關於 青邊鮑批發 ，我們在網路上蒐集到這些相關的討論、資訊與評價

尖沙咀新開I Leisure的招牌特色Shake Shake海鮮袋，海鮮控的我當然要來一試，餐廳有以鳥籠設計的座位，很適合打卡，場內還有飛標、beer pong可以玩，一邊吃一邊娛樂，一班朋友的聚腳好選擇

招牌Shake Shake海鮮搖籃，有5款海鮮，鮑魚、元貝、青口、大蜆、海蝦，配菜還有腸仔和粟米，它們的海鮮都是由香港仔魚類批發市場直送，所以十分新鮮，鮑魚肥美鮮甜，很彈牙又有嚼勁，元貝大隻肉厚新鮮，青口、大蜆和海蝦都有很多隻，海蝦新鮮爽彈，蜆肉肉質飽滿而且很入味，青口味道鮮甜，Shake Shake海鮮用的醬汁是餐廳獨創的馬來西亞特色辣汁，充滿蒜蓉，惹味濃郁，吃得很過癮

麻辣小龍蝦
二人同行惠顧主食就送一份麻辣小龍蝦，這碟龍蝦份量不少，麻辣味香濃，剝殻非常容易，而且入味，小龍蝦肉充滿麻辣香料味，很香口又滋味，令人吃個不停

黑松露什菌忌廉意粉
黑松露香氣撲鼻，忌廉汁夠稠身，調味很好，味道濃郁，入口充滿松露香，很美味

I Leisure - 尖沙咀北京道65至69號環球商業大廈12樓

#餐廳推薦 #餐廳推介 #美食推薦 #美食 #美味 #吃貨 #吃貨日常 #美食拍攝 #相機食先 #打卡熱點 #食記 #香港好去處 #攝影 #食評 #hkfoodie #hkfood #hkblogger #foodie #hkfood #yummy #delicious #foodporn #hkrestaurant #foodlovers #尖沙咀美食 #尖沙咀酒吧 #海鮮 #海鮮控 #ShakeShake海鮮 #麻辣小龍蝦 #餐廳優惠

秋風起，呢啲時間最適合就係食雞煲🐔打邊爐🍲
但係Ronnie平日返學19:30就訓覺，真係好難出去食飯😣
「叫外賣返嚟食咪得囉！」今次真係婆婆醒👍🏻即刻上網搵左#漁家工房 雞煲海鮮套餐，今日落單聽日，聽日就可以送到屋企，真係好方便呀！ FISH MART 漁家工房
海鮮已經全部劏咗洗乾淨，滾起個雞煲就食得㗎喇，Ronnie食完就入房瞓覺，我同婆婆就即刻加埋個辣汁落去煮啦，本身個雞煲已經好惹味，鍾意食辣嘅我，加埋個辣汁真係醒晒，都係佢地細心，一早問定辣汁需唔需要分開上👍🏻
漁家工房的創辦人來自香港的百年漁業世家，世代都是漁民，20多年前開始做海鮮批發，供貨比香港各大小餐廳，難怪啲海鮮全部都咁新鮮啦🦐🦞
隻龍蝦🦞都成隻手板咁大，仲有膏架、鮑魚新鮮彈牙、元貝好大隻好厚肉㗎，大芒蜆非常鮮甜又冇晒沙，基圍蝦鮮甜爽口，我哋呢個四人餐份量一啲都唔小㗎，最後要爸爸返嚟幫手先至食得晒😋

🐔🍲雞煲海鮮套餐

1. 秘製雞煲(1隻雞)
2. 大連鮑魚4隻
3. 北海道元貝4隻
4.青龍蝦仔2隻
5.泰國基圍蝦12兩
6.大芒蜆1斤
7.三色餃子一份
8.田園雜菜一份
9.漁家福袋一份

送澳洲紅酒一支
🔥都係$899

係屋企都嘆到雞煲+海鮮餐真係好滿足😋

@fishmarthongkong

#漁家工房 #fishmarthongkong #海鮮速遞 #海鮮直送

#涼浸浸梗係要嘆雞煲啦
呢排夜晚涼涼地，
成日心思思想嘆雞煲，
但自己煮準備工夫比較多，
所以一直拖住冇整🤭🤭🤭
後來，卡樂爸醒目揾到⭐️漁家工房 - 秘製雞煲海鮮套餐⭐️ （留言內有套餐詳情）
即時order 左試試～

