【為咗搵《蝙蝠俠：黑夜之神》史上第一個IMAX鏡頭場景，可以去得幾盡？】
早前分享過對套戲最極致嘅朝聖，係親身走到去佢拍攝場景。《蝙蝠俠：黑夜之神》嘅意義，唔止令我開啟咗對IMAX嘅熱情，更令我從此走上咗去旅行，都要搵個場景朝聖嘅習慣。
一般嚟講，大家去美國旅行，冇乜人會特登去芝加哥玩，其實諗落都真係冇咩好玩，就係一個典型嘅美國大城市，咁當然，我本身幾鍾意置身美國大城市感覺，都鍾意嘅。去芝加哥，當年一大目標，係想搵返《蝙蝠俠：黑夜之神》主要場景。喺戲入面，商業電影史上第一個IMAX鏡頭，原來係一條平凡不過嘅街角，戲入面同一個場景嘅劫案，由天台到揸巴士衝出銀行，原來相隔好多個街口，我當時真係跟住咁樣行，都多得外國好多影迷真係玩呢味嘢，我都有得搵到條路去朝聖，仲有喺市內幾幕大場面，正正係芝加哥嘅商業區。
如果你鍾意「美國大都會」氣息，講真芝加哥個商業市中心幾好行，夾喺高樓大廈中間，買杯咖啡睇下來來往往人群，咁就可以hea一朝。
當然，芝加哥都係好多好多戲嘅主要場景，幾乎一步一電影場景，玩得最癲當然係《變形金剛：黑月降臨》，幾乎成個芝加哥拆爛曬，但最鍾意都係《蝙蝠俠：黑夜之神》，因為成件事實在太深刻，都成功可以將芝加哥同葛咸城，兩者合二為一。
事後，「老蘭」電影嘅場景，都係我最鍾意嘅搵嘅地方，例如《星際啟示錄》嘅外星星球，並唔係CG特技，而係喺冰島嘅冰川拍，據導遊所講，套戲唔係用咗好多電腦特技，係實景再tune過吓色，同一個地點，都係《蝙蝠俠：俠影之謎》訓練嘅地方，仲多得《俠影之謎》開咗條路入去，之後先至方便到遊客參觀。
喺IMAX下睇呢堆「芝加哥葛咸城」場景堅係震撼，大家有興趣，包場當日我可以好簡單咁分享一下相關場景，目前仲有位，快啲買飛啦：https://bit.ly/3e9nXPZ
芝加哥電影場景遊記可看留言連結。
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
