抄墓碑已夠癲，今次玩到咁大？
-- 《陰陽路》故事一：抄墓碑
#細個最驚個故事係陀地位
#尤其當年仲有大戲院
#散場或者去廁所勁驚
陰陽路抄墓碑 在 晞。觀影記事 Facebook 的最讚貼文
陰陽路抄墓碑 在 港唔斷戲 Facebook 的最讚貼文
《常在你左右》影評
「不為絕望而死 只為希望而生」
（含劇透，慎讀，可直睇以下總結）
—
講戲之前先落三句總結：
—
1.如果創作就係一場顛覆，咁《常在你左右》就係一個唔錯嘅嘗試，只少搞到我係抱恐怖片心態入場嘅，但離場果陣覺得呢套絕對係笑片。
—
2.成套戲好陰陽路，但又好唔陰陽路，但如果你願意用陰陽路心態去睇部戲，其實套戲唔錯，甚至會有啲感動。
—
3.中國上有鬼嘅戲，很想要吧？
—
(一)故事結構：
—
我相信呢套戲會令唔少觀眾覺得驚訝或者唔敢講兩句，驚訝嘅點係在於點解戲院入面笑聲會多過叫聲，點解套戲最後會以咁嘅形式去呈現。我估計其中一個最O咀嘅點係點解啲故事會咁割裂，想講就講啲，想唔講就唔講，即係「太散」，角色與角色之間嘅關連亦太弱，又無里頭一個一個人咁自殺死，令人覺得唔知睇咗啲咩。
—
而如果大家用《陰陽路》（我成篇嘢指嘅都會係第一集）嘅眼光去睇呢種敘事結構，其實《常》嘅手法反而係頗忠於原著。其實《陰》本身就係由四個獨立但有少少關連嘅故事單元組成，包括《抄墓碑》、《陀地位》、《陰陽路》同《紅噹噹》，今次邱導唔用單元嘅形式去做，反而將啲角色勉強擺埋一齊，有少少唔同，但睇起上嚟又的確係似不同嘅單元故事，包括雨僑林家棟，呀SA林德信張智霖，出軌男女、學生妹、古天樂呀佘龍婆、林雪丸仔HEIDI。總而言之，你當套戲係唔同單元故事就會順眼好多，啲連結可以不理。而套戲嘅內容上都有唔少陰陽路嘅元素，例如古仔招牌式揮手呀，甚至係姦夫淫婦果一PART，我就直接諗起陳錦鴻郭可盈同鍾麗緹果個有關出軌嘅故事。
—
(二)定位
—
其實當年拍《陰陽路》，定位大抵都係走Ｂ級驚嚇嘅路線，但總算都係走「驚嚇」路線。但事過廿年，桃花依舊人面全非，究竟《陰》果種舊式驚嚇嘅FORMULA擺喺2017年仲嚇唔嚇到人呢？邱禮濤今次編導集於一身，但佢就表達出一種極強嘅自知之明，舊果套用唔番架喇，唔通今時今日仲玩龍婆CHOK聲警告你咩？《常》今次乾脆就拍成咗一套徹頭徹尾嘅笑片，要為搞笑而搞笑係好難嘅，就好似《龍咁威》咁，鄭中基扭曬屎忽花都未必可以搏君一笑，但《低俗喜劇》就唔同，個TONE比較認真，反而可以顯得笑話更加荒謬更加好笑。而今次《常》就係以認真嘅形式去搞笑，戲院嘅笑聲此起彼落。
—
(三)何謂陰陽路？
—
終於講番個故事，對於我嚟講，我對《陰陽路》嘅理解係咩呢？其實就係一種介乎於陰同陽之間，雖生猶死，雖死猶生嘅果種迷離嘅狀況。最經典嘅解讀就莫過於係第一集各個故事嘅相呼。《抄墓碑》入面古仔原來一早已經死咗，但就同佢班FD繼續過咗一晚夜，唔捨得佢喺世間嘅嘢；《陰陽路》就講一場山泥傾瀉，原來夫婦早已陰陽相隔；《紅噹噹》講麥家琪比陳錦鴻嘅鬼魂纏住唔放；而《陀地位》就係大佬B同伍姑娘唔信邪坐陀地位遇險嘅故事。