#一打二媽媽福音
漁家工房會將雞煲海鮮套餐⬆️送上門，
安坐家中就可以嘆正野～
準時送貨真心抵讚👍🏻

❤️所有海鮮已經清洗乾淨
❤️貼心附上切好嘅蒜蓉、炸蒜，蔥花、辣椒🌶️
❤️ 雞煲辣度由BB辣到大辣都有，辣汁可以另上，仲有唔辣可以選

雞煲足足有一隻雞，
香味撲鼻，
雞件滑嫩兼有彈性，
配埋獨門香濃辣味醬料，
又香又麻，認真惹味！

食完雞件就可以加湯打邊爐啦，
今次嘅主角就係海鮮啦，
套餐內包括：
👉🏻大連鮑魚4隻
👉🏻北海道元貝4隻
👉🏻青龍蝦仔2隻
👉🏻泰國基圍蝦12兩
👉🏻大芒蜆1斤

全部新鮮又足秤，
特別推介青龍蝦仔，
都幾大隻，
開邊有金黃色蝦膏，味道鮮甜！

基圍蝦蝦肉真心好彈牙，
連埋蝦膏食一絕！

北海道元貝、大連鮑魚及大芒蜆水準以上，好食到停唔到口～

真心漁家工房海鮮冇得輸✌️
✅在香港仔漁市場擁有屬於自己的魚欄；
✅在葵涌擁有3000呎海鮮工房，有持牌刺身、熟食廚房，所以可以同時供應新鮮刺身、熟食。
✅20多年從事海鮮批發業務，貨源廣，質素佳。
✅在筲箕灣有自家品牌餐廳——漁家海鮮大排檔
✅強勁運輸團隊直送海鮮

FISH MART 漁家工房
⭐️官網：https://www.facebook.com/fishmarthongkong/

#漁家工房
#fishmarthongkong #海鮮速遞 #海鮮直送

城市裏，樓與樓之間的夾縫，是又窄又長的小巷，暗濕灰濁，人人敬而遠之。遠藏在屯門青棉徑的巷子，是芸芸巷弄之一，本來寂寂無聞，卻有識途之人不斷竄進，擠滿窄巷。

有一凍肉店置身巷中，吃貨之人專程來買靚扒、海產，店名成興隆。三十年前，一對夫妻經營凍肉生意，只做批發，懶理糟塌，落戶後巷。二人披星戴月後巷打拼，性格勤懇正直，跨過種種難關，一直在食肆背後默默耕耘，偏安小小社區。

安穩知足的夫婦，從沒想過兒子回巢後，堅持轉型零售，雄心大展拳腳。父親的保守，兒子的執着，擦出火花連連。父與子，樂與怒，吵過後，究竟還是一條心，彷彿溫情熱透了小巷的凍肉，融化後，絲絲縷縷都是血脈相通的父子情。

小巷記趣
要找成興隆不難，心知在小巷處，繞一圈青棉徑，在菜檔的旁邊，便發現入口，反而猜不到的是，深巷深處，出奇地光鮮潔淨，連地磚的邊緣也無污穢，與一般小街無異。這裏明顯有人粉刷過，當看見成興隆簇新裝修，潔白無瑕的鏡字招牌，大抵猜到店主下了不少功夫。

成興隆是小巷大戶，坐擁四鋪，其中兩鋪作倉，專做批發；有趣的是後兩鋪作零售，其中之一鋪置放了七個逾兩米的雪櫃，一字排開，儼如高檔超市，近二百款肉類海產排列有序，客人隔住落地玻璃看貨，一目了然。甫進店，首先迎來的不是凍肉，而是小鮮肉的燦爛笑臉。他是店主的幼子Ray，三十歲，貌似二十頭，口齒伶俐，說話時總帶着甜美笑容，笑得連眼睛也成彎月，加上熱情對客，店內笑聲四溢，將冷冰的凍肉店，一下子炒熱起來。

「法國春雞無抗生素、無激素，不過唔知係咪真，佢係咁寫嘅。」Ray介紹給客人時，說得圓滑風趣，并十分熟書，產品隨手一執，資料瑯瑯上口，「這隻印度虎蝦，蝦味較濃，越南的較爽身，帶點海水味。」客人見他說得肯定有自信，自然受落。

無他，因為每件產品都經他嘗過才入貨，包括黑毛安格斯特級牛扒、西班牙豬肋骨、原條巴西豬扒、急凍蝦、即食生蠔、芒果千層蛋糕等。他也樂於與客討論煮食心得，一一講解食物特色，「春雞都可以用來煲湯，雞味濃，夠滑夠腍，兩人分量剛好。牛扒解凍後應該是紅色的，偏黑的代表翻雪過，不新鮮。」就算產品上的介紹，怎及得他說得親切仔細？

