#一定要睇片呀！#太神奇喇！
今日朋友嘅二公主出世喇，恭喜晒！
我地都湊熱鬧，我地阿<雷詠蟲>都出世喇！
親身經歷到 #破蛹而出，睇住佢成個 #演變過程！
#完全變態 真係太奇妙喇！
#停課不停學，#紙上談兵 不如親身體驗。
從蟲變蝴蝶🦋 由蟲仔開始養到佢結蛹。
蛹由綠色變到啡色，
由深啡變到黑色，
由黑色變到透出花紋...
今日見到佢變黑已到知道會破蛹而出，但完全預計唔到要等幾耐。
雷囡s同我都超緊張，換定衫代定妝。本來出街買飯食都唔敢，驚會錯過破蛹一刻！ 食杯麵吧😆
睇住佢破蛹而出果刻興奮到難而形容！
不到一分鐘嘅過程，令人深深感受到生命嘅奇妙！
放生前雷囡s仲要帶佢去俾爹哋睇。又帶埋返去俾老師睇（咁啱要攞功課）。到處同人分享！
放生過程並不是想像中順利。
生命就係咁，有喜有悲有經歷...
第一次放生原來羽翼未硬，飛唔起。
明明陽光普照，突然有大風同落大雨。
雷囡好擔心阿蟲，決定帶佢返屋企休養多陣。
雖然做法並不一定完美，但見到小朋友嘅善良之心。
唔捨得阿蟲咁快就要經歷風雨，
有少少似我地 做媽媽咁，唔捨得睇到小朋友受傷。
打風落雨擔心佢淋濕，太陽太猛又怕佢曬傷...
今次養蟲絕對係一個好好嘅經驗,
賣蟲蟲嘅姐姐好好,每次有咩唔明即時細心解答.
一套養蟲蟲套裝已經有齊晒養殖箱,檸檬葉,仲有埋夜光石...好齊全!
好想再養多次呀🥰
#再見喇阿蟲
#要快高長大高高高呀!
好好彩見證到破蛹而出一刻
原來唔係必然,有時可能深夜或4-7點黎明清晨時份破蛹,真係話唔定
有緣見證實在太令人感動~
感動一刻｜有緣遇上｜從蟲變蝴蝶｜生命實在太奇妙喇！ https://youtu.be/UXPst8XTdXs
