關於 電訊盈科電話查詢 ，我們在網路上蒐集到這些相關的討論、資訊與評價

🎁 Now財經台 x 龔成 x 天窗出版社ENRICH CULTURE 送「贏」🎁個個香港人都想買樓，唔通個個香港人都買到樓咩…
想做好置業規劃，除了可以參考財經書作者龔成在 Now Finance - 財經 的專屬訪問外，睇埋龔成的相關新書就最好不過。
Now財經台與天窗出版社合作，會送出四本龔成有關置業規劃四部曲的電子書比大家， 想要嘅話，就留言啦!
=======================================================
【送 龔成新書活動】
※ 活動詳情
1. Like 「Now Finance - 財經」Facebook專頁；
2. Like 「天窗出版社ENRICH CULTURE」Facebook專頁；
3. 留言回答問題：龔成最新教大家置業規劃四部曲的新書叫咩名？
4. tag3位朋友；
5. Share此post。 (私隱設定:公開)
6. 首4位答中而符合條件嘅朋友，將會得到 《5年買樓4部曲》電子書乙本
7. 所有留言以Facebook時間為準。
8. 遊戲由即日至2020年8月5日晚上11時59分截止。
9. 每個Facebook帳戶只可參加一次。
10. 遊戲得奬結果將於2020年8月12日內，於Now財經Facebook 專頁 內公布，並有專人聯絡。

*參加者參與本活動即代表同意接受本條款及細則（包括當中提及的個人資料收集聲明）及任何本公司發出之其他條款約束。
*參加者一旦參加此活動，便視為同意比賽規則，而本公司有權隨時更改有關規則而不作事先通知。
*本公司保留闡釋及修訂參賽規則的權利，以及一切活動安排的最終決定權，包括評審的結果、獎項及其他有關安排，參賽者不得異議。
*個人資料收集聲明：得獎者必須提供所需資料（包括電話、電郵及地址）以作領獎核實。該資料是由電訊盈科媒體有限公司透過電郵或電話方式及按照個人資料（私隱）條例、電訊盈科媒體有限公司私隱政策聲明（http://www.pccw.com/legal/privacy.html）所收集、使用和保留。所收集的資料只用作核對參加者得獎資格、領獎人身份及分發獎品之用。如欲查詢或更改個人資料，可電郵至[email protected]或致函私隱條例事務主任（PCCW Limited，私隱條例事務主任， 香港郵政總局信箱9896號，標題請註明【送 龔成新書活動】。得獎者可自行決定是否提供任何個人資料予本公司，但是，如得獎者未有提供任何要求的個人資料，本公司有權拒絕得獎者領獎及/或取消參加者資格。
*獎品一經送出，不論於任何情況下均不能更改、退換或兌換現金。本公司將不會對獎品之任何事宜負責，並將不予補發。
*如有查詢，請電郵至 nowcs@netivigator.com。
*如任何參加者違反或未能遵守本條款及細則，本公司有權在任何時候取消參加者資格。

［匯控已死！維基當立！］昨日又升11%！8蚊都見過。何止10蚊不是夢，直頭見14蚊啦

明報專欄- 李聲揚：博港視一年內入「港版納指」（https://bit.ly/3f6ETXn）

最底亦有copy成篇過嚟，反正免費（但慣例我都會隔一日先貼，請大家支持下明報）

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

TL：DR 上星期先寫過王維基（https://fbook.cc/3Cxz），不長，但唔睇亦不太影響。當時話破頂，就破了頂。都話10蚊不是夢。不如就大貪啲，估升一個開。就夠入港版納指！做第二隻香港成份股（第一隻係ASM太平洋，已入，當唔當香港公司就隨你）

1. 昨日港版納指就登場，前世今生我寫過（https://fbook.cc/3Cxu），主要都係睇有冇被動基金有冇ETF有冇期指有冇輪，而又好取決於呢堆ATMX之類之後係咪仲有得升，定好似08後嘅中資金融股咁打回原型。至於如果真係有產品，咁炒邊隻股，亦都寫過，教埋你點解（https://fbook.cc/3Cxv）。就梗係唔係睇騰訊。「比重最高基金要追喎」。係丫，但根本騰訊日日都多人買。唔係話騰訊唔抵得買，但炒呢樣嘢就要睇啲本身成交（相對於在指數比重）細嘅東西。咁寫過係ASM太平洋（522）啦

2. 今篇寫乜？就大膽啲。我話嘅，王維基隻HKTVMALL香港電視（1137），一年內入呢個指數。到時入到嘅，記住全香港係本人最早寫（＊）。如果入唔到？咪入唔到咯。點呀？唔通我賠錢畀你？