終日笑臉對人，其實背後有一份不可言喻的壓力。那天他病了，發高燒四肢無力，依然堅持工作，忙得只吃了一份三文治充飢，累得只能蹲在店前地上稍歇，不願回家休息，他還是笑着說：「唔休呀，當年批發生意愈來愈差，係我同阿爸爭取開門市，做咗就唔可以停。」個子小小的他，臉上帶點稚氣，言語間，卻流露着不屈的氣魄。

拼搏記傲

這名倔強少東是店中的靈魂人物，主責對客和宣傳，還有大哥負責管貨，繁忙時父母也坐鎮店中，與數名夥計同心合力應付魚貫的人潮。現時主力凍肉零售，原來兩年前，成興隆只做批發，由Ray的父親林春龍掌店。

林父祖籍潮州，在香港出世，十一兄弟姐妹中排尾二，雖是孻仔，可是年少喪父，一家生活刻苦。蹓躂於屯門，天生天養，林父說：「哪有人管，只係讀過兩年書，十一二歲出來跟人送凍肉。」跟車送貨，看盡行內陋習。昔日批發商普遍私下給廚子回佣，提供次貨或將凍肉發水，增加重量，以便向餐廳老闆收取更高價錢。「好多老闆都知道，所以成日唔出糧畀廚師，話佢哋已經收咗回佣，搞到好嘈好亂。」

至十八、九歲，自覺工字沒出頭，與剛結婚的老婆頂手街市凍肉檔位做零售，租倉兼做批發。前車可鑑，到林春龍話事，一心剔除批發行業的陋習，堅拒向廚子提供回佣，亦與他們保持距離，以免瓜田李下，「我哋好硬頸，過年一封利是都唔會派畀廚師，送貨時都唔同佢地傾偈，費事老闆以為我同廚子打籠通。」心存風骨，無論起初生意如何差勁，也不向現實低頭，「會比人拉㗎，兩個人做搵兩個人食就夠。」

寧願靠品質贏得客人信任，「跟好啲，唔會發水之餘，一磅排骨，盡量切到八成都用到，等餐廳好用啲，然後介紹畀其他人。」客，逐個儲回來，始終守得雲開見月明，「行家新年唔開，我哋初一至三都開，一年三百六十五日都開，慢慢就轉用我哋。」夫妻同心，甘做孺子牛，日做十六小時，從不言累。就算妻子懷孕，直至臨盆前一晚還開工，坐月四周便回鋪。

守着一份堅持十多年，生意上軌，也置了鋪樓，生活安定。以前兩口子只為餬糊口，隨兩名兒子漸長，父母總想給下一代豐裕生活。九七年，本打算買一間大樓單位自住，「有人帶住買，點知買多咗兩間，那時人人買都賺。」林太無奈地笑說。語畢，忽然靜默，空氣凝住了，因為接下來的金融風暴，他們的物業全變負資產，所有心血毀於一旦。林太倒抽一口氣說：「問親戚朋友借錢，最後才不用破產。」結果由大屋搬細屋，細屋搬到貨倉閣樓。一切歸零，重新出發。林春龍說：「能減得到人手嘅盡量減，兩三噸貨一個人落，那時貨車還未有尾板。」

財來財散，焉知非福。林春龍的艱苦辛酸，兩兒子早已看在眼裏。兄弟自小見父母早出晚歸，也經歷家道中落，性格多了一份持重。長子中學畢業後回鋪幫手，減輕父母負擔，十分生性。幼子Ray則在時裝店任職銷售員，腳踏實地工作，然而，有一晚回家，他驚覺父親年老色衰，Ray說：「都唔係好耐無見啫，點解頭髮突然白晒，連鬚都白埋，唔好睇佢而家咁精神，佢以前個樣老好多。」至今記得這一幕，那時才廿歲，決定回巢。

父子記犟

這年輕人甘於放棄外面的花花世界，回巷守業。本着一片孝心，打算聘人手減少父親工作量，可是捱慣的老父不願增加開支，斷言拒絕，Ray的熱情迅即遭澆熄一半，他說：「咁老竇叫乜咪做乜囉，切嘢就切，送貨就送，粗重嘢由我做，都叫幫輕老竇。」四口子家庭式經營，偏安屯門一角，無風無浪過了七八年。

