《#我的印度男友》今日上映，要講下。套戲好老實講唔係話好好睇(我知咁講係有啲衰)。不過呢，有啲位又拍得幾得意令我深刻，一般港產片裡面未見過。無啦啦唱歌係bollywood片特色，作為首部港產bollywood電影呢方面無渣流灘。可能budget所限，唱歌配嘅畫面唔算好豐富，跳舞都唔太多，做唔到平時印度片果種熱鬧。但當中有一小場喺中環摩天輪下歌舞，嗰度兩位主角好charm好型，香港夜景好靚，我非常之鐘意。仲有啲印度旋律歌曲配上了粵語詞，好有趣嘅mix & match，如果喺第二套戲出現一定好怪但係呢套背景你又會覺得幾有趣。最後，陳欣妍非常非常正～
.
Bollywood風格用落港產片，絕對係個Good try。雖然搵到值得欣賞嘅地方，但劇情係可以深少少多少少。兩個鐘頭嘅片長唔易爭取，應該要好好運用。男主角愛上女主角原因實在表面，追女仔講嘅嘢同埋方法都無按劇情推進而有所加強升級，只有『我真係好鍾意你』、『無人好似我對妳咁好』，花得太多時間喺唔算好動人嘅對白上。要俾少少耐性，多多包容，有時會覺得編排好似幾十年前嘅戲，有時好認真營造傷感但觀眾會笑，明嘅。睇番幕後真係好多印度人參與，好難得嘅一次跨文化合作，都要讚吓投資者膽識。
跨文化合作 在 【 跨文化溝通】如何有效跨文化溝通 - YouTube 的推薦與評價
跨文化 溝通】如何有效 跨文化 溝通課程目標: 本課程協助您如何與不同文化背景的 合作 夥伴進行商務溝通交流，從理解文化差異到各國文化管理，從文化溝通 ... ... <看更多>