老實講
當初接呢個舞台劇嘅時候
我當佢係一份工作
會盡力做好演員嘅本份完成演出
由四月開始圍讀就開始綵排
但短短綵排左兩個星期
我真正了解同閱讀成個故事
完全代入咗自己嘅角色之後
我就慢慢愛上左呢套歌舞劇
完全唔再當係一份工作
而係一件自己好熱衷好喜愛嘅事
一班演員、導演同台前幕後
全部都好享受好用心
好想將呢個作品做得最好
我變得每日都好期待聽日排劇
大家就變咗一班好朋友
感覺充滿着愛 好幸福
呢套舞台劇嘅題材
寫實地反映香港嘅學生同家長
都迷失喺教育制度底下嘅情況
佢地所面臨嘅壓力
導致佢哋喺夢想與現實之間掙扎
亦帶出各年齡階段嘅人佢哋人生之中嘅遺憾
而最令我感觸同難以形容嘅感覺
就係我從故事當中搵返好多自己嘅影子
一直以來我都冇諗過
由細到大自己成長嘅性格係點形成
又或者行為舉止係受到咩環境因素影響
而成為今日嘅丁可欣
但當我越熟悉呢份劇本
同埋當中入邊每個角色嘅思想性格
以及角色嘅家庭背景社會、環境各因素影響之後
刺激到我好好思考自己一生嘅成長過程
令我再喺二十五歲呢個階段
再重新更深層地了解自己同身邊嘅人
不斷有一句係我腦海重複出現
「原來係因為咁樣⋯⋯」
推介大家嚟睇
唔單止因為我係其中一個演員咁簡單
而係因為我肯定每一位入場嘅朋友
都一定會喺當中搵到你哋嘅影子
同令你人生心痛或有遺憾嘅地方
係我哋每個都經歷過嘅人生分岔口
一套令人反思亦使你笑中有淚嘅作品
最後想講嘅就係
呢套超用心製作嘅歌舞劇
音樂劇《我們的青春日誌》
真係好代表到我哋呢一代嘅香港人
而且加上華麗舞台重本製作
以及live band現場演出
仲有22首原創歌曲及舞蹈
真係好值得同需要大家入嚟支持同欣賞！
所以，希望到時會見到你哋啦🖤
「如何令遺憾變得更有意義」
「認為是對就去追，別讓遺憾留在心裏。」
#我們的青春日誌 #我係NANCY
#倒數八日 #7月23至28 #一連十場 #理工大學賽馬會綜藝館
#記得留意個別演員會演出唔同場次
香港理工大學賽馬會綜藝館點去 在 戴四方帽係人生其中一件重要嘅事 的推薦與評價
... PolyU SPEED 嘅聯合畢業典禮 會喺10 月15 - 16 日，於理大賽馬會綜藝館舉行！ 仲未登記出席嘅同學仔，記得去登記： https://polyu.hk/UWbnr... ... <看更多>