—
四個故事好似無尼啦喂，同今次《常》一樣，但其實所有《陰陽路》嘅故事都係圍繞住兩個字—「執念」。因為你對塵世間仍有執念，所以儘使你已經死咗，但仲覺得自己生存緊。就好似古仔，就好似陳錦鴻，明明死咗都會成日見到佢哋係度出出入入。
—
而《常》就係對「執念」呢個命題再作咗一個延伸，人因執念而生，因執念而死。死咗嘅人因為執念而想停留喺人間，而在世嘅人就因為執念而想死。
—
我好欣賞邱導今次採用咗「自殺」嘅題材，算係緊貼時代嘅脈搏，儘管佢係以一種離奇乖張嘅形式去表達。林家棟因為唔想還錢而自殺，雨僑甚至無講佢點解會喺擺酒前跳樓，學生妹因為學業，奸夫淫婦為情，但要行到去自殺嘅果一步，總會有好強烈嘅原因。
—
借咁多錢去賭大細係一種錯，將學業睇做自己嘅人生係一種錯，出軌不忠係一種錯，但佢哋因為呢啲嘢去自殺就係錯上加錯。因為《常》話比我哋聽，死可以解決到問題咩？唔可以，因為你只會化為厲鬼，你離唔開生前纏繞你嘅人同事，而且仲會將惡報散落去其他人身上，例如個龍鳳扼買家。但我哋又可以點做呢？
—
(四)「不為絕望而死 只為希望而生」
—
雨僑又係死，家棟又係死，古仔都係死，林德信都係死，點解林德信同古仔無變成惡鬼呢？你可以為執念而死，但同時都可以為執念而生。既然你有勇氣為住某啲原因去自殺，但你喺世界上又搵唔搵到令你積極生存嘅原因呢？如果你仲未有，請你努力去搵，積極去搵出你人生嘅希望。
—
古仔一句嘅「我唔捨得你」，已經係成套電影點題中嘅點題，呢個世界上仲有你愛同愛你嘅人，就算係HEIDI佢都係因為比人偷咗隻碟先會出嚟嚇人，想爭取物歸原主嘅機會。CHILAM因為報恩嘅執念而幫咗呀SA，呀SA因為愛林德信而努力生活落去，林雪因為搵番隻黑膠而同丸仔和好如初，而呀佘最後都無吞槍自殺到，令件事無一錯再錯。
—
而你，又搵到努力生存於呢個世上嘅執念未？「你笑吓得唔得姐？」呢句係古仔對佘詩曼所講嘅遺言，你隨時都可以搵到令你喊嘅嘢，但你更需要嘅，係可以令你由心笑出嚟嘅希望。
—
（一篇影評其實要寫嘅時間真係頗長同相當費心力的，正如呢篇野都過左千五字了。如果你覺得文章係寫得好嘅，我一個人嘅力量真係非常有限的，唔好吝嗇你嘅like同share吖，甚至幫手推薦比朋友知道原來睇戲之後係可以有反思的，一齊傾，一齊分享同感受。網絡的力量可以很少，一篇千文字可以只像一粒沙，但同時亦可以很鉅大的，依靠的就是你，你，和你，感激不盡！）
—
hmv Digital China Group
古天樂 Louis Koo
佘詩曼 Charmaine Sheh
羅蘭
林雪 Lam Suet
蔡卓妍
張智霖 Cheung Chi Lam
林家棟
雨僑 YuKiu Ava
Alex Lam 林德信
李靜儀 Heidi Lee
關曉彤
A.Chow 周祉君
寰宇影片 Universe Films
太陽娛樂文化 Sun Entertainment Culture Ltd
常在你左右
#常在你左右
Movie Express電影速遞
