關於 財政預算案三讀 ，我們在網路上蒐集到這些相關的討論、資訊與評價

【財政預算案三讀發言】警隊鬼祟拎多34億

1. 除咗每年等財政預算案批錢，警隊仲有一啲陰濕招數，靜靜雞cap到公帑，立法會同一般市民都難以監察；

2. 根據《公共財政條例》第8(3)條，財政司司長可運用財委會轉授嘅權力，毋須經立法會審議或批准，即可批錢俾政府部門。2019-20財政年度，財政司司長運用轉授權力，總共批咗30億9千8百幾萬給警隊，其中有22億5千1百萬係警員OT津貼。根據資料，2019-20年度，警員OT津貼總額為25億2千萬；

3. 轉授權力亦可用嚟更改人事編制，2019-20年度，財政司司長運用轉授權力對警隊348個職位作出變更，相信大部份係無經立法會審議及批准嘅新職位；

4. 另外一個值得關注的撥款渠道，係部門之間嘅「撥款令」。根據《公共財政條例》第14(4)條，一個政府部門嘅管制人員，可以透過簽署撥款令，將部門預算轉俾另一個部門。一般而言，每一項撥款令嘅金額上限為1千萬，但一個政府部門每年可以簽幾多項撥款令並不設上限。即是話，簽十項1千萬的撥款令，夾埋就係1億，程序上係可行；

5. 2019-20年度，警隊通過撥款令機制，總共由其他部門暗中拎咗3億3千7百萬公帑。對比過去四年，足足增長3至4倍。保安局解釋，其他政府部門簽俾警隊嘅撥款令，用途多數係加強保安，例如購置大型水馬，以及請警察做政府建築物保安；

6. 我就想問，點解其他政府部門買水馬，要經過警隊採購咁得意嘅？正常嚟講，如果有一個產品，好多政府部門都需要用到，例如口罩，通常由物流署負責招標、採購。更耐人尋味嘅係，街上面可以明確見到，大型水馬上面用中英雙語標示「警察 POLICE」字樣。即是話，這些水馬明明係其他政府部門用自己部門的預算出資採購，但訂購返嚟嘅水馬，又明顯變成警隊管轄嘅財產。既然如此，點解當初警隊不獨資採購、反而要不同部門「籌旗」夾錢買呢？

7. 先唔好忖測有無人過河濕腳，但成個操作，猶如黑社會收保護費一樣。明明每年的預算案已經批咗好多公帑俾警隊，俾他們維持全港治安，但當政府建築物需要警隊保護嘅時候，警隊居然要其他部門另外交一筆錢買水馬。香港嘅公共財政，居然淪落到爛仔收陀地呢個地步；

8. 所以贊成通過財政預算案嘅保皇黨議員，其實都俾政府搵咗老襯。就算立法會唔批准財政預算案，財政司司長一樣可以毋須問准立法會，就幾廿億幾廿億咁直接簽俾警隊，人手編制加幾多都得。特區政府會唔會感謝保皇黨？北京會唔會感謝保皇黨？其實係唔會㗎。

發言全文：youtu.be/Jfn4OYIeS9k

【民主派不應輕言支持預算案】

財政預算案三讀投票，民主派三人贊成，反對者由去年的廿七人減至十一人。對於一份評分極低，畀人由頭鬧到尾的財政預算案，民主派議員的取態令人憂慮。

昨日最後一次預算案發言，我提出了民主派議員對財政預算案的判斷標準。顧名思義，民主派議員的基本任務是和市民一起爭取民主。但爭取民主在公共財政的領域上是什麼意思呢？是不是一位「民主派議員」成功爭取A撥款，他就是成功爭取「公共財政民主化」呢？顯然不是。

香港的公共財政權力被行政當局高度壟斷，所有人，包括立法會都只能「給意見」，聽不聽全由財政司話事，而財政司代表的行政當局則是由小圈子選舉産生，被小圈子的既得利益綁架。這套權力結構是為什麼香港政府即使有四萬億港元儲備，也不搞全民退休保障，還繼續逼香港人做地産商奴隸。有因才有果。

