因為某啲理由，我需要喺今個月之內飛一轉，之但係阿太行唔開，朋友又就唔啱時間；見到自己嚟緊幾日得閒少少，就尋日訂機票今日走，變成自己一條友去咗東京，亦令到呢個 #孤毒遊東京系列 可以同大家見面嘞。
好多人都話一個人去旅行好正好正，鍾意去邊就去邊喎 - Sorry，我從來唔Buy呢套嘅。首先，平時去旅行都係鍾意去邊就去邊㗎啦；第二，我好鍾意講嘢，如果有五日得番自己一條友，再加上對阿太嘅思念湧到上顛峰嘅時候，我驚我會痴線；第三，平時去日本有阿太做人肉電子翻譯機，叫嘢食買嘢都勁方便；而家自己去，對我呢啲淨係識用日文數數目字同叫生啤嘅人嚟講，係有多少壓力嘅。
Anyway，暫時過咗十零個鐘，仲未病發，雖然期間自己同自己講咗幾句嘢，但係都未算太嚴重，不過過多兩日就難講嘞；落到市區已經夜晚11點幾，一條友喺幾乎調轉都識行嘅新宿度食咗個飯，就返咗酒店lu。而家Plan緊聽日做乜嘢好。知醒嘅話想上晝去跑個步，影兩張相呃下Like先；Check到下晝有場B League，東京主場，時間就到都想去睇下。
Btw，毒自一條友行歌舞妓町，個感覺好鬼桐生一馬，我甚至可以幻想到自己個背影係點嘅，早知就帶套白色西裝同紅色裇衫過嚟；新宿熟路，除咗因為已經嚟過一億次之外，我諗好大程度係同《人中之龍》有關。我直頭指得出邊楝大廈嘅三樓係瑟蕾娜；啱啱行過公園，有個醉酒佬大聲嗌我，我有一刻諗過係咪支線任務。
死啦，我好似開始有啲自言自語喇。我相信嚟緊幾日我會好勤力Update Facebook，直頭寫日記咁款，如果唔係自己一條友食飯嗰陣有乜鬼嘢好做呀？(張相一定要轉做黑白，因為冇阿太喺身邊嘅時候，我睇到所有嘅嘢都係冇色彩嘅，完)
#毒不可耐
#非遊戲廣告
#膠一係唔派
#一派就要派到盡
非遊戲廣告 在 不斷跳出廣告，該如何關閉 - Mobile01 的推薦與評價
不斷跳出廣告，該如何關閉- 從今天開始不知道怎麼回事，待機或使用app時不斷地跳出廣告，想請教該如何關閉？很久沒使用安卓系統的手機， ... ... <看更多>