香港推廣文化藝術真心好難，就算Beatbox有幾得意、幾犀利、幾健康 或 可以幾咁貼切某Product同Brand都好，一個只有100幾十個無乜消費能力年輕人嘅活動，係唔會有公司機構願意資助。無論外國有幾多成功例子，香港無，就唔會敢嘗試。
「喺外國就可能得，香港無可能架啦」呢句嘢我聽過無數咁多次，咩叫無可能？如果我可以令到『您』覺得Beatbox好正，對其他人都一定一樣得！曾幾何時我都覺得推廣文化無可能，其中最主要嘅因素一定離唔開「錢」，淨係場地 連 台燈聲嘅價錢就已經夠攞我命，因為觀眾嘅經濟能力我門票又唔可以太高，其次就係擔心人數問題。
我選擇咗去「博」，唔係賭錢博一舖嘅博，而係為個文化盡心盡力去拼搏！結果由以前20幾人就算多嘅Beatbox活動，2年後嘅宜家已經進化到過100人，仲成功搞到2屆香港Beatbox大賽，今年11月仲有第3屆！以前無可能有機會接觸到世界級Beatboxer，宜家我每年飛5個，暑假3個，11月2個！
我認！我的確係倒咗好多錢，有時都會幻想下，如果將果筆錢攞嚟飛我成家過日本豪玩，都應該夠洗最少1個月。係好想，真係好想，但我唔後悔！只要做到以後喺街求奇問個Auntie都知咩係Beatbox，只要做到可以為亞洲嘅Beatboxer提供到各種機會，甚至可以提供職位，幫佢地將Beatbox成為佢地嘅職業嘅話，你想我點都得！仲開心過中1億頭獎，開心過比四葉草錫！
經歷多咗，我開始瞭解推文化藝術嘅難處，同時十分respect同我一樣咁『博』嘅朋友。其實講咗好多年... 朕到今時今日都仲未去過 Hidden Agenda，前排見到佢地close down我個心離一離，然後開始無限後悔... 宜家見到佢地公佈可以開翻我當堂鬆一口氣，我希望下年第4屆《香港Beatbox大賽》可以喺HA舉行！加油！撐！
【希登協合】 剛過去既夏天，小編睇左《 THE GET DOWN 》—一套題關於1970年代末紐約南布朗克斯區（South Bronx) 黑人文化劇集。 當年該區住既都係低下階層既黑人；上一輩認命地覺得自己既一生只可以庸庸碌碌地過，活著便是福。劇集入面既後生一輩深明要擺脫現時既命運，就要親手爭取地位返嚟。當既由唱片騎師、說唱(DJ & rapping)、塗鴉(graffiti)到街舞（b-boy) 都係一種表演自我既形式，特別既係三者獨有既聯繫，例如bboy需要dj既beat去跳舞、dj又會需要graffiti 既藝術成份作宣傳等，大家冥冥同屬一個脈絡。 hip hop 既精神由此而嚟- 由無到有既自發精神，創造出群體內互相幫助既文化。30年前大家都覺得 graffiti 係破壞（vandalism)，今日全世界多個藝術館都展示出各地塗鴉大師既傑作，重申「藝術」既功能包括記錄或反映社會真實風貌。
面向香港，講生活我地比當年 Bronx 絕對好，但若果你以香港作為民族去諗，我地既生活空間同文化又何嘗唔係不斷被眨低？我地並唔係大富大貴之人，只希望有個地方比我地做想做既野，走上工廈係唯一方法。但單單係今年已經有多棟工廈被政府部門洗樓，工廈使用者命運攸關；當我地連文化基地都失去時，又點樣孕育到香港獨有既文化？往往政府以為文化是在籠中培訓，鐘意以「規劃」一詞去命定文化既產生。
今年，hidden agenda 面對第3次搬遷，來到依刻，我地希望大家記住 hip hop 文化精神，用盡哩個最後空間，係希登亞精打來場個「全晚嘻嘻哈哈之協合之夜」，了解今日香港 sub-culture 真實既一面。
香港藝術館門票價錢 在 香港藝術館｜免費入場展覽、藝術作品懶人包附交通及開放詳情 的相關結果
香港藝術館 位於尖沙咀，翻新工程完成後，外形非常時尚優雅，成為不少港人 ... 鄭秀文演唱會2023 7月舉行8場紅館個唱優先門票搶飛連結、座位表、價錢. ... <看更多>