倒下的枯樹不是垃圾，
除了看到家附近的斷樹再次被葉子和新枝鋪滿，原來枯樹還可以這樣。
其實不應該用「原來」，因為物盡其用
是對造物的基本尊重。
成日都好忙但成日都忙得好開心，今次嘅忙係同兆基創意書院一齊，呢次合作我哋將某部份可能成真了，與來自日本的篠原明理建築事務所一齊工作，收獲超級無敵大（感受到我超級無比開心吧，長文慎入）。
我哋由用山竹嘅木到唔夠用要勞煩師傅一齊鋸枯樹，用最土炮嘅方法開了由香港樹而來的五百塊木板，塊塊皆有故事（其中廿塊係來自培成路的火焰木，詳情可翻閱舊文）。為咗加快處理深層仲未乾的木，我哋試用日本燒杉板的方法，加上篠原先生曾經在跟過日本師傅學習呢項日本傳統工藝，所以我哋就因為咁上咗一堂，我為呢件事興奮至今！利用煙通原理，只要一點火就可以把木燒得均勻，雖然我哋嘅木材長度與傳統技法的要求有出入，但經過嘗試還是做到，與同學們一齊聽篠原先生講燒杉板的好處，原來炭化的表面會令木材更能抗菌抗火！我哋都技能get！
呢次合作我 非 常 十 分 感 動！嚟自日本的朋友都可以咁珍惜咁識用香港木材，有點dream come true的一下，雖然未來的路仲有排行，就算而家只係0.01%的進度，都叫做有進步，而想講俾大家聽最大最大的訊息係，呢度加埋大概只係一棵塌樹，就足以鋪滿屋仔的外牆，而香港每年係鋸幾多棵樹，又拎幾多棵去堆填？我哋不斷去以最低成本試不可能，想像下以政府的人力物力及人才，點會做唔到？甚至會比我哋做得更加專業更好，可能大家覺得我哋又係只係幻想，但2019年總需要個目標吧？
香港樹是可以用在香港，是可持續的。
展覽會由1月5號 - 1月13號 @ 香港兆基創意書院展覽廳
草途只係負責外牆木板部份，成個計劃及設計都係由篠原明理建築事務所及兆基創意書院主理（我驚我太興奮大家有誤會...），主題係「對話練習」，展覽與大家交流空間的可能性，切勿錯過！
#多謝兆基的同事們 #冇你哋唔成事
#多謝篠原明理建築事務所
#多謝池哥及Woody #多謝遙遙師傅 @原野木藝
#香港樹唔係垃圾
香港兆基創意書院收生要求 在 香港兆基創意書院的貼文 的推薦與評價
創意書院 招聘全職〉行政助理（創意藝術) 主要職責: 負責管理創作物資存貨、協調工具的借用； ... 其他相關事務職位要求: 中五程度及18歲或以上人具良好人際關係及溝通技巧. ... <看更多>