只是時代變遷，隨着餐廳的經營成本上升，租金人工大增，餐廳老闆棄用優質食材，一切只求便宜，成興隆堅持提供靚貨的宗旨，漸漸不為世所接收。「行家派報價單畀餐廳，佢哋豬扒平兩成，有啲老闆覺得最緊要平，靠廚子煮好啲就得。」舊客離多，新客來少。社會進步之時，人們對食物的要求反而倒退，Ray感到無可奈何。

舊日時光難再，改變是唯一出路，Ray心裏仍有團火，誓發展家業。其時小巷入口開了菜檔，他留意到街坊聚集，靈機一觸，何不兼做零售？隨即在貨倉置了雪櫃，將凍肉散賣，在菜檔招街坊入巷選購。「逐個街坊打招呼，入邊有凍肉賣喎…」反正經營成本低，林父也不反對。

置一個二手雪櫃，凍肉價廉物美，送一個燦爛笑容，漸漸聚了一群熟客。不久，Ray食髓知味，心雄買鋪做門市。「我計過條數，條巷咁舊，買鋪都平，用零售賺到嘅錢應該足夠供鋪。」不料林父得知後反應激動，又吵又鬧，林父說：「批發又唔係無生意，做零售好搏。」心底裏，他怕兒子做事三分鐘熱度，往後要做善後工作，八十歲還不能退休。這邊廂林父憂，那邊廂兒子呻，「阿爸遇過挫折，所以唔敢再發展，但批發生意不斷萎縮。」

兩父子也倔強。Ray不斷游說，甚至相中了同巷的的丁方小鋪，有意買下，逼父就範。有一晚，林父帶點醉意，Ray又提起買鋪，父親再次激動起來，動起手腳，Ray尷尬說：「有啲肢體碰撞啦，大家鬧得好緊要，話我係咪畀經紀嗌我買間鋪返嚟做。」當年林父便是被經紀游說買樓，才弄致幾乎破產，見過鬼怕黑。

但說到底，林春龍是嚴父，也是慈父。見兒子如此堅持，思前想後，終於首肯買鋪。但買的并非兒子提議那間小店，而是貴了一倍多的大鋪。即使按盡資產，在所不計。林父說：「既然要做，就做得好睇啲。」

Ray如願以償，理應開心，怎料開始害怕。「本來諗住買間細，置兩個雪櫃，簡單裝修下，點知全家人將所有錢放落間鋪度，連埋全新裝修，花咗幾百萬。」事到如今，只有硬着頭皮上馬，壓力巨大，「裝修開始驚，到開鋪都好驚。」終日提心跳膽，更要返教會告解。」

心裏顫抖，想法卻清晰。深知成興隆做零售，款式一定要多，遂借鏡大超市，搜羅世界各地的佳品；地點隱蔽的短處，則靠臉書宣傳，將食材來源、特色、煮法，用有趣的文字包裝，字字刻畫，看得出用心經營，「我讀到中五咋，每次嘔百幾字出來，要用幾個鐘寫，寫到凌晨，有時仲會抄《飲食男女》既文章。」不敢辜負家族招牌，每日做十多小時，一如父親昔日般拼搏。

父子相，也傳承了林父的宗旨，對客忠誠老實，「巴西貨就巴西貨，唔會攞平貨代替，價錢要定得公道啲，畀出邊超市平至少兩成。」一有空便逛超市，多問不同供應商，連拍拖節目也是找凍肉鋪看，建立穩固的知識，加上有父親背作支援，例如有次買南澳鮑魚，供應商卻錯送西澳鮑，兩者價錢相差甚遠，林父一眼看出，「南澳嘅裙邊深綠啲，草綠啲。」

雪藏技術也由父親傳授，例如雪糕櫃的冰格，產品不能叠太高，因為雪櫃門趟得多，表面溫度下降，一冷一熱，變相翻雪。雪藏蝦最明顯，融雪後蝦頭容易變黑，「別以為只係買個雪櫃就得，要控制流量、溫度要管理得好、定期清雪。」

當初父親孤注一擲令兒子長進，如今Ray獨當一面，生意也站穩了陣腳。門市開業一年多，感觸良多，「其實好多謝父親支持，因為開鋪，我哋傾得多咗偈，而家知佢以前辛苦，每日時間都唔夠用，今次你嚟訪問，我先知父母以前點捱落嚟。」Ray說完，林春龍莞爾一笑，沒有說話。其實盡在不言中，話說相約訪問前，林父催促兒子再三確定是否真的來訪，Ray 說：「唔好睇佢唔出聲，佢心裏很開心。」

成興隆
地址：屯門青棉徑6號好發大廈地下34-37號鋪
電話：24521052
營業時間：9am-8pm