飯糰是我的至愛，但係有陣時貴嘢未必好。
#何嘉麗callmegaga #何嘉麗 #出街玩 #九州 #飯糰好吃一舊飯惡哽
《我是旅行嘉》- 別册，九州
- 何嘉麗
平靚正的飯糰
去日本，好多時候我都鍾意食飯糰，特別係去食燒物嘅時候，更加鍾意臨尾食番個燒飯團。今次就比我喺由布院食到一個好好味嘅燒飯糰。師傅燒飯糰嘅功力已經到達萬佛朝宗嘅地步。一件飯團燒到顏色均勻，外脆內軟，冇餡㗎，但係就咁俾我一啖一啖一啖咁就食晒。
另外一次就係喺長崎，本來又係想叫燒飯糰，但係言語不通結果嚟咗個普通飯團，都無所謂啦，點知散晒嘅，真係冇癮！本來諗住叫個燒飯糰補下數，點知好彩未叫啫，個師傅就放咗幾件飯團喺個網嗰度燒，我見D飯糰俾佢燒到燶下燶下咁，心諗都唔慌好嘢就冇叫。
不過次次去日本，我都一定去便利店度買飯糰食嘅。佢哋嘅飯糰維起都唔使港幣$15，但係因為紫菜全部都係分開包裝，所以紫菜非常脆口，而佢嘅飯亦都好黏，所以食起上嚟係無上享受。如果旅途上想有少少嘢填下肚，但係又唔想食到好飽，搞到食唔到其他好嘢，我推薦便利店嘅飯糰。
#正文社旅遊書 #何嘉麗 #何嘉麗callmegaga #我是旅行嘉 #便利店飯糰真係平靚正
