今晚就約左個朋友一嚐海港城著名地標，
獲得米芝蓮三星名譽既「藍象泰國餐廳」，
由創辦人Madam Nooror親自委任泰藉總廚
做顧問，連餐具都係出自自家品牌，首先係門口
就有種泰國宮廷設計，感覺到好強烈既奢華感，
環境以深藍色主調，周圍既擺設都集結左傳統同
現代風格。加埋180度無敵維港海景，
無論Anniversary定係Dating都夠哂浪漫啦！👇
-
📌青木瓜蝦干沙律 - $118
👉絕對係老少咸宜既頭盤小食，酸酸甜甜既
青木瓜夾埋香口蝦乾、花生、豆角，口味相對
溫和但同時又有好Fresh既口感，唔錯！
-
📌藍象特色冬陰公配大蝦 - $188(2-3位用)
👉話明藍象特色，咁一定有佢代表性，
加上泰國菜唔點冬陰公，完全係對唔住自己既，
冬陰公湯辣而偏甜，味道鮮香，以陶瓷盛器奉上，
溫度能夠保持係高溫之間，湯裡面分別有兩大隻
巨型河蝦、新鮮檸檬葉、香茅、青檸汁、辣椒、
草菇，層次感豐富！
-
📌金不換辣椒炒河粉配雞肉 - $138
👉無論炒飯定炒河粉都一定係泰式招牌菜之一，
今次我揀呢個炒河粉就咁睇賣相可能平平無奇，
可是裡面夠足料，將辣椒、辣椒膏、金不換、蒜茸
一齊炒，將經典泰式炒河既惹味感帶哂出黎，
而且乾身又夠鑊氣，一個字：絕！
-
📌黑白糯米配泰國芒果 - $88
👉原來佢既賣相係咁可愛呀！第一時間幫佢
影相先啦，金黃色香芒香氣迫人，食落清甜，
特別開胃。黑白糯米飯分開4件好似壽司咁呈上，
燸米中間夾住甜椰漿，我比較鍾意白糯米，
口感會比較腍身但一定保持到有咬口！食得過！
-
📍藍象泰國餐廳
🎈尖沙咀廣東道3-27號海港城港威商場3樓3303號舖