3. 好啦，講下理據。「就即係睇好香港電視升一倍咯」．「其實如果批次股的話唔使升一倍添」。自己參透下呢句。

4. 我在明報文有寫，港版納指同正版，好似鬥十三張咁。大家擺個頭先，人地有FAAMG，港版有ATMX，當然港版都細過人地，影響力亦冇咁大。但至少都仲叫做勉強同一個級別。

5. 但落到後面，「二道」同尾，就爭好遠了。咩FAAMG之下，正版仲有Netflix呀Nvidia呀Tesla之類，港版就爭好遠了。

6. 可以睇下港版納指，最尾嗰幾隻，網龍（777），易鑫（2858），丘鈦（1478）。120億上市咁上下架咋，唔好以為真係好大。正如周顯話齋，其實係未夠班整30隻嘅指數。你見成個中國，都居然未有30隻勁嘅科技股（＊＊）。搞到連啲120億市值（港紙呀下）都入到。不過另一方面，你見好多人質疑點解冇香港公司　—　咪畀你見到，香港連一間120億市值嘅科技公司都冇咯！（除咗ASM太平洋，當然係咪”香港＂都可以研究）。

7. 但唔緊要！今日冇，第日會有！計過數啦，香港電視HKTVMALL，而家64億市值。其他嘢不變的話，升一個開，120億市值，咪夠過榜尾嗰三隻嘢頭咯！成交亦都應該夠的。咁冇理由網購唔係科技下話！光頭佬Amazon係全球首富，FAAMG之首喎！我知有AWS，但唔通冇咗AWS佢就唔係科技股？咪玩

8. 至於點升一個開？「其實唔難」，Tesla都升六倍啦大佬！不要問，只要信。最好就集眾人之力推入指數，然後打劫啲被動基金（因為入咗指數佢地要追）（＊＊＊）

9. OK，正經啲。疫情受惠股大家知啦。另外，埃汾太話我知HKTVMALL 調高咗免運費門檻（真係學彼德林治咁生活投資法咁喎！林治都係老婆報料），即係變相加價。生意好到做唔完。當然，我好似舊文都寫過，分分鐘業績後又批下新股。咁對股價可能壞事，但對市值就可能好事！（因為股數多咗）

10. 之前出咗盈喜，半年都賺9000萬啦，我估分分鐘係第二季先賺。好進取咁annualize，分分鐘一年有幾億純利。咁120億市值，唔係好過份咋？

11. 不過最大嘅敵人，反而係時間！當然咁細間公司，要炒上實在唔係太難。但真係時間係敵人！點解？因為指數成份股呢樣嘢，唔止不進則退，仲要係不停有人挑戰你。

12. 講得白啲，指數就30隻，而家個最低門檻係120億市值，但兩年後仲係唔係？未必。就唔講呢堆嘢升定跌都好，仲有個問題：有啲巨無霸係好大市值的！情況正如咩工行建行嗰啲嚟上市，你見啲舊嘅藍籌就踢走—但有啲根本個市值增長不錯的，但個門檻已高咗好多。同一道理，到咩螞蟻集團呀，滴滴呀，抖音呀嗰啲一嚟香港上市，你榜末嗰幾隻一定踢走，無論係易鑫定香港電視。

13. 所以，就睇香港電視升得快，定係螞蟻爬得快了。

14. 其實仲有個好有趣嘅問題：咩先叫科技公司？點解中移動唔係科技公司冇入指數？香港電訊（6823）或者電訊盈科（8）市值肯定夠入港版納指喎。富士康呢？Tesla係，點解Toyota 福士唔係？Toyota福士都會做/有做電動車吧。比亞迪（1211，唔係285）一樣係電動車喎，市值大過285添。況且，電動車係科技，電油車就唔係科技？咁做飛機呢？Day Day Cook 又係咪科技股？咁Blue Apron呢？Netflix最初可能係科技股，但而家變咗內容為主，點解佢係科技股迪士尼又唔係？或者下篇文講。有意見嘅可以講，但其實呢篇文主要講王維基隻HKTV MALL。

（＊）又認真，呢種心態都有啲多餘，切戒。偶然自揩下可以，但最忌係衰咗拎嚟呻。你同人講你香港乜鬼MyCar最早整，又如何？係咪鬥早先？蘋果速銷早過王維基添。蘋果之前一早有松日mp3，有台灣Tablet，有智能電話添。又如何？你潘蘇通去日日酸蘋果，「明明我整mp3機先」。Get a life啦，阿嬌阿Sa都嫁人又離婚啦。仲風箏與風咩。

