今日係第三場K1面試，亦係我地最後一場面試。我特登拎咗半日大假同和牛b去面試，因為老公請唔到假，所以迫住要我上陣。其實我唔想同和牛b入面見室，因為我鎮唔住和牛b。早兩場係老公陪入去，所以和牛b表現得好好。今日嘅情況如我所料，和牛b完全唔睬老師，就連最簡單嘅問題，「今日邊個陪你嚟？」佢唔答不特止，仲擰歪面🤦🏻♀️直至出咗課室，佢就變返平時開籠雀嘅佢，我嗰下真係被佢激到彈起囉⋯⋯
等派彩啦，期望心儀嘅學校收啦。
之後老公、細姨媽問和牛b，今日去到學校點解唔叫人，佢兩次都話「學校無校長」。咁又係，今日無校長呢個人出嚟打招呼😂🤣之前兩間都有。
#面試狀態嘅嘢睇心情啦
#校長的重要性
