［香港仔 首次個人畫展］等咗17年！
對上一次個人畫展係17年前學校宿舍自己間房，相信roommate仲有啲印象嘅，哈哈😄 咁當時梗係唔敢亂畫人哋幅牆啦，只係周圍貼滿自已嘅作品啫⋯
得到鼓勵，化身牆壁紋身師
前排同朋友講起自小有個心願，想喺一塊大畫布上面自由亂飛，全因當時中學舊鐘樓將要拆毀重建，心中萬分不捨，臨別前校長畀我哋喺牆身上畫出自己嘅彩虹，我見識到一位轉校師兄手執噴漆隨心塗鴉，我當時呆企咗好一陣子，感覺內心得到解放。
事隔多年，可惜一直未有機會完成心願，朋友聽到呢度，佢笑住講：「就咁咋下話？畫我間舖啦！」
係唔係堅㗎?! 我先係滿心歡喜，馬上就想打退堂鼓喇，一大堆反動力思想彈出：「成17年無認真拎起支筆喇噃！人地舖頭做生意畫衰咗咪pk！」
佢無畀我繼續諗落去：「怕咩吖__！最多咪油咗佢再畫過～」又係喎，諗咁多做咩吖，一於dream on！
開波當日
我同泰妹帶晒工具去舖頭，講到好似什麼飛機大炮重型武器，其實就係一卷皺紋紙+幾支箱頭筆，其他野就邊畫邊執生。朋友見我咁輕便就問我：「咁洗唔洗起稿㗎？」我話：「如果你信我，我會話唔洗，你鐘意咩公仔話我知就得！」
就係咁，邊畫邊吹水，邊聽廣東歌，由晏晝4、5點畫到10點，畫到一半成形果陣有個泰妹客人剛好剪完靚頭，佢大叫要自拍打卡，我就幫佢影咗幾張靚相，呢種成功感係錢買唔到㗎！你哋明嗎？
ㅎㅎㅎㅎㅎㅎㅎㅎㅎㅎㅎㅎㅎㅎㅎㅎ
完成後感：
首先要多謝父母，我可以話，愛畫畫這回事大概是天生出來的，老竇後生做過油漆師傅，又教過我用幾筆畫隻曱甴出嚟；阿媽車衣車到做老師，睇住佢撚衣車撚紙樣撚到出神入化，再睇我細佬而家係皮革+結他師，細妹對藝術同手作都好有興趣，仲唔係遺傳！
另一個要多謝嘅就係 @myway1997 老闆，要知道有人比自己更信自己係幾咁難嘅事，試問如果閣下有間舖會唔會交畀一個偽·術家亂畫呢？佢就做得到喇！
講開 @myway1997，其實第一次聽呢個名已經好有感覺，估唔到佢哋n年前已經同而家香港後生仔女嘅心聲一樣，最想係「find my way」😎
當年，一班8-90年代最光輝歲月嘅行內精英，不知幾多粒星係座上客，但佢再三叫我唔好提名喇，廿年前膽粗將髪型專業知識、理念同一團火帶到新天地，過程中多少吃力不討好、閒言閒語、甚至畀人中傷，最難得佢一直沉住氣「做自已」同「做自己愛做的事」。
明明係大師傅，試過喺佢面前誇獎兩句，佢哋都會紅都面埋傻笑兩聲，極之可愛。呢份堅持同熱誠，相信都值得大家大力畀個讚佢哋個page呱！
(我會不定期去加幾筆，大家次次嚟都會見到新奇好玩又刺激嘅出奇蛋😆)
唔特別但直接鳴謝：
Fb page: #myway1997
Ig: myway1997ig
地址：myway 1997
5 อาคารฟอร์จูน ชั้นใต้ดิน ห้อง 085 ถนนรัชดาภิเษก แขวงดินแดง Khwaeng Din Daeng, Khet Din Daeng, Krung Thep Maha Nakhon 10400
https://goo.gl/maps/g4G3KfkBB4qVVQc59
#人在泰香港仔日記
#牆壁紋身初體驗
#請支持多分享出去
#剪個頭髮CP值超高
開 箱 晏 噴漆 在 用黑白喷漆就能做一副超美的星空画？绘画博主亲自尝试制作 的推薦與評價
... <看更多>