Search
[泰劇][GMMTV][(Still)2gether]
有咩好過甜蜜一次？
就係甜蜜多一次仲要甜過上次。
Sarawat&Tine要幸福呀！
T：「好多謝你去搵我」
S：「好多謝你返嚟我身邊」💕
#原來激吻版本只係喺LINETV同YouTube有
#電視版cut咗
#派糖派到糖尿
#咀到你暈呀
#唔捨得完但咁快有SP已經好幸福
#快啲有港字我要睇多十次
#祝大家快啲等到你個Saraleo
#開咗個page之後好耐冇試過咁relax咁睇劇🥺
#GMMTV #2gether #2gethertheseries #still2gethertheseries #still2gether #假偶天成 #只因我們天生一對 #BrightWin #เมธวินโอภาสเอี่ยมขจร #วชิรวิชญ์ชีวอารี #Snowballpower #ยังคู่กัน #ไบร์ทวชิรวิชญ์ #วินเมธวิน #林漢洲 #Netflix
香港人，其實配唔上《導火新聞線》
睇完《導火新聞線》。因為聽倒某啲網台節目主持同埋影評人吹到套嘢太勁，本身都驚伏，唔知會唔會變成「議題大哂，質素唔理」嘅另一套《十年》。結論係，《導火新聞線》真係好本土：唔係純粹拍幾個本地景點鏡頭，又或者扮探討下香港某啲社會問題果隻本土，而係套戲無論優點定缺點，都係好港產片Feel。
本身電視版《導火》其實都只係睇左六七集就CUT咗，主要係因為劇情無乜突破之餘，節奏又開始慢，不過今次電影版就完全無呢個問題，一貫港產片先設定一個緊張局面一直CHUR落去、透過幾個角色不停轉移場景去營造逼力，再加埋剪接將節奏有咁快剪咁快，一套絕無冷場嘅緊張好戲就此完成──我對上一套有印象以新聞為題材嘅港產片已要數到陳嘉上《A-1頭條》，雖然節奏上面兩者有啲相似，但論大橋《導火》絕對係高上一班。
雖則以新聞題材嘅電影，我地多數都會估到一定係講乜嘢傳媒操守問題呀，究竟要公義定要銷量呀呢啲悶到臭嘅爭議，《導火》其實亦未能免俗，不過今次佢將灸手可熱嘅「紙媒已死，Click Rate大哂」嘅新意帶入劇本入面，成條橋即刻生猛哂；除此之外劇情最後一個轉折位，以網撚覺醒作為對於網媒愚民嘅質疑嘅答案，夠戲劇性之餘亦做倒首尾呼應，呢個可以話係《導火》最令我激賞嘅地方。
既然條橋同氣氛節奏都做得咁好，咁套戲衰乜呢？就係港產片好常見嘅問題：粗製濫造。當然我地並唔怪得哂製作團隊，始終香港拍電影有好多時間、資源、人手嘅限制，但拍得粗就係拍得粗，呢個係無可改變嘅事實。
首先好明顯《導火》係想模仿美劇《24》果種速度感，所以成日將個計時擺響過場之間，但係呢樣嘢反而令套戲極之不合理：短短幾個鐘之間，王宗堯經已響唔同現場同office穿插好幾次？周家怡三點幾話上一上深圳，番到香港不過係五點？其實就算無倒數，亦根本唔會影響到套戲嘅刺激感，呢樣唔明點解響試映時無人提出抹走佢。
其次就係成套戲感覺係好似斷開兩截咁，前半部份明明處處想同電視版拉上關係，但去到後面個重點就變咗單純嘅警匪對峙──唔係話你咁Twist唔得，但明明前面有堆伏線，好似王宗堯果個疑似宿敵、囧報同閃報鬥法、以至周家怡、楊淇、王宗堯三個之間嘅友情線，全部都被溝淡哂，我覺得係幾可惜嘅一回事。
第三係後半部份真係拍得好撚粗，特首出黎完全對劇情無影響，原本以為佢會打電話向囧報老總施壓但完全無咗件事；假林鄭唔知係咪因為個格有少少似林鄭，所以就比佢出得幾個鏡頭，結果成條政府線響唔知做乜尻嘅情況下浪費哂。然後最離譜嘅莫過於最尾網民受鼓動出去集會：Whatsapp講幾秒就話睇哂懶人包？睇睇下戲條女話要去集會所以唔睇我都勉強可以接受，但係篤篤下波四條友好似教育電視咁一哄而散果幕就堅係肉酸到痺，再加埋最後果段「拍拍拍，United」……成套嘢其實鏡頭同拍攝電視味仲係好重，導演方俊華如果係想往電影界發展，我諗佢仲有排磨練。
