請唔請小編？（Er...腦細應該睇唔到呢個post嘅）
#華置 #職場制勝 #經濟一週 #ED_A
面試 唔請 在 經濟一週 EDigest Facebook 的最佳解答
同時也有1部Youtube影片，追蹤數超過5萬的網紅港。故 kongguhk，也在其Youtube影片中提到，四月初在立法會上，有位拾荒婆婆向勞福局局長羅致光，哭訴長者難以找到工作，局長一句「可以搵勞工處協助就業」，令全城嘩然。 今集《港。故》的主角，正是當日向局長哭訴的拾荒婆婆黃月嫻(黃姐)。年屆67歲的黃姐退休前是病房服務員，在公立醫院服務接近三十年，後來因為長期日夜追更，身體開始支撐不住，於是在50...
面試 唔請 在 辦公室日報 Facebook 的最讚貼文
讀者投稿：想轉行的Y小姐
＝＝＝＝＝＝
公司百幾二百人，我作為HR每日睇住有人辭職，有人入職，一日到黑都不斷in人同埋睇CV，基本上已經冇晒感覺，唯獨有位男同事較早前遞信離職，感受就特別深，為咗方便啲講，我將個男同事化名做Sam。
三年前我經一間獵頭公司介紹，引薦咗阿Sam嚟見工，收到CV嘅時候已經覺得佢好適合，唯一嘅障礙係有整整一年冇工作，我問過獵頭點解？對方話阿Sam屋企有事，係family reason，然後我就請獵頭安排佢嚟我公司面對面interview。
面試先由我呢位HR去見，過到我呢關就會叫埋佢所屬部門嘅阿head入嚟見第二round，有時我會陪住一齊進行第二round，有時唔會，主要睇各部門阿head想唔想我在場，原則上我哋希望同一日內搞掂晒，始終公司規模唔細，職員流動性亦高，唔夠人就嗱嗱聲請，盡量唔好拖。
當日親身同阿Sam進行第一輪interview已經覺得唔錯，所以我叫佢等等，搵埋部門主管入嚟再in，當我拎住阿Sam份CV去搵所屬部門主管嘅時候，對方十分介意阿Sam嗰一年嘅真空期，我解釋係family reason，獵頭嗰邊都問過㗎喇，主要係家人身體唔舒服，佢花咗啲時間留喺屋企照顧，點知呢位部門主管斥責我：「佢講你就信呀？一年冇返工喎！你有冇諗過佢係坐監，可能坐完一年出嚟呢！」
我：「咁佢有填到冇犯罪紀錄㗎嘛，更何況就算唔係真空期，每個candidate嚟見工，佢哋講任何嘢你一係選擇信，一係唔信就唔請㗎啦！約上嚟咪就係要睇反應同感覺囉。」
部門主管：「屋企人咩唔舒服要照顧全年呀？好誇張喎，定係之前畀人炒咗咋，古古怪怪咁，都唔慌好人。」
我：「咁ok啦！我叫個candidate返去等消息先，之後你想見再叫我安排。」
部門主管：「唔使，我去見，你一齊入嚟啦！」
然後我同部門主管一齊入房進行第二輪interview。
一早話阿Sam好適合，學歷、經驗、過往工作細節等等環節都過關之後，呢位部門主管開始問阿Sam點解有一年真空期，雖然佢係客氣咗，起碼冇兜口兜面質疑人哋坐過監，但仍然咄咄逼人：「一年喎Sam，我覺得有啲奇怪囉，就算係我爸爸媽媽病咗，我都唔會辭咗份工，再一年唔做嘢去照顧佢哋啦，唔係話唔孝順呀，咁都要食飯嘛，一年時間照顧屋企人呢part真係咩？呢個位我諗唔明。」
阿Sam絕對係一個有修養嘅人，佢選擇咗詳細回答：「一年前太太生BB，當時情況已經唔係咁好，要打強肺針幫BB出世，之後再送去深切治療，要駁呼吸機，我作為爸爸真係冇辦法專心工作，太太亦好需要我喺身邊，結果我辭咗上一份工，後來BB都係唔得，因為器官衰竭，我太太好傷心，產後抑鬱，我相信請人返嚟睇住佢唔係最好方法，我驚佢有事，所以一直照顧到佢情況穩定，至於錢方面，我用緊以前積蓄，而家安頓好，太太又ok，我就搵嘢做。」
我真係好想同阿Sam講，唔使講得咁仔細㗎！最後部門主管冇再講啲咩，亦吩咐我叫阿Sam返工，唔知佢有冇為隱瞞坐監嘅言論覺得羞愧呢？
三年後阿Sam辭職，我幫手搞離職手續，忍唔住問佢兩個問題：「搵到工未㗎你？市道唔好喎！」
