第18集睇到喊😭
【 教束／ViuTV開台三年來最佳自製劇 】
第十八集，是為全劇暫時整體得分最高一集，也令《教束》成為ViuTV開台三年以來最出色的自製劇，短短廿幾分鐘，我前後看了兩次，一直被劇情牽動情緒，眼淚凝在眼眶，其中一幕最惹鼻酸的，必然是「為食妹」阿Mo（鄧麗英飾）在學生會室裏找到一本日記，那是莊子民（周漢寧飾）的日記。
字體不算秀麗，卻盛載向來內斂的莊子對於能夠身為「不老騎士」一份子那種濃郁但無法宣諸於口的喜悅和雀躍心情。我無法想像，一班才活了十數年的中學生如何面對訣別與生死，我相信很多人看完這集都會有很多感受，還有那些寫在對白上、對社會不公義的強烈控訴，以及赤裸的政治符號（馬修書院學生會投票日是9月28日！），暫時在此不說，倒想分享莊子留給「不老騎士」最後的話甚麼。
「9月17日，我哋內閣第一次開會，今日嘅會議係完全冇意義，佢哋每個成員只係介紹咗自己個名，講咗今次參選的原因，但係根本，所有人其實都冇能力去選學生會，佢哋有人甚至連『OASIS』係咩意思都唔知，所以對內閣叫做『不老騎士』我完全冇意見，因為我知全部人都唔係真係想做學生會，只係想嚟玩。
9月21日，今日要紀錄嘅唔係『不老騎士』嘅會議內容，而係我哋成班第一次打交，其實由細到大我冇諗過自己會打交，但係今次我地係為咗救個同學先出手，雖然我地呢個內閣之前辯論徹底輸晒，要贏學生會根本係冇可能嘅事，但係至少係呢個件事上面，我睇到原來大家都唔係一事無成。
9月28日，投票日，『不老騎士』以一票之差贏咗『OASIS』，成為馬修書院第39屆學生會，喺勝出選舉嘅成個過程中，盧Sir對我地嘅提點，賢仔嘅領導，狗榮嘅創意，奇行種嘅廚藝，神婆同阿Mo嘅完全付出，係佢哋每一個令我可以成為學生會。因為評議會嘅干涉，我哋全部人都要為咗搞補習班嘅事而煩惱，為咗佢地可以繼續搞活動，我願意一個人承擔呢個責任，係佢哋帶我嚟到呢個位置，所以我唔介意呢一刻付出番多啲。
10月31日，今日可能係我喺學生會最後一次開會，原來鄧學謙當初真係講得好啱，我真係冇能力兼顧學業，同學生會嘅工作，我好想升大學，我唔想辜負左阿媽對我嘅期望，為咗可以專心搞比賽，我只可以放棄學生會，對唔住大家，我冇辦法繼續行落去，但係我都好希望你哋可以繼續堅持做自己認為正確嘅事，我會喺另一個地方支持你哋，對唔住，我唔會忘記『不老騎士』帶畀我嘅一切一切。」
【《教束》系列報道 】
＊第六集盧Sir講身為領袖的標準：http://bit.ly/2x61hfP
＊第十三集劇情「神預言」：http://bit.ly/31YwPCR
＊《教束》新世代演員巡禮：http://bit.ly/31Yd9yO
＊《教束》首張劇照曝光：http://bit.ly/2KLlfWl
＊《教束》登陸《周日慶功宴》：http://bit.ly/2Xjzsvk
＊《教束》到底點解？：http://bit.ly/2Xm1lHS
＊第十七集 —— 「我始終無法成為大家心目中的莊子民」：http://bit.ly/2XDnKjx
（04072019）
【 24小時求助熱線 】
香港撒瑪利亞防止自殺會熱線︰23892222
撒瑪利亞會熱線（多種語言）︰28960000
生命熱線︰23820000
東華三院芷若園熱線︰18281
社會福利署熱線︰23432255
醫院管理局精神健康專線（24小時精神健康熱線諮詢服務）：24667350
明愛向晴熱線：18288
#游大東 #游大東影視筆記 #教束 #港劇 做乜膠睇電視 快樂的 ViuTV 港女講劇 講劇大時代 Laiying エミー TANG 鄧麗英 唐浩然 Jacky Tong 程人富 Machi Ma 劉俊謙 陳志發 Stevefat Pigture Creations Ltd. #周漢寧 Sofiee Ng 吳海昕 ＃陳秀雯 ＃廖啟智 ＃朱栢謙 KaKi Sham 岑珈其 See生活
