講真，我又好想回應一下:
(一) 講老實，我食飯時會諗專頁有咩題材內容寫，搭緊車又會諗下，訓教前又會諗下，CoinBase上市又會諗下有咩好寫。最近一年係真係諗到有頭痛的情況，係堅係偏頭痛果種，所以身體健康確實比起一切都重要。
(二) 網絡世界或者別人都鍾意睇你點衰或者攻擊你，即係睇人仆X最開心。其實我又唔介意，最緊要你肯繼續Follow，繼續睇，繼續留意我。有陣時我真係會諗到無內容無題材，諗到頭痛，俗稱「技窮了」，老是常出現!
(三) 香港置業成本高，講香港樓市往往傷害部份人感情，所以好少成日專頁講，置業上車都係日常生活用品來，有咩咁特別? 唔通我買左樓又要通知你? 但讀者要留意美國最早要到2023年才會加息，本港銀行體系總結餘創紀錄新高增至4,575億元，港元1個月拆息跌穿0.1厘，按揭利率極低，新增確診數字回落，種種因素抵銷左部份移民盤的影響，令香港樓市於疫情下企穩回升。這些因素我係上年一篇財經專欄《香港樓價疫市回穩的三大因素》都有部份提及，拆息比我當時預算跌得更低。
(四) 大包圍式日日推幾十隻股票，當中一兩隻爆升先拎番出來講，好明顯唔係我專頁風格。講真，其實咁樣做法係好聰明，但我個人面皮好薄，我都會面紅，唔鍾意咁做，真係覺得有信心的股票先分享，唔係我放棄左投資。
(五) 香港產業實在太單一，比較注重證券，地產及保險基金業。ViuTV新節目及四台聯播你可能覺得唔關你事，無價值，無養份，無內容。對於我來說，疫情打擊左香港各行各業，香港現時最重要就係發揮更多創意及實現產業多元化，香港樂壇，演藝娛樂及電影事業亦可以為年輕人創造更多不同的就業機會。
銀行體系總結餘 在 元來係咁解：聯匯制度&銀行體系總結餘101 #金管局#聯匯 的推薦與評價
... <看更多>