Sam：「搵到喇，就係咁嘅市都搵到，人工同福利再好好多，另一間獵頭公司幫手㗎！」
我：「咁我都放心啲，其實你阿head唔易頂，你睇你個department啲人走馬燈咁轉就知啦，當年我以為你唔take offer㗎！」
Sam：「冇計啦！鬼叫要食飯咩！嗰陣時山窮水盡㗎喇，忍屎忍尿都係為咗我老婆咋。」
有時見到自己請返嚟嘅好員工離職，心裡面會百感交集，又想對方留低，又想佢哋有更好發展。當年個部門主管逼阿Sam覆述痛失愛兒嘅經歷係好殘忍，可能真係有傷害到阿Sam都唔奇，至於嗰一番「係咪坐過監」嘅言論，我當然冇同阿Sam提及，只希望個部門主管明白一個道理：未知全貌，不予置評，你唔了解別人，就唔好亂咁評價別人。
面試 唔請 在 絲房菜 Facebook 的最佳貼文
天下無不散之筵席，工人姐姐黎到屋企打份工幫手也是一種緣份。合則黎不合則去無得強求。 今次姐姐走，米媽都話就算你咩原因走，原因真定假，米媽都感激佢呢三年既工作表現。 所以米媽幫工人姐姐買左個好好福利既機票，佢可以係機場入vip lounge ,全部飲食免費，又可以舒服等飛。今朝姐姐到機場時打黎講拜拜，米媽都叫佢好好安全返去。 （佢上星期係米家度走，今日先飛）
而米媽今日去買餸時，又買左好多印尼食物俾新姐姐。 （以前任姐姐買同食，但今次決定唔咁做喇）（新姐姐第二日已同agent講呢度好多野做，想走。轉頭又同agent講唔好同太太講，佢對我好好。 因為呢段時間只得米媽個新工人黎左，家務上佢要跟麻麻學吸塵抹地洗廁所，而米媽就照顧曬花花米米既全部起居。） 其實姐姐黎後米媽好忙，仲忙左，因為又要教又要自己做又要顧花花。每晚都成11點先收工。米媽琴晚同新姐姐講，呢度多野做，你慢慢學，遲下就有多個姐姐黎幫手。 開頭一星期你會唔習慣，因為生活模式唔同左，同樣樣要學，之後你上手後就會好好多，快好多。面試果日我已經講得好清楚，呢度真係多野做，要求乾淨，所以人工高，果時叫你考慮清楚先答我。
你如果你真係覺得多野做，辛苦想走，太太唔會留你。 但如果你決定留係度做，就要俾心機做，你做得唔ok我都會叫你走。 但太太唔會待薄你，我地個個都對姐姐好好的。之後姐姐都明白。
其實以前米媽每次都會講工人姐姐講，我地屋企個個都好好人，好開心，但屋企多野做，係辛苦的、你考慮清楚先做。 人工上自然會同工作量成正比，唔會待薄你。
對人將心比心，但黎到做既，好多時好多姐姐都會唔記得左，同其他人比較，所以會愈做愈苦，因為覺得比其他朋友做得多，但佢地又唔記得左拎自己份人工同一個基本人工既一齊比較。 米媽其實覺得， 姐姐好唔好，都真係佢性格同本身品性問題。 再甚者，米媽亦希望工人姐姐可以受到米媽正能量樂觀影響。積極咁面對工作同融入家庭到做一份子。
米媽管人好差，甚至唔識用姐姐，因為請左返黎又怕佢做得辛苦，又唔敢話佢，最後好多都做多一步。變相真係好忙，姐姐都俾米媽寵慣左。 但可幸既，咁耐以黎，姐姐都好盡責（當然唔係話樣樣好，但米媽收貨了），顧到米花安全，飲食正常就好夠了。
係米媽做得辛苦時，最幫到米媽手既係工人姐姐唔係家人。 所以，工人姐姐真係重要的。 當然，無佢地，一樣生活到一樣操作到，但有人幫好好過無人幫手，係咪？ 正如成日講唔好做死自己，交啲俾人做。
今次，米媽要有自己既底線，規矩，姐姐既工作可以幫佢手，但姐姐做野唔可以馬虎了事當睇唔到自己幫佢執手尾同姐姐態度要禮貌。
對佢地好但唔好過火，俾佢地習慣左當老奉。呢個係米媽最最最唔好既地方。今次我要改變左呢樣野！
（新姐姐黎到第二日已話要放假，又話要去海洋公園，因為佢生日，但佢生日係星期四，佢放假係星期日喎。又問米媽幾時出街，駛唔駛返工， 😅 請佢時咪講左主婦囉，所以米媽今次要小心啲，驚姐姐扮豬。）
#加油💪🏻💪🏻
請唔請到好工人睇彩數，希望米媽好人有好報啦。😊
Bless me!!
