我認同香港人都好多仆街，又好鍾意投訴，不過文中講到中國人比香港人好好多，我有保留。
文中話香港人日文唔識英文1999，但中國人點都會識幾句日文，見到佢地「有為學日文而努力」，其實有D唔公平，因為中國人如果去日本係自由行 ，而唔係跟團，應該本身都熱愛同熟悉日本文化，而香港人去外地旅遊的市場成熟，自由行普遍，所以D人比較參差。正如你搵大陸尖子同香港學生比較，然後話香港學生又廢又懶，一樣都係唔公平。
至於「日本人係幾乎唔識講英文」，其實又未去到gei，尤其是由準備奧運開始，日本的英文真心好左好多，當然，你要用香港人的standard比，都係好水皮，但比起十年前，已經算進步唔少。
其實我都好唔鍾意香港人只要一去到外國，就expect人地一定要英文好，無錯，唔係識，係要好，如果唔係就會笑9人地英文差，之不過，文中講到「要嚟日本嘅話唔該，真係唔該，學好日文先好嚟」，我就覺得有d過猶不及。
的確，你去外國旅行，事先學下一兩句當地語言，梗係好事，起碼同人打下招呼，問人可唔可以講英文，人地都會nice d呀！但係，我從來唔信三個月學好外語 （可以學到但唔係學好），更何況你柴娃娃地「鸚鵡學舌」？要學到旅行溝通到的程度，雖然未必好難，但都要花一d功夫。
我仲好記得當年第一次去日本旅行，話曬都叫做係YMCA頹頹廢廢地學左日文年幾兩年，但都成個聾啞人士一樣。樓主雖然覺得個d中國人講到甩甩咳咳，但正如我上面所講，可能佢係資深宅男腐女追星族，並唔係為個旅行而學日文，而係一早就學緊，咁佢地對日本文化比一般香港人熟悉，去到日本更加克己，又好正路，調返轉睇下跟團個d大媽阿叔呀，你肯定佢地比香港人質素高？
利申，我都成日屌香港人係外地失禮架，正如post內的行徑，係值得大屌特屌gei, 但如果用樓主的理據，而得出香港人比中國人差勁的結論，真係令人不敢苟同，而且根據樓主的邏輯，有d香港人「係日文又唔識英文又講到1999咁，竟然夠膽走嚟日本學人自由行」，咁係咪去法國要識法文，去冰島又要識冰島語？「學返一兩句日文日常用語好難咩？」你學「早晨」、「你好」，有心的真係唔難，但要去到旅行用到的程度，不論聽同講，我都唔覺得可以係極短時間achieve到。
香港人去到外地，最摟屌的，除左好L鍾意投訴同R著數之外，唔係佢唔識日文/ 法文/ 冰島語，而係佢地接受唔到世界語言唔係英文，其實係body language。
因為我地由細到大都被人灌輸「英文差就係文盲」，誤以為呢個世界的人英文都應該要好，所以去到外國，唔理你對住日本人定德國人，都先噴出一輪嘴港式英文，人地答唔到，就會不滿/ 笑9人地英文差，而唔明白唔體諒每個地方都有自己語言文化，唔係到到都好似香港咁，英文霸權建立得咁成功，你諗下如果中國人一黎到就噴你一面普通話，然後仲係weibo不爽香港人普通話差，你覺得點？雖然呢個比喻有少少唔恰當，因為普通話之於香港人是殖民工具，不過個種自以為是的摟屌心理，都是一樣的。
但講返轉頭，如果去到樓主咁，話「學好日文先好嚟」，我覺得over左。好多時，學開日文的人會有盲點，因為日本太近，日本文化也離香港人不遠，日文學得久了，容易「以己度人」，免不了忘記其他人不認識是應當的，這大概也是另一種的自以為是。
原POST:
https://www.facebook.com/schools.secrets/posts/828808680613882
香港人日文 在 [新聞] 雙語國家發展中心草案遭反對陳建仁： - 看板HatePolitics 的推薦與評價