最後講下演員，好多人都大讚吳孟達帶起成套戲，呢樣嘢我唔反對，因為的確拍攝個焦點就響佢度。但係如果你話因為呢套嘢佢值得攞影帝，咁又誇張咗啲：始終成個角色大部份時間都係處於歇斯底里狀態，其實無乜變化。反而周家怡比起電視版黎講演技又進步咗，值得一讚。王宗堯其實響《導火》做開爛仔，今集變咗英雄，個性格即刻平面好多，果幕戴哂頭盔走入去談判真係令人噴飯，某程度我覺得係浪費咗佢。至於「少女莫文蔚」楊淇呢……其實我一直唔明點解佢會咁紅，演技基本上由電視劇開始就無乜進步過，主要表情就係得兩個：除咗MARK大眼大口扮驚訝，就係歪咀。
方面儀做番自己自然駕輕就熟，搵佢客串無論係從親切感定真實感黎講都係一步好棋，可以話係畫龍點睛；不過莊詩敏果種讀稿式演技，就不如直接搵佢讀新聞好過啦，由佢做談判專家真係好難相信可以說服倒人囉。而作為張建聲嘅FANS，今舖做囧報老總真係無乜得發揮，同佢響《一路向西》同《一獄一世界》真係相差好遠，可能佢都覺得響呢個位搶戲唔係太適當，同郭峰一樣甘於做番平平無奇嘅閒角，但響我睇黎就當然係非常可惜。當然仲值得提嘅就係Jenna，佢最犀利嘅地方係，我成套戲都唔知原來係佢……
總之Overall黎講，《導火》就係一套好睇嘅港產片，但係你接受得佢嘅優點之餘，同樣要有心理準備接受佢嘅缺點。
==============
但相比起上面嘅感想，其實呢段先係我真正想寫嘅嘢：
有樣嘢我響睇嘅過程好唔舒服嘅，就《導火新聞線》入面講所謂傳媒生態實在太「科幻」。香港記者為咗搶料不擇手段？以我所知，其實好多所謂傳媒／網媒記者都經已可以成日唔出街，一味捕住個電腦等抄：有時有啲記者甚至自己挖倒新料都廢撚事出，寧願等到蘋果、明報呢啲網出咗，先至將啲「的的了了」改咗佢黎炒埋一碟上檯，連驗證功夫都慳埋。至於咩搜尋真相、算吧啦。
然後講網媒搶CLICK RATE，《導火》無講到一點就係，響網媒界，CLICK RATE根本換唔倒錢、搵唔倒食，所以幾乎每一個網媒，全撚部都係老闆玩具，以貫徹老闆宣揚嘅政治立場係首要任務，唔夠CLICK RATE同REACH？響FACEBOOK BOOST POST打大條數就得。當然可能有某網媒有時可能真係會花心思做多少少嘢出黎，但好快就會比人抄，而且你亦無資格話人抄你，因為你個平台本身都係抄緊人。
當然最脫離現實一定係網民會因為劣質傳媒嘅垃圾報導而離棄佢地，但你睇HK01、關鍵評論網（香港）、花生新聞之流，出完一篇又一篇嘅垃圾，有無受到懲罰？無錯，網民係會批判、嘲笑佢地，然後呢？隔咗一排咪又撚係當無事發生繼續照SHARE，直到下一次佢地再出事為止然後無限Loop。而我更擔心嘅係，香港人真係有能力分倒邊啲係好傳媒、邊啲係壞傳媒？佢地只需要媒體講啲啱聽嘅嘢已夠，即使入面好多其實係假嘢錯嘢。
然後我都仲未講，如果係而家個特衰政府，由一開始經已會閘停哂啲直播，施壓比所有傳媒老總，以保安為名唔比流出任何訪問同報導，而我地係完全唔會覺得有問題。香港人，其實配唔上《導火新聞線》所描繪嘅新聞界。
【11：20最新更新：最令人失望既消息，剛啱收到通知話原來聽晚個節目最終cut咗Aki出場果半分鐘喎……咁……我諗，我終於搵到多個理由去backup我兩個月後既決定咯】
Anyway，都要同大家講句。
記住聽晚10：30。
記住聽晚10：30。
記住聽晚10：30。
很重要所以講3次。
我知道你已經未必再有睇呢個台，但聽晚10：30，翡翠台《星星探親團》，冇離地vo，冇奇怪mv，冇航拍靚景，但有我響東京亂噏廿四，雖然佢地最終剪走咗一開頭就出場既Aki醬。
聽晚10：30，記得轉番台，捱半個鐘，支持吓呢個好可能係小弟響呢個台最後一個節目……Ok?
好想研究吓點樣live同大家一齊睇添，哈哈。
聽晚熒幕見。
#唔係唔睇吓話 #我們都是旅人形電視版喎 #未試過做過一個電視節目咁期待咁緊張囉 #好緊張好緊張咘咇咘咇
注意：移除存取權後，任何使用該帳戶登入電視版YouTube 應用程式的裝置都會遭系統登出。 與我們分享你對這篇 ... ... <看更多>
電視版cut咗 在 安博盒子問與答跟TV pay 的推薦與評價
安博和採用的是紅外線遙控，與一般電視盒子的畫風不太一樣，常見的電視盒子的遙控 ... 究竟咩事香港Viu節目係咁cut走晒，星期一連6點後冇晒啲節目 安博9係咪就會咁？ ... <看更多>