Search
邊個話燒腦劇唔好睇？🌚🌚🌚
Viu 喺奧運之後，未有新自家劇，又返去播韓劇嘅節奏，其中930時段嘅 #逆轉時機 又玩逆時空，又係玩電話，第1集諗住無啲新意(所以miss咗開頭)，點知追落有驚喜😲
頭5集係鋪排，故事由男主角妻女死晒開始，之後女主角殺咗人判終身監禁，靠每晚1分鐘逆時空通話(+無限message對話😅)去逆轉1個月發生嘅事，女主角有幾集係重複被殺又救到，蝴蝶效應就改埋1個月後嘅事，清到個疑點又會出現新情況，每晚同佢燒腦，睇到心好累，不過真相越嚟越清晰又好刺激！🤩🤩🤩
99台而家做到第10集，未睇可以上 ViuTV 即刻追返 https://viu.tv/encore/kairos
//
《逆轉時機》講述男主角金瑞鎮本來擁有美好家庭，在公司慈善音樂會上，女兒突然被綁架並撕票，大受打擊的妻子更因而自殺。
女主角韓艾莉母親失蹤，為了尋找丟失的電話，意外聯絡到一個月後的金瑞鎮。兩人在每天的特定1分鐘接通電話，在有限的時間，於兩個時空改變各自原本的命運。
#ViuTV #韓劇 #카이로스 #Kairos #申成祿 #李世榮
【 許廷鏗首度主持ViuTV節目《AH佛真．惜玩》 】
_
東京奧運閉幕後，三家電視台的中文頻道（77台、81台、99台）回復正常節目播放，當中ViuTV更一口氣推出四綫新節目，包括兩綫韓劇《延遲的正義》（20:30）、《逆轉時機》（21:30）、《AH佛真．惜玩》（22:30）以及《 ＃海陸勁技場》（23:00），當中尤以「牙佛」許廷鏗（Alfred）做主持的綜藝節目兼真人騷《AH佛真．惜玩》最有睇頭 ── 這是Alfred自年初約滿華納唱片獨立發展後 （https://bit.ly/3jFmF3E） ，首個在免費電視台擔正的節目，為此他碌盡「人情卡」，邀請不同嘉賓傾下玩下笑下，每集更會接受不同挑戰，務求跳出Comfort Zone。
_
Alfred上周一（2/8）出席在深水埗「WSNXT」節目錄影之前接受訪問時，透露當初為何會有《AH佛真．惜玩》，他指出一切源於，去年擔任《全民造星III》的評判之後，獲ViuTV製作部副總裁金廣誠邀請參與拍攝這個新節目，「佢覺得我講嘢好，其實我從來都唔覺嘅，但我記得佢講過話，佢覺得我喺《造星III》做評判嘅時候，有啲部份都有啲Insight（見解）可以畀到一啲觀眾。」
_
不止金生，就連《全民造星IV》監製「花姐」黃慧君也這樣認為。「佢都有講過啲類似嘅說話，佢話我喺人生觀上面，可以畀到參賽者一啲諗法，當然我都係唱歌比賽出身，對呢方面可能會熟悉啲，但佢話我可以係一個小小嘅人生導師，但坦白講，我都係學緊嘅階段，同大家一樣，我喺呢個節目入面都學咗好多嘢！」
_
以第一位嘉賓賈思樂（Louie Castro）為例（第1－2集亮相），他是昔日金廣誠於無綫電視《歡樂今宵》年代的其中一位工作伙伴，轉眼間他已由《少年十五二十時》（1976）的二字頭小伙子，變成今時今日已屆66歲的「爺爺級」大前輩了，「我本身就唔認識嘅，但金生話：『你同佢玩啦，Louie佢好玩得㗎！』嘩，玩起上嚟，佢真係癲過我！佢係有一種好童稚嘅青春喺入面。」到底有幾癲？Alfred用一個簡單例子說明。「我同佢玩小型賽車，總之最簡單講就係佢贏咗我囉，哈哈！」
_
Alfred坦言，Louie在拍攝期間絕不留力，「當佢要玩一啲合作嘅遊戲，係佢教我點樣做，同埋點解今日我要送《青春頌》畀佢，點解係呢首歌？因為我係拍完之後先知，成個節目佢都冇化妝，完全冇老態，甚至皮膚狀態係年輕㗎啦，我同佢企到咁近，我都覺得點解佢啲皮膚可以好到咁，佢就話：『都要保養下嘅！』但對於我嚟講其實係心境，所以冇乜歲月嘅痕跡喺度，我係有少少見到，如果我去到佢嘅歲數，都仍然可以咁開心咁自在咁快活，都幾好。」
_
值得留意的是，今晚（10/8）播出的第二集《AH佛真．惜玩》裏，Alfred需要和賈思樂參與AR遊戲，又要接受跳柱挑戰，他認為後者是今次拍攝節目的過程中一個「絕大衝擊」。「呢個其實係一個懲罰環節，就係當我喺限時之內完成唔到呢個Task，我喺現場就見到好大嘅一碌柱，（製作組）叫我要爬上去碌柱度，仲要跳出去捉住一個好似空中飛人咁嘅扶柄，（距離）都有啲遠，但我真係搞唔掂，要近啲，不過坦白講，我都唔知有呢個部份，就膽粗粗戴住個頭盔，你知ViuTV好鍾意咁，頭盔上面又有GoPro，之後我又要爬上去，又要跳，對我嚟講係癲嘅，但更癲嘅位係咩呢，之後佢哋同我講番，就算我贏咗，個獎勵都係同一件事。」
_
他承認性格使然（金牛座），很多時給予外界一種所有事情都要「Under Control（在控制範圍內）」的感覺，但此節目正好打破這種幕前設定，令自己踏前一大步，「原來有啲嘢，唔Control嘅效果係仲好！（衝擊是）原來當我冇心理準備，去到嗰啲位，而要挑戰自己做一啲未做過嘅嘢，真係會驚，就算真係安全，我係唔係要同你博？即係心入面都有呢啲交戰，但真係拍完，做完呢Part，又真係成功到，賈思樂真係同我講：『I’m So Proud of You!』，因為畀著係佢，佢都會驚。」
《AH佛真．惜玩》節目預告：https://bit.ly/3lVmfsJ
緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
_
（10082021）
_
#游大東影視筆記 #游大東 #許廷鏗 #賈思樂 #金廣誠 #花姐 #ViuTV #ah佛真惜玩 #全民造星IV #東京奧運 許廷鏗 Alfred Hui ViuTV 做乜膠睇電視 港人講電視 WSNXT
电视剧空洞Kairos分集剧情介绍,空洞Kairos主演：申盛禄、李世荣、安普贤、南奎丽,空洞Kairos集数：16集,空洞Kairos播出时间：2020-10-26,剧情介绍：韩剧《空洞》又 ... ... <看更多>
电视剧空洞Kairos分集剧情介绍,空洞Kairos主演：申盛禄、李世荣、安普贤、南奎丽,空洞Kairos集数：16集,空洞Kairos播出时间：2020-10-26,剧情介绍：韩剧《空洞》又 ... ... <看更多>
逆轉時機韓劇 在 一部手机跨越两个时空！一口气看完悬疑韩剧《化时为机》 的推薦與評價
韩剧 #化时为机#虫妹看电影一部手机，跨越两个时空！一口气看完悬疑 韩剧 《化时为机》 ... <看更多>