已經來過 #環保農莊 幾次，記得對上一次來已經是疫情之前，當時人流唔多，不過而家冇得外遊，呢類農莊便成了假日親子放電好去處。
位於錦上路站的環保農莊，離地鐵站約5-8分鐘的路程。呢度雖然不大，但勝在不用入場費，可以選擇想玩的付費項目，而且收費算便宜，買$100代幣會多送$10。
玩樂區：
✨環保釣魚 ($15 - 10分鐘)
其實就係平時小朋友沖涼嗰啲磁石假魚，魚放太耐所以有點殘舊，不過呢度勝在有個大水池，柔柔玩到好開心，但對五歲嘅哥哥來講就唔算好吸引。
✨撈金魚 ($25/5分鐘)
撈到嘅話仲可以拎返屋企，不過眼見難度也頗大
✨淘金樂($20/10分鐘)
✨沙池 ($20/10分鐘)
就是沙池，裏面也有一些挖沙工具
✨餵魚
有個類似奶樽裏面放咗好多魚糧
✨餵動物 (鉰料 $5/份)
有兔仔丶羊仔同豬仔，兔仔的話仲可以入籠裡面同佢哋近距離接觸
✨電動車 ($40/10分鐘)
呢個係亨亨最愛，嚟到當然要玩下！雖然佢嗰度有數架車，但叉唔切電所以人流去得好慢，每人玩10分鐘，每round都只能同時玩一至兩架車，所以都等咗好耐吓，所以如果前面有六丶七個小朋友嘅話都可能要等半個鐘以上。
✨War game ($40/15分鐘)
本身亨亨想玩呢個，但後尾佢話一定要有其他小朋友一齊玩先開放
✨小手作
嗰度仲有好多唔同嘅小手作，我哋就選擇整沙樽，費用就根據你買嘅樽價錢而定，最平$10有交易。
去完農場可以到周末假日限定的 #錦上路跳蚤市場 逛一逛，呢度有各式各樣的雜貨，當中亦不乏玩具，仲有一啲傳統嘅遊戲例如彈波波丶射槍等等，假日不妨同小朋友黎呢度行吓感受一下閒適氣氛。
#元朗好去處 #錦上路 #復活節好去處
#四月媽媽手記 #hkbaby #hkmami #hkblogger #親子 #香港媽媽 #hkkol #親子blogger #親子好去處 #香港好去處 #週末好去處 #hkmom #香港媽咪 #wearehkkid #mamatown #sohappy💛💟
錦上路跳蚤市場 在 錦上路跳蚤市場 - Facebook - 登录或注册 的推薦與評價
錦上路跳蚤市場 ， 香港. 1620 次赞· 1 人在谈论· 3395 人来过. 位於錦上路鐵路站側，交通方便逢星期六、日及公眾假期營業早上十時至晚上八時160間彩虹商店， ... ... <看更多>