米媽對手又黎喇，身體又響警號。😂
面試 唔請 在 港。故 kongguhk Youtube 的最佳貼文
四月初在立法會上，有位拾荒婆婆向勞福局局長羅致光，哭訴長者難以找到工作，局長一句「可以搵勞工處協助就業」，令全城嘩然。
今集《港。故》的主角，正是當日向局長哭訴的拾荒婆婆黃月嫻(黃姐)。年屆67歲的黃姐退休前是病房服務員，在公立醫院服務接近三十年，後來因為長期日夜追更，身體開始支撐不住，於是在50歲時提前退休。
50歲再就業處處碰壁
退休理應是享福的，怎料黃姐的退休生活卻變得非常困苦。休息了大半年後，為了生計，她便開始再找工作。但原來50歲在社會上找工作是充滿難度的，黃姐幾乎每次見工也沒有下文。例如有一次，她跟一個年輕女生共同到連鎖快餐店申請工作，經理出來的時候，只拿出一張申請表格給年輕的女生填寫，黃姐反問他：「點解你唔畀表我填？你唔請我係唔係嫌我老？」經理只是笑一笑，不作聲便走開了。
但商業社會上的年齡歧視，並沒有打擊黃姐找工作的決心。幾經努力後，她找到一份在政府沙田社區會堂裏的工作，更獲得了面試機會，見完工後對方還跟黃姐說：「你應該做得嚟。」怎料踏出面試房門後，看到兩個年輕女子也在等候面試，黃姐心想：「我無機會了。」果然不出所料，工作人員其後叫她回家等消息，當然最後也等不到結果，令她不禁慨嘆：「唔係我唔想做，而係人哋唔請。」
輾轉成為露宿者
黃姐雖然是退休公務員，享有每月三千多元的退休金，根本是應付不了衣食住行加上醫療開支，最後她更因欠租七個多月，被房署收回公屋單位。
被收屋後，她有想過租劏房住，怎料劏房月租也要四千多元，更是舊樓要走四、五層樓梯，對於一個50多歲的婆婆又怎吃得消？最終黃姐選擇在附近的快餐店「落腳」，成為大家口中的「麥難民」。可惜做了一年「麥難民」後，連那間快餐店也結業了，最後黃姐便開始露宿街頭的生涯。
執紙皮以幫補生活
在無「瓦遮頭」的日子，黃姐唯有靠執紙皮幫補生計。每更的生活就是：睡醒便開始執紙皮，直到累了就在紙皮附近睡覺，黃姐苦笑地說：「唔會理幾點，每日差唔多做18個鐘。」日子雖然艱苦，但黃姐執紙皮時也有她的原則，就是絕不淋水以增加紙皮的重量來換取更多金錢，因為她認為拾荒本來是為了環保，若加了水只會令紙皮發霉，紙皮便不能再造。
社區中的「環保份子」
在其他拾荒者眼中，黃姐這個不加水的行為有點傻，但在「拾平台」眼中，卻十分欣賞黃姐這份堅持。「拾平台」一直關注拾荒者的處境，同時為他們提供支援服務。在一次偶然的機會，黃姐認識了「拾平台」發言人鄧永謙，從此她的生活得以重見曙光。
阿謙認為拾荒者在社區中扮演着一個相當重要的角色，但市民往往忽略了他們對社區的貢獻。去年他們作了一個「全港拾荒群體調查研究」，發現拾荒者每轉紙皮的平均重量為35公斤，以此推算，全港拾荒者每天的總回收量為193公噸，佔了全港的廢紙量、回收量接近兩成，由此可見，拾荒者一直幫社區處理大量的廢紙回收。
因此「拾平台」提倡了一系列政策，希望社區不同的持份者，可以用自己的方式來配合拾荒者的環保回收工作程序，如商店可先整理好紙皮才扔出來，又或者市民在家先存起一定數量的紙皮，之後再交給拾荒者處理。更重要的是，他們建議社區有一個回收空間供拾荒者處理紙皮，例如在公園、廢棄的公共地方、天橋底或垃圾站旁，劃出2米乘2米的空間，令荒拾工作得以在社區上無障礙地工作。
把拾荒定義為工作
拾荒者對社會貢獻遠超我們想像，阿謙更認為拾荒應該被視為一份工作，而拾荒者亦應該受勞工法例保障。在他們的調查中，拾荒者每天工作的中位數是5.5小時，他認為若以「418」勞工工時標準，每星期最少工作18小時，五天工作日來衡量，只要一種勞動行為每日進行超過4小時，便可以定義為一份工作。只是大眾還不太認識環保回收跟拾荒者之間的關係，尚未能把他們扣連在一起。因此「拾平台」積極舉辦不同的活動，如真人圖書館、落區等，冀令大眾認識拾荒者的工作及處境，更希望可以消除市民對拾荒者的成見，令拾荒者得以被尊重。
今集《港。故》用7分半鐘，帶大家看看一個退休長者、長者再就業及拾荒者的故事。
-------------
《港。故》：東網每周專題習作，講故事、講香港人的故事。
Fb：http://bit.ly/oncckonggu_Fb
IG：http://bit.ly/oncckonggu_IG
Youtube：http://bit.ly/oncckonggu_Youtube
