“鄧ben利多” 聚會
啱啱同dr. raymond做咗個分享會，係近期最開心嘅活動。人數少少哋，20個，可以深入討論語言學同心理學，同埋兩者嘅交集。
下面有啲感動位：
有個家長話佢個9歲嘅仔仔，係資優生，但係唔鍾意語文，中英都唔鍾意，佢話唔使讀，要識自然會識。做數學跳過晒啲文字題。個家長話佢淨係鍾意睇我啲粗口片。我叫佢買埋我啲小學作文書畀仔仔睇，唔睇書冇得睇片。
另一位朋友原來係我十幾年前教佢副學士，佢話當年教佢點分析語言語法，令到佢開竅，將潛喺混濁嘅水底嗰把劍撓翻起。會後傾落原來佢打算讀個mphil, 要攞個話語權。
呢種人少少嘅模式，有啲似會員制咁，應該持續搞落去，互相攞共鳴，互相扶持。
#bensir #raymondtang #鄧ben利多 #gardenmeow
