不說假話才是真朋友啊
#Mark語錄
#就愛宅在一起加入我們社團😘 我們追劇吧
見義勇為意思 在 Mark語錄 Facebook 的最讚貼文
見義勇為意思 在 小北斗的夜空 Facebook 的最佳解答
【替你出頭！】
「阿肥姑娘，我成世人冇結婚，一直都係自己一個，但我好慶幸呢幾年識到妳，好多謝妳一直以嚟咁幫我同關心我，我宜家真係一身鬆哂！」快90歲的包伯伯穿著我送給他的抓毛外套，邊說邊向我作了一個70度鞠躬！
放完12天大假回來，感覺像走了一年一樣！枱面貼滿memo不特止，每天不停收到長者來電，有些更來了中心找我！復工第二天，包伯伯致電找我.....
「阿肥姑娘，妳放完大假嗱？我之前搵過妳，佢哋話妳放大假呀！妳返嚟真係好喇！祝妳新年快樂呀！」
「多謝你～包伯伯！係呢，你近排點呀？夠唔夠暖？唔夠我可以俾衫同氈你喎！」
「多謝妳呀！我夠暖！我有啲心事想同妳講，我宜家好煩惱.....」
語調充滿憂慮，和上次被警察上門控告他拿了提款咭機的錢一樣，我知道，他又有麻煩了！
(上次惹官非的其中一篇分享：
https://m.facebook.com/story.php?story_fbid=923645028147189&id=225554364622929 )
「發生乜嘢事？睇吓我幫唔幫到你？」
「有個成廿年冇聯絡我嘅侄女早兩日突然搵我，話約我出去飲茶；佢同我講，話我年紀大，打算加佢同老公嘅名入嚟話照顧我！我咁多年都係自己一個，我知道佢哋唔係咁簡單！」
包伯伯委屈無奈地訴說整件事情的始末，我聽了半分鐘已知道那侄女的陰謀，利用老人家拿著數的人比比皆是，有很多更是老人家的親友！
「我覺得好有問題！你冇應承佢吖嘛？」
「我冇呀！我當然冇啦！我不嬲都係自己一個，我有事入醫院，佢哋從來冇理我；我犯官非要上庭，都係全靠妳幫我；我同姑表講，佢都叫我千萬唔好應承(姑表是那年過80，上次也有來法庭撐他的好兄弟)！但我侄女話，佢會搵區議員幫手寫信，我呢兩晚都瞓唔著！」
失眠，是包伯伯的憂慮指標，只要有心事，他一定失眠！
我替包伯伯分析事情，叫他不要主動回電，如侄女再來電就即時拒絕，千萬不可心軟！包伯伯像被注了一支強心針，表示知道怎樣做了！
殊不知.....
過了一天，姑表憂心致電我，表示很擔心包伯伯被侄女欺負和欺騙.....
昨天一早回到中心，就收到包伯伯來電，表示侄女致電來問了他很多日常生活和綜援金的事，他不答不好意思，答了又忐忑不安！
最終，他不懼寒風，內穿短袖夏威夷恤，外穿一件骯髒的灰色棉褸，推著輪椅借力來找我！
他本身聽覺不好，講電話常聽不清楚，面對著侄女又吞吞吐吐，所以我建議和他一起致電侄女，先由他親自拒絕，我再替他補充；他不停點頭說好，我見他眼含淚光！
近廿分鐘的對話，我聽了一個「謀屋篡位」的奸計，原來侄女不是加自己名字，是打算加她兒子和媳婦名字，亦即是包伯伯的侄孫和侄孫新抱！但那兩人長甚麼樣子？何時結婚？包伯伯從來不知！
我替包伯伯穿上了一件全新抓毛外衣、替他戴上帽子；再替他換掉那個常滑下的口罩，再送他兩張飯票，叫他趕快去吃午飯，千萬不要著涼！
「阿肥姑娘，本來我頭先真係有啲凍，宜家暖哂喇！好多謝妳又幫多我一次，我都唔知點樣報答妳好？」
「唔駛客氣呀！只要你平安快樂，就係最好的回報！」
每個人當遇上困難或被人欺負時，總希望有人能為自己挺身而出；以前是肥媽守護我，而這種見義勇為的精神，正是肥媽遺傳給我的！
見義勇為意思 在 1. have a go at嘗試一下,... - 英典美語/英典英語EDEN ... 的推薦與評價
1. have a go at嘗試一下, 試試看，【英】拔刀相助/見義勇為/路見不平意思: To have a permission to do something允許做某事The public should not be encouraged to ... ... <看更多>