【睇到簡介會新聞睇到慶！】做乜要推啲幾歲嘅去interview？
如果我話香港嘅教育制度嘅可信性，响厘廿幾年黎已經在家長心中完全破產，我相信無乜人會否認。如果唔係，點解咁多家長前仆後繼咁想子女去讀國際學校？點解家長或者學生選擇相信補習天王/天后？點解咁多家長千方百計希望子女去外國留學？
我本人從來都相信精英制度，精英者不外乎係有分先天聰穎或者後天發奮，如果兩者兼得，就無疑係人上人。不過香港嘅教育之所以扭曲到今日嘅情況，就係一方面就話要通才教學，而另一方面其實心裡面仍然深信精英制。
厘幾十年，香港社會就業結構就係無改變過。可以話職業係完全無多樣性可言，咁多唔同科嘅大學生，通咗才都發展唔到。結果做就成千上萬嘅家長，只係希望子女就讀名牌幼兒園，小學，然後中學，繼而進入大學選讀某些神科。所以，厘十幾年，每年嘅所謂「狀元」（就係用厘個稱呼都已經顯示個社會從來都無進步過！），90%以上都係話讀醫就明白晒。
我本人「有幸」响離開香港之前都有參與過香港啲幼兒學校嘅interview，我真係唔明白其實去interview一個兩歲幾嘅小朋友有乜作用。其實用考試或者interview去釐定一個學生嘅質素本身可以係無得話係唔啱嘅，因為無論點都要有一個標準。不過，响什麼歲數或者階段去釐定小朋友嘅質素就係最大嘅問題。
我真係想問香港嘅幼兒園或者小學嘅負責人，小朋友嘅知識、社交、操行，甚至common sense，除咗家教之外，究竟係邊個嘅責任？你未曾教過，小朋友又未學好，甚至體驗嘅機會都未有，咁你想要求啲乜？竟然大言不愧去開interview簡介會，要求厘樣嗰樣？咁咪即係將全部責任一層推一層，由小學推去幼兒園，再推番比家長！然後就去揀一啲出色嘅學生，為自己學校貼金？唔好同我講間學校將來會比幾好嘅嘢個學生，因為個基礎並唔係你打嘅，係家長們用錢同心機，小朋友用佢地珍貴嘅短短幾年嘅幼兒時間及童真換番黎嘅！
所以我係唔會笑啲家長去帶啲小朋友去參加嗰啲面試班嘅，亦都唔會話啲補習社呃錢。因為有幾多個家長，除咗識基本嘅家教（有啲可能連家教都唔識！），會知道點教一個兩三歲嘅或者五六歲小朋友小去應付所謂嘅interview要求？如果每個家長或者家庭都有教師同學校嘅職能，個社會就唔洗有幼兒同小學教育啦，個個都自己教啦！
其實英國嘅教育厘十幾年都比通才教學厘樣嘢玩到差咗，但係至少某啲基本嘅教育理念都可以保得住。我覺得對於香港社會嘅心態係可以學嘅，或者叫還原以前嘅一套。幼兒園同小學咪跟番個學生住邊，計距離，政府咪每年去監察加個小學考試（係評核學校同學生，而唔係玩啲學生同家長嗰啲！），然後公開個評估結果，家長自然會選擇。
無錯，咁會令某啲地區會成為名校區，厘個真係學校、老師同學生去成就出黎，我覺得厘個世界真係無絕對公平嘅。如果真係信有嘅，結果就會整個教育質素拉低，而英國厘十幾年就正正係咁。到中學，小朋友嘅天資或努力出得六六七七，亦真正學習咗幾年，就真係可以有interview，甚至入學試。係叻嘅就自然去到grammar school，扶搖直上。如果比較遲熟嘅，入唔到grammar school，肯努力嘅都還有機會去讀一線尾嘅大學。
真正嘅中產或者有錢嘅，可以選擇直接由頭到尾咁讀私校，雖然未必一定讀到最頂級嘅大學或者學科，不能都可以叫做用錢換到啲教育保障。如果係社會高層或者貴族，咪讀貴族私校囉，命嘅嘢邊有得講？唔通問點解我咁靚仔，唔係李生個仔咩？或者問點解我生得咁有貴氣，唔係公主呀？
其實家長真係要信任子女嘅天份同輔助同鼓勵佢地後天發奮努力。作為一個父親，我真心相信「係龍就飛上天，係蛇就會落地」厘樣嘢，父母做到嘅只係輔助同鼓勵而且，迫到幾多呢！香港已經每年迫死好多，重想點呢！
其實世界上每一個地方或者國家都有教育問題，只係政府同個社會可唔去面對。但係我認為推啲幾歲嘅小朋友去面試，就一定唔係正確嘅做法同準則。不過當香港從事教育嘅都變成咁，我就真係唔知香港啲家長同小朋友可以點？
#幾歲要面試 #跟本就係笑話 #只係推卸責任比家長 #出買小朋友嘅幼年及童真 #重要開面試簡介會 #為教育者知唔知醜 #係龍就飛上天 #要迫死幾多細路先安樂
**************************
移民係一條數學題
http://bit.ly/2wgKIyP
移民與香港買樓數學題
http://bit.ly/2vHSayM
點樣先可以做英國公民？
http://bit.ly/2vocSVY
**************************
要迫死幾多細路先安樂 在 細路字典 的推薦與評價
逃命乃萬物求生本能，沒有所謂可不可恥；唔死先做到世界冠軍，以物種的存續來說，這更是天字第一號有用的本事。 當然，凡事有兩面，過猶不及，一見到少少徵兆就棄甲曳兵， ... ... <看更多>