#英國移民懶人包
最近各位在英國的朋友都答左好多千奇百怪的移民/英國問題，為左節省大家時間，我幫大家做左個Q&A懶人包，大家可以copy and paste回答問題：
Q: 英國邊度好住?
A: 首推西敏寺大教堂，好多名人住左喺入面幾百年，人傑地靈校網又好仲肯定唔會有罪案。
Q: 英國好唔好住？
A: 好好住，除左成日會有人唔做功課走黎打擾你問你「英國好唔好住？」之外，都好清靜。
Q: 英國係咪好多恐襲？
A: 你放心，咁多人死都唔見你死，有冇恐襲自己睇新聞啦好冇？我駛唔駛幫你捉個恐怖分子返黎拍條youtube「我做恐怖分子，你問我答」咁呀？
Q: 英國天氣好唔好
A: 英國天氣好好但對住你我脾氣唔係咁好，我做天文台架？睇天氣報告很難嗎？
Q: 唔識講英文去英國會唔會好困難？
A: 大家都唔識火星文咪又一樣登陸你鄉下火星，你做咩唔返鄉下 #同聲同氣 要去英國？
Q: 無錢去英國點算？
A: 拎個鋤頭，對準部電腦鋤落去。做咩？掘礦呀，無錢咪掘Bitcoin囉，成個俄羅斯西伯利亞啲礦工都係咁掘架啦，你唔係唔知呀嘛？
Q: 去英國會唔會俾人歧視？
A: 我同你三九唔識七我點知人地會唔會歧視你？但講真你上網問呢啲咁虛無縹緲的問題，要不是我厚道唔歧視弱智人士，我第一個拉隊去歧視你啦。
Q: 英國啲人友唔友善？
A: 無一個英國人面對呢條問題可以友善起黎。
Q: 邊區無咁多黑人？
A: 你家鄉—火星。
Q: 我想拎英國護照但我又唔想長住，點算？
A: 我都想有糧出但我又唔想返工，點算？
Q: 英鎊匯價會升定跌？
A: 我覺得再同你傾多一陣我智商會跌。
Q: 我在香港無工作，來到英國找工作會更容易嗎？
A: 嗯，加油。
好啦，呢度應該解答左好多人嘅疑慮，好高興幫到大家 🙂
#咁樣答完一定會絕交
#但有時候真的很想嗆過去
#做資料搜集有很困難嗎
#好多野google左都唔明先問啦
#英女皇都答唔到你英國係點
#不識廬山真面目
#只緣身在此山中
#隱藏彩蛋
#如果你會問以上嘅問題
#我強烈建議你買呢本參考書
#岩架啦去到都係一班鬼佬你反正都係烚下烚下咁
#總之有天書兩個字就對了
#我個page都係天書之一
#不過我係西經
#出晒名西
#英文名西King
隱藏彩蛋 英文 在 easter egg彩蛋2023-在Facebook/IG/Youtube上的焦點新聞和 ... 的推薦與評價
近年來，不管在電影、電視影集、電玩遊戲、或是電腦軟體中，時常能找到「彩蛋（easter egg）」的蹤跡，彩蛋指的是隱藏的訊息，能引起使用者或觀眾的關注，增加該作品的 ... ... <看更多>