（＊＊）咁當然，其實好過好多國家，之前咪寫過，德國講嚟講去都係得SAP同埋Wirecard – 後者仲要係騙局爆埋煲。（https://fbook.cc/3Cxw）（https://fbook.cc/3Cxx）

（＊＊＊）咪講笑，之前美國連登reddit啲友真係玩呢味。炒得不亦樂乎，例如隻Virgin Galactic 勁升都係咁玩法：人人推高個市值，咁啲期權商被迫就要開產品同埋被迫要買貨。有機會寫下

———————————————————————

李聲揚：博港視一年內入「港版納指」

【明報專訊】今天是俗稱「港版納指」的「恒生科技指數」面世。上星期公布詳情後，引起了一陣討論，也令相關股份瘋炒了一天（就只是一天）。

已有不少人提出，恒指近年估值低殘，沒有最平只有更平，表現大落後，原因之一是欠缺科技股。很長時間恒指內只有騰訊（0700）一隻科技股，勉強計入聯想（0992）（已被剔出），甚至手機設備股之類。但中國是不是沒有科技公司？也不是。部分公司如阿里巴巴（9988），以前因為「同股不同權」而選擇在美國上市，現在不少已經回歸。恒指公司在諮詢後（時機掌握得不錯），決定「同股不同權」公司也可以加入恒指。變相就代表8月阿里巴巴、美團（3690）和小米（1810）可以入恒指。

比較有趣的是，幾年前恒指公司將中移動（0941）也加入國企指數，已令恒指和國指愈來愈相似。現在恒指有一堆科技股，但另外又搞一個港版納指，三者相似度頗高，難免令人認為像特餐常餐快餐般。當然有陰謀論是元祖的恒指將被邊緣化，大家拭目以待。

有產品配合 新指數自然炒旺
還記得2006年，中資金融股當炒，恒指公司也推出了「中資金融股指數」（俗稱「五行三保指數」）。金融海嘯後，中資金融股表現不振，自然就無人再提此指數。希望港版納指不要重蹈覆轍。

前景方面，香港投資者及媒體，是「輸打贏要」的常客。科技股近幾年升個不停，當然就怪罪恒指為何不納入，給我科技股，不要銀行地產。但萬一不幸地科技股之後大瀉，又會有人說給我穩陣的銀行地產，不要估值極貴的泡沫科技股。指數成功與否，就看科技股是否生性——這點小弟仍是較樂觀，未來幾年科技股應仍能跑贏舊經濟股。

另一重點是，到底有否產品配合？否則，即使媒體日日報港版納指屢創新高，和投資者有何關係？恒指國指有大量產品配合，ETF、期貨、窩輪、牛熊證，任君選擇。買入港版納指的目的，就像餐廳套餐內八道菜，你卻只想要某幾道。若有ETF或其他被動基金追蹤此指數，自然會炒旺。到時小弟會再寫文，教大家如何捕捉機會（同文陸振球兄稱之為「打劫」指數基金，十分貼切）。

投資者十分現實，定會比較港版和正版。那港版納指和正版相比如何？數目上當然不能相比，正版2000多隻，港版30隻。比質素又如何？小弟認為是像「十三張」一樣：打頭陣的，正版有FAAMG，我們有ATMX（阿里、騰訊、美團、小米），市值當然不及，但也算竹門對竹門。可是再到「二道」和尾門，正版就完勝港版了。正如同文周顯所言，現在港版納指納入30隻股票，有點勉強。排到最尾的如易鑫（2858），市值才126億元。

那誰可以成為港版納指新貴？小弟認為think big，相信愛股王維基的香港電視（1137），一年半載內可望打入指數。若真的成事，記住小弟是全香港第一個說的。讀者可能說這想法瘋狂，但香港電視現在市值已64億元，成交額也比易鑫為多。其他不變的話，香港電視只要升一個開，就夠資格進入港版納指。

科技巨企上市 或推高指數門檻
港視升一倍，是否天方夜譚？未必。公司早前已發盈喜，半年賺9000萬元，但相信盈利都是在第二季賺回來，下年全年盈利突破3億元，也不出奇。120億元市值，約等於40倍市盈率，當然不廉宜，但並非不可能。

公司當然是近期疫情再爆發的受惠股。此外，內子也提到港視最近上調了免運費門檻，也就是變相加價，明顯地公司的生意好到應接不暇。唯一要留意的是，8月中期業績後，公司會否再配新股？這對股價可能是壓力，但對市值卻很大機會有幫助！（因為股數多了）

