#生命教育 #養寵物嘅承諾太重了
我哋對和牛B嘅教育，對動物要有愛心，對人亦要將心比己。
唔知係咪因為由細佢嘅生活環境都有小動物，再加上我哋嘅教導，佢特別鍾意小動物。
最近同和牛B行金魚睇，睇下貓狗、兔仔、倉鼠同魚。
我哋差唔多每一間寵物店都有行，佢每一間都睇得好開心。
我見到佢好開心，我都覺得好開心。
直至去到睇兔兔嘅寵物店，唔知係咪受到我影響。佢都好鍾意兔仔，佢竟然開口問；
牛牛：媽咪，我想養兔仔🐰呀~
牛媽：媽咪都好鍾意兔仔🐰，但係要照顧你已經好忙。媽咪實在無時間去照顧佢哋同愛佢哋啦。
牛牛：咁我可以照顧佢哋o架嘛~~
牛媽：照顧佢哋好多嘢要做，要餵佢哋食草、換水、清潔兔籠、梳毛、放佢出嚟玩。
牛牛：我可以o架~~
牛媽：同埋兔仔唔似狗仔識吠，你要好留意佢嘅一舉一動，先知道佢有冇唔舒服。等你再大個女啲，先再考慮啦。
其實，養任何寵物都唔係一件容易嘅事。好似倉鼠咁，一隻好便宜。但如果你買咗一男一女返去，佢哋會不停繁殖，買咗同性返去又會打交，要分開養。總結係，就算佢幾便宜，佢哋都係有生命嘅。
作為家長，見到小朋友開心，自己當然開心啦，但絕對要考慮同埋衡量自己有冇時間、能力去照顧寵物。
如果想養寵物，不如先了解動物嘅特性，同埋可以考慮領養。坊間有唔少非牟利動物基構，都有領養服務。
#我以前養咗一隻兔仔十幾年
#到兔兔年老我寧願唔去旅行超過五年都係為咗照顧佢
#養寵物係要承諾照顧佢一生一世
#養寵物前停一停諗一諗
#養寵物
(舊照一張)
養寵物前停一停諗一諗 在 養寵物之前停停先諗真 - YouTube 的推薦與評價
女聲旁白： 停一停 ，想一想男聲旁白： 養寵物 之前女聲旁白： 停一停 ，想一想男聲旁白：肯定自己不是三分鐘熱度肯定會為牠領狗牌女聲旁白： 停一停 ，想一想 ... ... <看更多>