周日晚上閒情
1）馬季跑埋星期三夜馬就煞科，輝哥形勢大好，好有機會在退休之前，一嘗冠軍練馬師心願。
2）另一邊，唯一未達標的練馬師，人稱叻廄的何良，究竟畢唔畢到業？
3）己隊無欲無求，作客狼隊輸3：0，也不太過動氣，留待下季等ON 76慢慢執。
4）睇完波就要寫稿，趕住明天在立場新聞出街，寫黃店我係會加多兩錢肉緊。
5）寫好了，交俾負責我稿件的編輯，日前在飯局上聽到前輩分享，以前用原稿紙手寫年代，如果係急件的話，雜誌係會派專人，揸電單車嚟收稿。
6）呢一代聽落梗係匪夷所思啦，我哋已經係鍵盤戰士，交稿又唔使經電郵，whatsapp或messenger，一鍵已留名。
7）科技越發達，話就話以人為本，但另一方面又會係物極必反。
8）所以我在上年，買咗個黑膠唱盤，啱啱，又買左部cassette，拿住隻黑膠碟、盒帶，感覺始終比較實在，起碼有樣嘢揸下手。
9）一路寫，一路聽歌，播帶，當年錄低嘅Metal帶，以前買一盒空白的Metal帶，係貴過買一盒原裝的盒帶，我都唔知點解當年咁黐線，或許係屎忽痕啩。
10）戀愛的確很傷身，雖然我口口聲聲喜歡一個人，但保持現狀，是彼此覺得最舒適的距離。
11）係呀，我曾經對著天空說愛你，So come on baby dance with me，但你好似唔識跳舞。
12）今年夏天，一班後生仔，為自己找了個出口，有夢，就去追逐。
13）呢兩日初選，我所屬嘅選區，有我年青嘅朋友參選，我的一票，當然俾佢。
14）頭先佢話今晚去黃埔宣傳，最後我都係行唔開。
15）睇完波，寫緊稿，又睇埋F1。
16）播到鄒靜「我愛夏日長」，燃燒我燃燒我，情感高漲。
17）平治又一Q返。
18）支Kilchoman就飲晒，恐怕買唔返，蘇玳桶的甜美，跟艾雷島嘅泥煤煙燻，像美女與野獸的結合。
19）盒帶最後一首歌，是李國祥。。。
20）藍絲SHA LA LA，我DLGH。
野獸先輩梗 在 [閒聊] 野獸先輩上中國央視網法制頻道- 看板C_Chat 的推薦與評價