【和風印尼撈麵】Mizuno Morelia Neo 3 Pro AG
如果有著開Mizuno 嘅用家，相信都係揀Morelia，因為係袋鼠皮，貼腳鞋型，而且夠輕。而上年推出3代鞋型，絕對唔係求其換隻色加少少就叫你科水。而Pro AG嘅版本只限印尼出品。版主有幸著過上代嘅Pro AG。一比較之下就覺得大幅改岬良之外，仲有更多日本版嘅感覺。
著開Mizuno 嘅朋友都應該知道有分日本同印尼兩個產地，以上代同一款Morelia 去比較，一上腳就知分別。除左物料上嘅唔同，印尼版鞋楦較為闊，相對闊腳嘅朋友較適合。日本版係更為貼腳。可能大家對「Made In Japan」有先入為主嘅肯定，總會覺得印尼版係下欄貨。如果以上代兩個版本，呢個說法係值得信服。但到今代嘅Morelia 3 ，絕對會令你對印尼版嘅睇法改觀，更有一種MIJ嘅味道。
直迫日本版體驗
Morelia 3 Pro AG 喺前掌採用袋鼠皮物料，以新鞋去計相對冇日版咁柔軟，皮革用料亦較為挺身。但進步得最多絕對係前掌及足弓位置同日本版一樣闊度，冇左上代印尼版鬆弛感覺。同日本版分別唔大，好處係夠包腳之餘，令到球感更為清晰，溝通感更強，喺急停轉向動作有更強嘅支撐度。而且上腳感覺較上代輕巧，所以跑起上黎多左份實在感及安全感。
升級內櫳更舒適
如果有睇過版主介紹過上代嘅款，其中一個較大嘅改動於內櫳，首先鞋舌位置用料略為加厚，而且選用一款耐用嘅皮革，不論球感及耐用性大大提高。而後踭位置嘅物料改為有彈性而同時具有防滑功能嘅物料。更有效令鞋身咁腳掌連成一體，特別在起動加速，比舊款更穩定，亦減低「甩踭」嘅機會，唔會覺得甩下甩下。而踭位嘅內櫳亦設有一層防滑Cushion，類似女士著高踭鞋嘅防割墊。一來令踭位更貼鞋，另外減低新鞋刮腳嘅不適及受傷機會。而後方包實後腳阿基里斯腱嘅位置改用柔軟而彈性嘅物料，增加少少腳腕靈活性及舒適感。
版主而家著緊上代Morelia Neo 2 FG日本版，喺測試呢兩個多星期係唔需要重新適應。係同平時著開嘅波boot唔會有太明顯嘅分別，感覺上同日製版本係一樣咁貼伏，無論跑動，長短傳控，射門呢幾個球感係好有日本版嘅感覺。特別長短傳係有著高靈敏及準繩嘅感覺。而鞋身嘅用料亦相對企身，同上代太軟身嘅感覺完全唔同。加上針對仿草場而設嘅AG鞋底擁有更短而密嘅鞋釘，令踢仿草場時鞋釘更容易藏於草層內。而且咬地性能更強。因為非常適合踢好多唔同質素嘅仿草足球場。試左兩個星期有多，今代嘅印尼版絕對係誠意之作，同時將日製版本嘅優點帶到今代嘅印尼版。但價錢只係日版嘅一半。所以更抵玩。同印尼撈麵一樣咁惹味之餘，再用日式煮法令到整個成品更好食。
顏色: 黑 / 紅
Size: Eur 39 - 46
Price: $859
🚚訂購需時約3 - 4星期，到貨後以順豐發貨
✅接受Payme / 轉數快 / 銀行入數
⁉️3月7日截單
☎️歡迎whtsapp 51288455 或 按下
https://api.whatsapp.com/send?phone=85251288455&text=我想訂購MizunoAG
#ballboot #ballboothk #波boot #波boot實測 #mizuno #同日本版一樣咁好Feel #袋鼠皮波boot #袋鼠皮足球鞋
足球鞋 價錢 在 香港足球鞋- 一二手自由買賣交易區 - Facebook 的推薦與評價
本買賣區誠意為在內的每一位愛足球嘅成員們提供一個方便自由「買」與「賣」足球鞋的平台。 ... 釘鞋著過兩次平底著得比較多唔好意思鞋盒畀老母抌咗價錢地點可再pm傾. ... <看更多>