【睇完《夜行者》，推薦呢套紀實式案件重演題材遺珠】
尋晚介紹完《夜行者：極惡連環殺手》，幾位讀者朋友都表示套戲好有紀實式電影感，咁其實佢真係一套紀錄片，只不過拍套好有電影感（算係有雞先定有蛋先問題🤣）。大家傾開會同我一樣諗起David Fincher嘅《殺謎藏》，或南韓嘅《殺人回憶》果類題材。不過，講起呢類重案組探員同狂徒鬥智鬥力嘅奇案片，睇《夜行者》時反而諗起呢一套，雖然唔關殺人狂事－－某程度上都算係，只不過一嘢較大型，絕對都係紀實式電影、重組案情嘅典範。
呢套《恐襲波士頓馬拉松》一如其名，就係講返波士頓馬拉松恐襲嘅故事，成套戲人物同支節極多，甚至連炸彈狂徒視點都有一定描述，但整理起上嚟有條不紊，時間線同角色極為複雜，拍起上嚟唔單止唔混亂，仲會覺得劇力萬鈞，幾乎好似同戲入面角色同步咁，即使佢係一套電影，拍出嚟個實感都有幾分紀錄片感覺。
即使兩個年代唔同，案情最終其實都一如《夜行者》，都係靠市民齊心合力先捉到兇徒，阻止更多悲劇發生，初頭或者你唔知一班九唔搭八嘅小市民，講咁多背景故事做乜，到最後慢慢連結成為完整案情，自會豁然開朗，當中最深刻係一位亞洲人角色「上錯賊車」，堅係緊張到心跳加速，真實都的確發生過件咁嘅支節。一如《夜行者》入面生還者嘅描述，佢最犀利嘅係，單靠角色口述配合簡單影像，都一樣會令成個畫面出曬嚟，重頭戲堅緊張，睇到你屏息以待。
可惜，《恐襲波士頓馬拉松》當年喺香港上映迴響不大，甚至可能冇乜人睇過，又或者睇個勢好好大美國主義題材咁，成績一般。個人覺得絕對係一大遺珠，如果鍾意呢類紀實式案件題材，呢套不容錯過。
《夜行者：極惡連環殺手》、《恐襲波士頓馬拉松》觀後感可看留言連結。
✨ 電影網店正式開張！新張期內貨品低至$10！請即睇：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
重組案情 在 重組案情- Explore 的推薦與評價
尖沙咀海防道一間鐘錶店本月一日發生的劫案，警方再拘捕兩男一女，並帶其中一名男疑犯返回現場重組案情。 目前仍有一名疑犯在逃，被劫的鐘錶珠寶仍未尋回。… See more. ... <看更多>