【JARvel-knowledge・日本個人/公司的士有咩分別? 】
今次繼續講吓日本的士小知識！之前講過自動門閂唔閂好 (連結喺度 : https://www.facebook.com/343078569084131/posts/3033189626739665/ ) 今次分享下日本的士到底分幾多種類，講嘅唔係紅的綠的咁分，而係「公司的士」同「個人的士」之分。
先講公司的士，日文漢字會寫作「法人」的士。簡單嚟講，即係一間的士公司擁有多架的士，然後再聘請司機。所以法人的士嘅司機其實係幫的士公司打工。要加入的士公司做司機條件都唔算難，只要考獲「普通自動車第二種免許」(即係旅客運送牌照)，公司又肯請你嘅話，即日開工都得。受聘於的士公司，雖然設備、保險、燃油都會由公司負擔，但收入就要上繳公司。佢哋嘅人工係以佣金計算。現時比例大概係司機收60％，其餘40％由公司收取作為經費。
咁大家可能會問，食水咁深，咁不如揸個人的士啦，自己打自己工啦！冷靜啲先，喺日本做個人的士司機，分分鐘難過開的士公司呀。要成為個人的士司機，除咗基本嘅旅客運送牌照之外，仲需要10年以上的士司機經驗 (如果未滿35歲嘅話，更加要喺同一間的士公司工作10年以上添)。另外要喺提出申請之前10年內冇發生過交通意外同違例事項，先至可以申請，最後仲要喺地理考試合格。要過去十年完全安全駕駛先做到個人的士司機，所以個人的士司機喺日本，係一個信心同經驗嘅保證。
咁作為乘客，點分個人同法人的士呢？有兩種方法，第一、個人的士車身上會有「個人」字眼。第二，睇車頂盞燈。呢盞燈會根據唔同的士公司而有唔同嘅形狀同式樣，大部份個人的士都會加入一個叫「全國個人的士聯會」嘅組織，組織嘅的士燈係蝸牛形狀。另一個「日本個人的士聯會」就係提燈形，另外仲有好多唔同嘅聯會，亦有唔同形狀嘅燈。
雖然上面提到個人的士要具備好多條件，係信心保證。但係法人的士始終都係專業嘅，唔係的士公司都唔會請佢啦！
之前有人問過我喺日本坐個人的士會唔會比較唔安全(因為係個人經營)，希望以上嘅解說可以答到呢個問題啦！
#JARvelogue
#已經想盡量圖文相符㗎喇
#話晒後面有幾架的士
#你就當我等緊的士啦
#背住啲的士等的士
#睇到咩
#個樣衰啲都無辦法要照po
車頂架種類 在 車頂架橫桿/ Roof Rack Cross Bars - Facebook 的推薦與評價
這裡提供車頂架橫桿種類與配置的資訊讓車友們知道，何種款車型適用何種款式車頂架橫桿，以讓車友可以多加了解加裝車頂上以擴大車輛的置物空間、將露營的睡袋、腳架、 ... ... <看更多>