助，可以訓練 #手眼協調，長遠對小朋友學習更專注呢。當然羅宋湯比較細，我哋都會從旁照顧住。
滑梯隔離有個 #木粒沙池，木粒沙好有質感，而且唔駛驚小朋友玩到成身都係沙。羅宋湯喺木粒沙池內留咗好耐呢。不過爸爸就比較怕怕，因為佢話踩上去好似行石春路咁呢🤣。
原來行入啲仲有個「#兒童廚房」，入面嘅「廚具」全部都係木製，仲好精美呢，兩兄弟係咁玩 #煮飯仔、#買賣遊戲，仲為羅宋湯唱生日歌「切蛋糕」呢！
成個playhouse雖然唔算好大，但佢嘅攀爬設施係絕對足夠小朋友放電，我哋玩咗足足2.5小時！真係玩到斷電㗎😂。
羅宋湯由離開Happy Theory開始就一直瞓，我哋就可以安心喺Donki慢慢掃貨😍。
喵奴好開心搵到間咁好玩嘅playhouse 😘，為羅宋湯2歲生日留下美好嘅回憶👍🏻。我係睇 楊桃成熟時 同 Mrs Co:Lam 凱林家生活 介紹知道㗎👍🏻，我已經同其他朋友傾緊搵日再嚟呢度玩過啦！
👉🏻 Happy Theory Playhouse 👈🏻
📍地點：荃灣海之戀商場3014-3015（荃灣西C出口）
🕰開放時間：10:30-20:00
📞電話：9305 4575
💰收費：成人$60全日
小童(6個月至8歲)首半小時$80，之後每半小時$60
#HappyTheoryPlayhouse #HappyTheory #playhouse #全新 #室內遊樂場 #親子好去處
蜂巢型攀爬設施 在 屏東復興公園 超可愛蜂巢造型親子公園！直排輪場地、水岸景觀 的推薦與評價
有水岸景觀、吊橋、直排輪場地、各種遊樂器材、大人的健體設施， ... 蜂巢攀爬架可愛的蜂巢設計，遊樂方式有攀爬、吊橋、溜滑梯，造型非常可愛！ ... <看更多>