然而，大部分民主派在討論財政預算案時，只談「果」，不談「因」，那就跟保皇派沒有分別。民主派和保皇派的關鍵分別，就是前者極力要維持行政當局對公共財政權力的壟斷，唔要民主化，而後者則要想方法打破壟斷，例如爭取議會有權提高行政當局設定的預算，不應只能提出削減的修正案。

因此，我認為民主派只應在以下兩個狀況出現時，才「考慮」支持預算案：
1）成功爭取民主化：當局願意與立法會分享公共財政權力，譬如容許議員提出增加預算的修正案
2）成功爭取核心財富再分配政策，例如政府答應落實全民退休保障

當（1）和（2）仍然遙不可及，當政府有保皇派支持完全夠票通過預算案，民主派議員是否應該因為個別財政要求得到答允而為政敵「錦上添花」？

財政預算案三讀表決都唔撚叫重要，我真係唔知乜撚野叫重要

【財政預算案三讀發言】（14/05/2020）轉授權力與撥款令

2020-21年度財政預算案今日在立法會三讀，我在發言所指出的兩個問題──財政司司長轉授權力與撥款令──容許財爺自行批錢予政府部門、亦容許部門之間將公帑調來調去，立法會無法過問，無法反對。

除2020-21年度新批出的258億，警隊2019-20年度另外鬼祟拎到34億。

1. 除咗每年等財政預算案批錢，警隊仲有一啲陰濕招數，靜靜雞cap到公帑，立法會同一般市民都難以監察；

2. 根據《公共財政條例》第8(3)條，財政司司長可運用財委會轉授嘅權力，毋須經立法會審議或批准，即可批錢俾政府部門。2019-20財政年度，財政司司長運用轉授權力，總共批咗30億9千8百幾萬給警隊，其中有22億5千1百萬係警員OT津貼。根據資料，2019-20年度，警員OT津貼總額為25億2千萬；

3. 轉授權力亦可用嚟更改人事編制，2019-20年度，財政司司長運用轉授權力對警隊348個職位作出變更，相信大部份係無經立法會審議及批准嘅新職位；

4. 另外一個值得關注的撥款渠道，係部門之間嘅「撥款令」。根據《公共財政條例》第14(4)條，一個政府部門嘅管制人員，可以透過簽署撥款令，將部門預算轉俾另一個部門。一般而言，每一項撥款令嘅金額上限為1千萬，但一個政府部門每年可以簽幾多項撥款令並不設上限。即是話，簽十項1千萬的撥款令，夾埋就係1億，程序上係可行；

5. 2019-20年度，警隊通過撥款令機制，總共由其他部門暗中拎咗3億3千7百萬公帑。對比過去四年，足足增長3至4倍。保安局解釋，其他政府部門簽俾警隊嘅撥款令，用途多數係加強保安，例如購置大型水馬，以及請警察做政府建築物保安；

6. 我就想問，點解其他政府部門買水馬，要經過警隊採購咁得意嘅？正常嚟講，如果有一個產品，好多政府部門都需要用到，例如口罩，通常由物流署負責招標、採購。更耐人尋味嘅係，街上面可以明確見到，大型水馬上面用中英雙語標示「警察 POLICE」字樣。即是話，這些水馬明明係其他政府部門用自己部門的預算出資採購，但訂購返嚟嘅水馬，又明顯變成警隊管轄嘅財產。既然如此，點解當初警隊不獨資採購、反而要不同部門「籌旗」夾錢買呢？

7. 先唔好忖測有無人過河濕腳，但成個操作，猶如黑社會收保護費一樣。明明每年的預算案已經批咗好多公帑俾警隊，俾他們維持全港治安，但當政府建築物需要警隊保護嘅時候，警隊居然要其他部門另外交一筆錢買水馬。香港嘅公共財政，居然淪落到爛仔收陀地呢個地步；

8. 所以贊成通過財政預算案嘅保皇黨議員，其實都俾政府搵咗老襯。就算立法會唔批准財政預算案，財政司司長一樣可以毋須問准立法會，就幾廿億幾廿億咁直接簽俾警隊，人手編制加幾多都得。特區政府會唔會感謝保皇黨？北京會唔會感謝保皇黨？其實係唔會㗎。