要成為一個好嘅守門員，除左「手」得，對腳都要得。因為比賽嘅時候會應付隊友嘅回傳同受到對手施壓，而且現代足球更提倡守門員嘅用球能力，意思指除左一般嘅生死球，必要時要為隊友多一個傳球選擇。
但呢一部分，相信係每一位守門員較陌生嘅項目，呢一個部分，除左有具質素嘅地面球傳送能力，喺傳球之前要先控好第一腳，令到喺受壓迫嘅情況下不至慌寸大亂，因為無論長傳定短傳，都要控制好第一腳，令到整過傳球動作流暢順利。另外更講求優質嘅傳球視野，利用傳球為隊友帶來反擊或進攻機會。
其實部份守門員因為較少練習控傳，喺信心不足嘅情況下，當隊友回傳嘅時候覺得個波掛住個炸彈，大腳將球踢走，將控球權直接送比對手，又或者忽略兩邊支援嘅隊友，甚至放棄左一個進攻機會。
控傳必須透過日常練習使其熟練，甚至要將慣用腳及非慣用腳練得唔會有太大差距，令傳球角度及選擇大為增加。
而一個小小嘅「馬騮搶球」，除左訓練控傳之外，亦要留意對手嘅方向，尋找傳球選擇及方向，亦訓練非慣用腳嘅傳球質素。而狹窄嘅空間，相對更切合比賽時受施壓嘅環境。
其實龍門嘅技術同踢法一直以黎都繼續演化中，除左透過比賽去「感受」，亦透過練習強化技術。每一次練習，每一次比賽，都係一個學習機會。
身為龍門，我地容許練習犯錯十次一百次，但絕不能喺比賽犯錯一次。每一次練習，就係為將來比賽而好好準備。
#goalkeepers #goalkeeping #training #controls #pass #improvements
