呃蝦條
講咗咁多篇國外遊記，
呢一篇講下喺香港發生嘅呃蝦條事件。
話說我而家返緊呢份工隔離有一間五星級酒店，
咁入邊有好多鬼佬返工。
咁我個人又好多嘴，
成日撩人地傾計，
差唔多識晒做酒店嘅鬼佬。
其中入面有條友叫做T，
佢就好鍾意我另一位同事L，
佢約咗L好多次都不果後，
於是佢約左我去佢屋企到Netflix。
咁因為我自己都係外國住過，
知道其實一個外國人喺人哋地方做嘢生活有時都會好寂寞。
以前喺日本同英國嘅時候，
我都好想有個飯腳同我食飯同自己傾吓計。
到咗當晚，
佢好細心咁樣問我想食咩嘢餐廳。
啊！你以前喺日本住過不如我哋食日本餐啦，好唔好啊？
我心諗都OK喎所以就應承咗佢話好。
會合之後佢又話:不如我哋買外賣喺我屋企度一路睇戲一路食好唔好呀?
Okay咁我話:Suuuure la
咁佢話佢識路就開始帶路，
我就跟住佢尾，
諗緊我哋食咩日本餐廳同點呢餐嘅時候，
佢停咗落嚟。
到左啦我哋，
你睇下想食乜嘢，
今次我請你食。
我抬頭一望，
原來係近排新聞話有好多寄生蟲既「爭鮮」。
OK喎其實，
請我食。
其實平時你連一杯咖啡都唔肯請，
我都應該估到日本返應該係日本嘅快餐，
真係自己諗多咗。
咁我即刻同佢講話：唔使啦駛乜你請呀，自己黎咪得囉，AA好啲
點知佢同我講話:唔好咁客氣，要多啲蘋果汁添啊！
喂，其實真係多謝晒你喎！
Anyway，
最後上咗去佢屋企食壽司同睇戲啦，
點知佢睇睇下叫我入房張床度睇喎，
佢話咁樣會舒服啲，
又okay 姐。
上到床之後為咗轉移佢視線，
我就利用左L，
全程嘅話題就係圍繞着佢，
我不斷慫恿佢話其實你有機會可以溝到L，
最後佢都冇對我做過任何野。
成功安全離開！
其實我哋住兩個住得好近行路5分鐘就到，
最尾我同佢講：如果你得閒有冇人同你食飯嘅話，你可以打俾我㗎！
直至今日四個月過去喇，
我屋都搬埋，
佢都冇打過俾我😂
Well,成件事擺明就係想呃蝦條卻又不成功啦，
Cheap嘅男人真係無分年齡國籍，
我一心諗住你無朋友同你做朋友，
你就掛住諗過啲嘢。
抵你冇朋友，
抵L唔蘇你。
Btw,支持一下香港本地品牌嘅袋
#paprikahkofficial #hkig #hkstory #兩性關係 #文字 #852 #長文 #ootd @ Hong Kong
食壽司 生 蟲 在 獨家到高級日料店吃生魚片後狂拉! 胃裡抓出2公分寄生蟲 的推薦與評價
台中有民眾到台北一家高級日本料理餐廳用餐，用餐時發現 生 魚片底下好像有一條細長的 蟲 體，遭店家反駁，但當天晚上，就有兩人出現嚴重腹瀉， ... ... <看更多>