其實好有趣，做耐咗醫院你會發現幾樣嘢
1. 有病人同家屬總係覺得要脅要DAMA就可以即刻有醫生睇或者要求照咩掃描或者抽咩血都得
其實係唔會，你嘈話要DAMA最多都係搵幾個護士頂住先再等到醫生有時間同你傾兩句。但唔indicated嘅investigation都係唔會做。
2. 家屬好鍾意BD打電話要求醫生update病情
但其實如果唔係重症或critical，係醫院半日真係唔會有咩development，等咗半日可能都係等緊CT/MRI/Ultrasound或其他化驗報告或等治療/procedures
3. 病人同家屬總係覺得大聲d兇醫護人員之後就可以快d插隊
但其實你爆完我一輪，我要入房飲啖冰水calm down下先幫到你安排更多嘅嘢，爆完我係唔會令件事快咗。
4. 好多病人同家屬都會覺得醫生每日見得5-10分鐘，都無用心去睇
其實一朝就算澳洲我都睇緊10-20個病人，每個病人要睇血報告，電解質太低又要開藥補、睇下要唔要照掃描，要照掃描又要去R又要跪地說服放射科醫生批准、3號床腳痛、5號床肚痛、7號床手指流咗一滴血等等要去睇、11號床同13號床個女同個孫要求交代病情、15號床個心電圖唔係好對路要打俾心臟科傾、1號床個CXR好似水浸咁要開去水藥、4號床洗臀個病人血報告好差要搵腎科醫生傾傾、6號床個病人發燒但驗極都驗唔出咩事要搵傳染病科醫生傾傾。
照顧一個病人唔係淨係朝早見面5分鐘咁簡單，唔係寫咗個plan就會自動發生，好多嘢都要安排、再威逼利誘其他科醫生幫手。
5. 各位同業有無其他想補充下？