當然了，另一問題是，指數的門檻往往愈來愈高。巨無霸如螞蟻集團、字節跳動、滴滴等等來香港上市後，必然會踢走榜末的公司。所以就看看是港視升得快，還是巨企上得快。
——————————————————————————

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145

［當維他奶遇上三SPRIT？！］梗係唔係咁簡單！雖則三SPRIT連頭駛都有得剪，但唔會剪到一半畀支維他奶你飲。呢篇冒死寫呀下，錯咗唔好鬧。

信報原文（https://bit.ly/2Zd2DUR）
明報原文（https://bit.ly/3feqKIp）

TL：DR - 「維他奶後人」非重點，「莊友堅老婆」先係。忽然間買到變大股東，多過邢李㷧三個女，你話想點？唔緊要，老豆大把錢。

1. 講明先，完全唔熟，有可能錯。加上會涉及唔少有勢力人士。如有寫錯如有得罪就刪post，我冇乜骨氣的。

2. 遲咗啲寫，思捷停埋牌，但應該好快復返，甚至你見到呢篇文時已知咩事。我係星期四晚寫的。

3. 故事，表面就唔係好複雜，咪就係信報即時新聞咁寫，維他奶後人增持思捷變大股東咯。你見都有人研究到底維他奶同思捷有乜仙甩治。但當然原全係miss the point

4. 因為羅琪茵，雖則係維他奶後人。但in this context （同埋好多其他context），重要嘅唔係呢個身份，而係另一個身份。

5. 佢係莊友堅老婆嘛！

6. 至於莊友堅是誰，有幾堅，呢啲就自己google啦。但莊太出現，都唔止第一次，例如上次嘅渝港國際（613）（https://bit.ly/2OgllEN），有興趣研究下，冇亦不影響本文。

7. 好，講返思捷，大家都知爆咗煲（都算係啦？）好耐，股價100蚊跌到1蚊有找，而家17億市值。即係幾多？即係，一間騰訊等於超過3000間思捷咯。人做藍籌你做藍籌（＊）。相比之下，你見早幾年踢出藍籌嘅國泰搞到咁大鑊又供股又乜機都停晒，都仲近300億市值，17間思捷。

8. 另外，就要講個股權。咁諗起間公司，除咗諗起軟硬天師玩電話（其實我細個都以為係三SPRIT），就當然係邢李㷧。先娶張天愛，再娶林青霞，巴閉，乜女佢食晒。聞說佢好早就立志要娶大明星。其實我都係，不過我娶唔到。

9. 但邢李㷧，已經一早退咗場。呢單嘢之前，思捷大股東，係佢三個女（大女同張天愛，細嗰兩個同林青霞，應該係）（＊＊）。原本就渣11.2%．第二係Marathon Asset Management 11.0%，正經而且幾大嘅基金公司，專買中港消費品股，都唔記得幾時買落，但早幾年七八蚊仲買緊。早排試過沽到低過11%，但咁大手貨沽到幾時？

10. 咁今次，忽然間爆出嚟嘅莊太，忽然間渣多咗1.5億股（其實只係用咗1.2億港紙）持股量由4.9%一下升到12.9%。呢度講少少，管理層呀董事之外嘅人，5%以下持股，一般唔使申報。換言之好多人係慢慢儲到4.9%，但又唔現身。咁超過5%嘅，每到啲整數位，6%，7%就要報。咁當然你可以一下跳到12.9%啦。

11. 好啦，問題嚟啦喎，意欲何為呢？點解忽然間跳到12.9%？咁大家當然發現，莊太個持股量，就忽然多過刑家三姐妹，變咗大股東。完全就係迪路菲奧，爆佢。

12. 另一個問題，可能你都諗到，點會忽然在街掃到咁多？我當你真係4.9%隱身，一下跳到12.9%，一日買起8%間公司喎。固然都話呢度只係1.2億港紙，濕濕碎（對莊太嚟講）。但，點會唔掃到個股價狂升？

13. 咁其實真係睇下圖睇下紀錄都知，思捷之前都係一日一兩百萬港紙成交，邊Q有得畀佢掃到咁多？當然就係場外，有人沽畀佢。完全係合情合理合法嘅。

14. 咁所以又一問題，啲貨在邊度嚟（呢段有啲technical，又悶，冇耐性可跳）？就梗係其他股東。明報篇文有講，中南金融其實原本渣住13%（＊＊＊），好可能係代某啲人，但亦可能自己—早排就見搬走晒，似乎啲貨就係嗰度走出嚟嘅。中南金融是乜東東？之唔係莊友堅嘅公司。唔止，明報有講，同佢友好嘅結好證券，同埋意馬國際（585）旗下的Imagi Brokerage Limited（＊＊＊＊）。都渣住唔少貨。

