🚫嚴禁劇透
🚫粗口自行過濾
🚫可瘋狂話戲屎但免外表批評人身攻擊
·
[1230隔夜超短劇評][ViuTV][打天下 EP03]
·
[讚] 資深演員就係冇得呃，文女同埋棠哥喺海邊講返之前道館發生咩事嗰段係好嘅，好容易投入到。
·
[彈] 我係好欣賞棠哥嘅毅力同埋鍾意空手道嘅心，不過揀咗用劇集去 present，就要滿足返劇集嘅表現方法。睇完第二集，文戲已經冇乜期待，只係希望啲對白可以精細啲，將期待轉咗去武場。
·
第三集勁多打鬥場面，最好睇係正師兄同埋鐵炮英二魔娑斗嘅兩次對打。不過喺古堡打打吓兩位空手跳落目測兩米高嘅城牆就神奇咗啲。棠哥腳功唔夠手嘅動作嚟，起腳旋轉唔順暢，但好多時都一鏡落曝露呢個缺點。我唔知多次贏到世界踢拳冠軍嘅魔娑斗佢識唔識空手道，但拍出嚟佢嘅感覺係成功嘅好睇嘅，即係話同一個拍攝團隊係可以塑造到角色嘅武功出嚟。唔通因為係堅持一鏡過所以有啲位做唔到？一鏡過有好有壞，考拍攝考演員考武指，依家有時令到唔識空手道嘅觀眾唔知睇邊度好。硬橋硬馬真功夫，都要展現到畀觀眾睇先得。
‧
大師兄同正師兄兩個以前喺道館啲場口，張建聲比歐錦棠更加做到個分別，歐錦棠做唔到無知外賣仔。
‧
喺打與打之間啲段落，包括咗兩師兄弟初次見面、之後無啦啦對打、師父死，都好似趕收工咁，唔好睇。最可惜係倉田保昭，拍唔出佢嘅大師風範。
[演員表] 歐錦棠 飾 馬剛正 / 文頌嫻 飾 莫可麗 / 談善言 飾 莊惠 / 江生 飾 關志浩 / 葉麗娜 飾 淩小玥 / 王頌茵 飾 何善善 / 張建聲 飾 武田國全 / 李潤祺 飾 關仁 / 李剛慧 飾 李天愛 / 楊英偉 飾 莊惠父 / 萬斯敏 飾 莊惠母 / 王思欽 飾 小玥母 / 高翰文 飾 小玥父 / 倉田保昭 飾 武田寛 / 魔裟斗 飾 鐵炮英二
·
#1230隔夜超短劇評 #ViuTV #打天下 #歐錦棠 #文頌嫻 #談善言 #AnsonKong #葉麗娜 #王頌茵 #張建聲 #李潤祺 #李剛慧 #楊英偉 #萬斯敏 #王思欽 #高文翰 #倉田保昭 #魔娑斗
魔娑斗 在 《立技瘋格鬥傳說EP.18》K-1 MAX銀狼魔裟斗Masato 反逆的 ... 的推薦與評價
《立技瘋格鬥傳說EP.18》K-1 MAX銀狼魔裟斗Masato 反逆的王牌、日本踢拳代名詞/ CHARISMA OF K-1 WORLD MAX: MASATO. 立技瘋FightHolic. ... <看更多>