波鞋我真係唔識，對於內在我不嬲冇乜要求，但係就咁睇對鞋嘅感覺真係有啲古怪
恥笑那位創立自家品牌的漁民，不是因為他的政治立場。事實是，藍黃都有好人壞人。
純粹的眼光是，以設計師自居，別人就會以創意的角度 judge 你。
為什麼漁民是年輕人一個最壞的榜樣？
雖然我的工作跟設計沒有關係，但我每天接觸的每位創業家，都真是拼了命去建立一件不知道能否贏得大家認同的事。創意就是未知，即是做一件沒有人做過的事；過程很痛苦，結果可以更痛苦。
但漁民不需要經過這個痛苦，因為他的所謂設計就是影印。人家痛苦過後的成果，一句唔該都唔洗，加上自己的 logo，就說是自己做的。
如何影印？自己上 IG 睇，一個叫做 COPYNESS 的帳戶，列出所有漁民的罪證。
其實說他是 COPYNESS，也實在太抬舉他。抄的結果，頂多是似，即是 similar。佢唔只抄咁簡單，佢直情係 dub，而 dub 的結果不是 similar，是 identical。
最滾係，New Balance竟然肯同佢個 brand 聯乘出鞋，實在令人失望。
呢個絕對唔係 New Balance 廣告，但我見好多人而家因為漁民而罷著 New Balance，覺得咁樣對 New Balance 唔公平，所以想分享我其中一對珍藏— Aime Leon Dore。
沒有聽過這個品牌是正常的，因為 Aime Leon Dore 在香港不算流行，但在紐約冒起得極快。諷刺的是，Aime Leon Dore 跟漁民的品牌是同年創立的。
看一件作品，可以透視設計師的性格，這樣才算是創意。呢對 Aime Leon Dore X New Balance 一定係玩色，但玩得嚟仍然保持到一種簡潔；傳媒說 Aime Leon Dore 的創辦人都是這樣的，自己個 brand 幾紅都好，佢本人都好唔鍾意出名。
不過唔出名有唔出名好。
你本身有料就話啫，冇料但出名，咪畀全世界笑囉。
有沒有聽過 Goro’s？這是一個知名的日本銀器品牌，「兩條羽毛」可以賣到十幾萬。
漁生好有型，買了兩條羽毛，立刻放上社交媒體炫耀，怎料 Goro’s 的職員看到，一眼便看出是假貨，最後漁生連忙刪除所有照片。
抄得人多，自己十幾萬買番條假嘢，因果。
