【Blue Sky Studios被迪士尼停止營運】
喺迪士尼吞咗Fox後，一啲前朝嘅孤兒仔都要諗吓點樣搞。曾經係Fox皇牌嘅Blue Sky Studios，迪士尼就決定執咗佢，喺4月將會停止運作。目前，Blue Sky有套動畫《Nimona》做緊，個project做咗一半，仲有10個月就完成，原定喺2022年1月上映，都被叫停；《Nimona》直頭係好決絕咁cancel，唔會再面世。Blue Sky停止營運，預料有450名員工受到影響，而迪士尼官方就表示，係因應目前嘅經濟情況，無奈只好執咗Blue Sky。
Blue Sky最出名嘅作品係《冰河世紀》，當年一出曾有說可成為下一間Pixar，而其後嘅《奇鸚嘉年華》一樣叫好叫座，仲同當時好紅嘅Angry Bird合作做game；Blue Sky喺3D潮嘅洪流下，幾套動畫作品都大賣3D效果，獨論3D影像，堅係勁過迪士尼。不過，Blue Sky後期創意欠奉，一套《冰河世紀》拍足五集，愈拍愈爛，冇嘢講柴娃娃拖完一集又一集，某程度上都玩殘咗自己，對上一部作品，都應該係最後一部作品，就係《變雀特工》。目前，《冰河世紀》系列已經上咗Disney+，喺Blue Sky收咗後，相信都唔會再拍落去。
我又諗起另一單嚴重爛尾嘅嘢，就係Fox喺馬來西亞嘅Themepark。最初話2015年開業，當年曾經吹到好大，香港嘅旅行社都出埋廣告，當時係用《冰河世紀》作為樂園嘅重點園區。如今，呢個Themepark當然已經唔再用「20th Century Fox」呢個名，反而係會用唔同片廠電影嚟做設施主題，睇返當年Fox全盛時期嘅計劃，都有少少唏噓。
「20th Century Fox World」相關新聞可看留言連結。
✨ 電影網店正式開張！新張期內貨品低至$10！請即睇：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
