#萬聖雜感
佳節流流，個個客都想要人流，最好塞得水洩不通，但因為疫情關係，又要威又要戴頭罩。最正係阿客話：「最好有人知道，但又唔好湧嚟；有無方法擦邊講咗佢，話我哋有少少活動咁呀？」痴線，PR叫Public Relation，咩叫Public呀？即係你一落街見到所有會郁嘅人都係。
事情發展當然係人多到癲咗，事實上完全明白大家屈咗咁耐悶咗咁耐，我哋班工作人員除咗癲咗咁量體溫搓手液洗手洗手之餘，其實心底都好開心。畢竟，攪一輪活動真係只係為咗賺客錢咁簡單？見到大家嚟活動玩得開心，都係我哋呢班公關仔繼續心甘命抵留喺呢行嘅原因之一。
大家眼中一個唔值錢嘅trick or treat活動，中間跑出去補貨不下三次。無它，買得多又驚無人嚟啲糖過晒期，唔通我下年攞返今年嘅糖出嚟俾你啲細路食？
當然就係多就搶，少或無又俾人鬧，而最正係當我哋好有禮貌、好好語氣咁同小朋友講：「每位小朋友派兩粒，我哋留返啲俾其他小朋友。」
小朋友其實俾一粒糖佢都開心，好多家長都唔該前多謝後。但當然不少得呢啲人：
「唓，一人派得兩粒，我哋特登嚟架，乞衣咩！」
「公司架咋嘛，又唔駛你出錢，派多幾粒啦！」
講真，開心唔同良知，的確每人有每人嘅開心程度同方法。客戶又好公關又好，真係無辦法攪一個活動可以永遠滿足任何人。明白的確好多現場發生嘅事，是主辦未有完善策劃，但計劃趕不上變化，除了盡量現場應變和真誠道歉，工作人員也沒有什麼可以做。
大時大節，大家不過希望喘一口氣，出來玩玩；昨夜群魔出籠，但這年多來我們已見盡穿著人皮的魑魅魍魉。這個世界沒有免費午餐，享受的東西都是很多人在背後努力付出。就如我們現在僅餘的自由，或仍然會敢細細聲講下政見，都是有很多人付出抗爭才有如此的境地。
我哋班公關仔well paid for it，不會像某些green object，攞晒OT仲要嘈生晒，對於客仔我們應盡心服務。但有一班人真的只為愛這個地方，付出很多努力。
自由是免費，但爭取自由的付出太昂貴。
議會去或留不論同意不同意，對於在萬聖節被真群魔捉去的人，被捕的仔女，希望大家會繼續關注。
不分化、不篤灰、不割蓆，希望被捕的人都平安出來，離港的仔女也能安全回家。
PS：向用照片表達聲音的 蘋果攝記 及一眾堅守工作崗位的新聞工作者致敬。你們的專業與堅持，香港人會銘記於心。
#save12youths #香港人齊上齊落
#開完工攰到癲寫寫下變咗感性文 #都係果句大家玩還玩要齊心抗疫同唔好玩死啲公關唔該
開完工攰到癲寫寫下變咗感性文 在 飛碟聯播網北宜產業電台FM 89.9 - Facebook 的推薦與評價
你要去問自己，我的害怕到底是大過於我想要突破的嗎？如果我內心真的那多恐懼，是不是我內心的安全感還不夠？你要記得回來，回來問自己，我為甚麼害怕改變？我害怕的是別人 ... ... <看更多>