【#狂迷投稿】 《監護權爭戰》 文： 謝信的藝文空間
— 「用場景講故事的優秀示範」 —
－－－－－－－－－－－－－－－
CUSTODY(中譯監護權爭戰)，個人覺得譯名有少少偏差，電影嘅開始已經講父親取得共同監護權，片頭民事法庭內雙方各執一詞同法官嘅裁判都係匆匆帶過，呢方面算唔上有咩爭戰。
.
反而電影嘅重心係放喺監護權判決之後，講一個12歲嘅少年點每隔一星期就被迫同個集跟蹤狂控制狂同暴力狂於一身嘅老豆相處。
.
全片有好幾個場景都令人窒息，首先係車入面同老豆坐喺前坐嘅時間，應該咁講，片中同老豆相處嘅時間大部分都喺車上，期間每句對白每個鏡頭構造嘅壓迫感都令你對少年嘅心情身同感受，直接啲講真係驚。
.
還掂都係，不如講下片中嘅主要場景，首先係民事法庭內見官間房，跟住到老豆架車嘅前坐，坐隔離仲要綁安全帶，中間換過幾個室內地方，包括爺爺嫲嫲間屋，為左避開老豆而同呀媽一齊搬走嘅新屋(之前住喺婆婆度)，同埋去家姐嘅party hall，最後係新屋間廁所個浴缸。
.
套戲可以話係用場景講故事嘅優秀示範，全片嘅對白唔多，亦無乜大動作(除左臨尾一幕)，有唔少靜態描寫，但就係令你緊張到無法抽離，尤其浴缸一幕，真係嚇到抖唔到氣。
.
成套戲嘅氣氛都好冰冷，唯獨當老豆強行入屋果時，隔離屋報警個呀婆同報案中心聽呀媽求救個電話嘅接線生帶黎番少少溫暖，而所謂嘅一場監護權爭戰亦就咁結束。
.
總括黎講，套戲非常精彩，值得一提嘅係呢部法國片嘅原名係傾盡所有(法文)，係導演第一部長片電影，仲憑呢套戲喺威尼斯影展上贏左最佳處女作獎，恭喜恭喜！
.
↑ 多謝投稿！有嘢想講，都歡迎各位投稿分享你嘅睇法～↑
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
#監護權爭戰
鏡頭構造 在 鏡頭與焦段：真的比相機機身更重要！第一次進相機店會做的 ... 的推薦與評價
俗話說『機身引進門，鏡頭在個人』上到超廣角、魚眼，下到望遠、. ... 5:48 請讓Lightroom來幫助你買鏡頭6:17 鏡頭構造 介紹（前玉後玉） 6:47 為什麼 ... ... <看更多>