15. 睇到呢度，覺得係乜呢？迷失嘅，回多次帶，莊太忽然間殺出，之前原來已經佔到4.9%，忽然在場外唔知問咩人買埋，忽然升到12.9%，超過埋刑家三姐妹。

16. 就表面畀人覺得，係狙擊緊間公司啦。成間買起。甚至要家三姐妹買返手貨佢，否則間嘢就落入「外人」之手。同大劉N年前狙擊乜乜半島酒店，最後嘉道理家族要買返，可能差不多。反正刑生大把錢。

17. 但當然，呢個係最表面嘅睇法。實情係友係敵，我地呢啲外人窮撚都未必知。你見明報有講，「關係密切」。講2012思捷供股，中南就係咁增持。另外亦講
18. 近年入咗思嘅柯清輝，一路同莊友堅好多來往。係搵朋友定一早裏應外合定乜，真係唔知。睇其他人分析。

19. 最後，每次講思捷，都要講多次（https://fbook.cc/3BuL）。真係漂亮，天才，香港人式嘅優雅，唔係大陸佬炒漢能咁。思捷股價由10蚊玩到上100蚊，點樣成為香港甚至歐洲傳奇，大藍籌，令市場比個極高估值佢（拿，德國人呀下），點樣次次都交到數，令到啲基金貼貼服服，呢下都未係最難。

20. 炒上去唔係最難，咁咩最難？係甩身！刑李㷧渣住咁Q多貨，但佢可以一路一路減持，係咁沽落嚟，而個股價可以唔跌，等佢走晒後先暴跌，呢個修為真係一流！刑李㷧沽落嚟，套現超過200億港紙！

21. 做事呀，做人呀，都係咁。其實上位，都唔係最難。最難係落台落得優雅。

星期五 9:30 更新： 思捷公布，羅琪茵要求召開股東特別大會，罷免現任行政總裁Anders Kristiansen及財務總裁Johannes Georg Schmidt-Schultes的職務，另外委任Marc Andreas TSCHIRNER、邱素怡及黃鴻威為執行董事。（https://bit.ly/2W2kw79） - 同我估計差不多，趕現任管理層了。咁現任管理層當然係舊股東提名/默許的

（＊）思捷呢個故事，同八號仔電訊盈科，經常畀人（特別係教你短炒或者買細價股價嘅人）拎嚟做例子，話大藍籌又點呀？一樣輸死你。同樣地，又係鄧小平式謬論。係呀鄧小平煙鏟都好長命，但騰訊又升幾多倍先？我中一隻夠輸幾多隻？你邊隻濕鳩微信女股升到幾百倍？況且，你玩揀股就梗係咁。唔想出事咪買指數買盈富基金—咁你又話升得慢嘛。即係最好又升得快又穩陣入場費又低你買完兩星期升一百個開然後你沽完即爆煲最好仲有廿厘息派嘛。明嘅。

（＊＊）江湖傳聞佢仲有個私生子，你可以上網Google下。正如都有人出嚟話何鴻燊個女，等我都同人講我係何鴻燊秘密私生仔何鴻聲。正如李嘉誠都有第三個仔李澤叻Lukchard

（＊＊＊）金融101。留意中南金融係券商，好大可能只係代客泊車，nominee是也。即係你去匯豐開戶口買幾手思捷，咁在個名冊上，唔係你個名，係匯豐個名。所以你見好多時啲名冊都係呢啲匯豐中銀花旗或者高盛之類嘅名，並唔係佢地掃晒全香港所有公司。

（＊＊＊＊）呢間意媽芝仲巴閉，當時本土CG公司，忍者龜嘛，好勁的說。而家當然都係渣鑊鏟，香港四大產業之一（有機會介紹埋其他產業）

——————————————————————
收費短片第三擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。

今次內容簡介，可以睇呢度（https://bit.ly/3iGuMeP），或者睇置頂post（https://fbook.cc/3BqP）。
i. 首先係講，2020年，好可能係同2009年走勢相似，會話你知點解。
ii. 仲有講我對移民嘅睇法，點解多人話移民但唔會令樓市跌。
iii. 仲有之前講過Facebook，結果爆鑊，同你分析之後又點。
iv. 最後同你回顧返第二季表現，如果錯過咗嘅之後點好。

以下係報名方法：
【最新李聲揚收費影片】題目:「回顧第二季，有咩啟示？」。
影片下方會有內容撮要，唔想睇片可以睇字
影片/課程編號：CC004
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC004 ]
2/利用信用卡網上付款
3/及後有登入資料可以立即收看
查詢：whatsapp 63832145