每次揸車入觀塘，我都會問自己：
「我究竟做錯咗啲乜😭」
講真，冇乜必要，我係唔會搵自己啲寶貴光陰嚟較飛嘅，去得都係別無選擇，通常為咗做嘢。每一次，我都帶住視死如歸嘅決心；每一個街口、每一個迴旋處、每一個燈位，都係車。自從有次喺巧明街塞到想開app叫外賣睇下送唔送到過嚟之後，我認命，以後寧願泊遠啲行路過去。
早排有單嘢，要連續幾日喺觀塘開工，我就連續咁樣行咗幾日；行行下，咦，又ok喎，沿住海濱公園行過去，原來好舒服。
相信大家都知我有跑開步啦，但係其實除咗跑步之外，行路都係唔錯嘅運動嚟，而且「門檻」比跑步低。特別對長者嚟講，除咗行多啲路身體好之外，又可以欣賞沿途風光兼發掘下社區嘅另一面；「賽馬會齡活城市計劃 躍動香港健步行」計劃，正正就係將「健步行」、「地區導賞」同「友善社區」嘅概念連結。呢個計劃喺全港10區招募長者親身設計咗12條(包括觀塘呢條🤡，我揸住嗰條毛巾有晒啲路線同話你知附近有咩睇㗎)具地區特色、長者同年齡友善嘅健步行路線，仲整埋手機應用程式同地區路線指南添。主辦單位CFSC 基督教家庭服務中心會喺4月15日至5月14日期間舉行網上展覽，分享呢個計劃一年嚟嘅成果，大家上網登記睇下吖，睇網上展覽期間玩埋佢個遊戲，可以贏到$50超級市場禮券㗎: bit.ly/WalkTheCity
除咗網上展覽，記得4月15日(星期四)下晝3點去 https://www.facebook.com/schoolofgoodlife 睇埋活動嘅網上閉幕禮暨研討會。
因為，個活動我主持嘅🤗
#賽馬會齡活城市計劃
#躍動香港健步行
#CFSC
#基督教家庭服務中心
賽馬會齡活城市計劃 在 賽馬會齡活城巿計劃Jockey Club Age-friendly City Project 的推薦與評價
「賽馬會齡活城市計劃」旨在提倡長者及年齡友善文化，讓香港成為適合不同年齡人士生活嘅「齡活城市」。請密切留意我哋嘅Facebook專頁，我哋會為大家介紹各區唔同類型 ... ... <看更多>