今日我和昕昕加埋屋企人一行七人去咗海洋公園玩，由於六個人有生日優惠，只係俾咗港人優惠$320（包園內$100餐飲或小食或買紀念品用的現金券）就可以齊齊入場玩。
自從昕昕K3時學校活動入去之後原來接近兩年冇入過去，昕昕本身熱切期待玩青蛙跳樓機，點知已經拆咗，佢就有dd失望啦！好在佢一開始有人陪佢玩極地時速，作為怕玩充滿離心力活動的媽媽表示相當幸運🤣
由於限聚令關係，我之前去不用花時間搵位的熊貓薈要拎飛等位接近半小時，只要拎生日優惠券滿$200就有八折，睇返兩年前我自己在openrice的食評發現原來食物價錢較當時低dd架😅（未折前）
如果你在以下日子生日而今年內又未用過生日優惠，就可以在今年12月31日前免費入園哦！
如果驚唔記得帶小朋友生日証明，最好影定出世紙、手冊或者護照有相果版，我出門口時發現忘記帶，託昕昕爸爸幫手影返Whatapp俾我🤣🤣
🎁 1月26日至6月12日
🎁 7月14日至9月17日
個人可以官網預約於假日入園小貼士：在入園前14日的下午5時正到官網預約，每個電郵地址只限4人登記。
入場時會睇返電郵收到的預約QR CODE，入去票務站前會掃描架！
#hkblogger #親子blogger #海洋公園 #oceanpark #港人優惠 #生日優惠 #親子本地遊 #親子假日好去處
