{海底奇兵2觀後感}
以前細個同哥同細佬,成日係樓下個電器舖出面....一路食零食一路睇佢播既海底奇兵...睇幾十次都睇唔厭XD終於大個囡，有得買飛同朋友入戲院睇喇yeah!!!!
自問係一個淚線發達既人,睇蠟筆小新電影都會喊既人....不出所料,又喊到眼腫haha....當中都有幾多笑位XD我覺得呢集好睇過第一集,可能睇見多莉感同身受,當然無多莉失憶得咁快...但我個人由細到大都懞性性,成日唔記得野唔見野,專注力不足,講野又1999又路痴個人又亂又懶又慢麼麼，識人都無膽....唉,有時覺得自己一無是處，想樂觀啲去改,結果都係覺得自己無撚用...永遠都跳唔出個圈Ｏ<-<
跳出去需要好大勇氣,感謝我身邊有好的人幫助,鼓勵我...慢慢俾啲信心自己,慢慢成長，成為更好既自己,雖然我依然都廢,不過我會選擇相信自己,唔再不斷否定自己!!加油!!!:D
原來多莉好難畫XD大個睇先知整得真係勁,點解可以整到啲魚既動作咁生動!一定花左好多時間同心機研究，多謝動畫師整左一部咁好既作品俾我地!!btw多莉bb超可愛,把聲得意到>////<
