《失孤的團圓》
Hi各位好，我係阿暖。
.
想同大家分享一個感動到我嘅故事，希望都會感動到你。
.
今次想分享一下《失孤》嘅故事，無錯，就係劉德華嗰套戲所取材嘅真實事件。
.
我相信大家多少都聽過啲拐賣兒童，然後啲家長有幾慘，甚至千方百計要搵返自己個『失孤』嘅故仔。
.
劉德華套戲入面，聽講話搵仔搵咗十五年。
.
但原來真嗰個仲誇張⋯⋯
.
話說主人公郭剛堂97年喺自己屋企門口，個仔俾人抱走咗。喺無閉路電視片段，無任何目擊證據，喺跪地懇求村民幫佢地氈式搜索，都完全搜唔到咩結果嘅情況下，佢決定咗踏上四出搵仔嘅不歸路。
.
靠一部電單車，揹住成袋尋人啟事，逐城逐縣咁搵。咁玩法佢好快就傾家蕩產，唯有沿途賣自己整嘅手作，賺旅費繼續搵⋯⋯
.
24年裏面，佢揸壞咗十部電單車，行咗50萬公里，全中國除左新彊西藏都行過哂⋯⋯
.
結果呢？
.
今年七月啱啱搵得返啦！
.
但個感動位仲喺後面。
.
當父子團圓之後，個仔同郭剛堂講：我都係會跟返個養父母繼續生活，因為佢哋一直對佢好好，佢應該孝順。
.
郭剛堂咩反應呢？
.
佢話『孩子願意孝順他的養父母，那你就很坦誠地去接受就行了。』
.
愛一個人，唔而要佔有。
只係想確認佢過得好。
.
老生常談，但有幾人做到？
.
而另一件好感動嘅事係，郭剛堂搵仔，最終唔止受惠自己，喺途中佢不斷幫助其他同病相憐嘅父母，仲成立咗個『天涯尋親志願者協會』同埋『天涯尋親網』添。
.
有一個講法係：如果你好想實現一個願望，就要先幫助其他人都實現佢⋯⋯
.
我相信，你呢？
.
多謝大家收睇。我係阿暖，以後有感動人嘅故事，再同大家分享。
#阿暖 #暖島 #心靈雞湯 #正能量 #藍橘子 #Positive #Wholesome #失孤 #劉德華
賺旅費 在 【出國賺旅費聰明省錢術】得獎名單出爐啦!!! - Facebook 的推薦與評價
好康贈獎活動※ 【出國 賺旅費 聰明省錢術】得獎名單出爐啦!!! 恭喜[王宥強] 獲得[WIFI雙鏡頭汽車行車紀錄器] 請快把您的<真實姓名、地址、聯絡電話>私訊給小編喔， ... ... <看更多>