魔王芊720 2歲了。
今年冇大肆慶祝，就喺屋企過。
本身淘寶咗佈置氣球都寄失咗，好彩仲有好靚嘅Baby Shark蛋糕撐場。
感謝呢2年嚟身邊所有人對佢嘅愛。
本身好唔想將阿女嘅生日post同政治一齊講。
就好似唔想一陣3點林鄭都係會將尋晚元朗同上環一齊講咁。
但係作為香港人，尋晚唔會有人瞓得好。
我知道有好少部分媽咪仍然係覺得政治唔關我事，更可能唔知自己可以做啲乜嘢。
其實事情已經唔關政治立場，你唔搵政治，政治搵上你，尋晚俾人打嘅好多都只係平民，今日元朗，聽日唔知邊區。
唔關乜絲物絲，關有冇人性。
你可以唔係勇武派，甚至連和理非都唔係，但係作為一個有下一代嘅父母，至少你要擘大你嘅雙眼睇清楚而家香港發生緊乜嘢事。
10年後，你嘅小朋友上通識，靠你親口話俾佢知2019年發生緊咩事，講俾佢哋知你見到乜嘢，而唔係受國教洗腦。
「生於亂世，有種責任。」
#唔介意撐警report我個page
#魔王芊唔需要聰明
#身體健康
#識分是非黑白知正義就好
魔王芊唔需要聰明 在 魔王芊720 2歲了。 今年冇大肆慶祝，就喺屋企過。 本身淘寶咗佈置 ... 的推薦與評價
年發生緊咩事，講俾佢哋知你見到乜嘢，而唔係受國教洗腦。 「生於亂世，有種責任。」 #唔介意撐警report我個page #魔王芊唔需要聰明 #身體健康 #識分是非黑白知正義就 ... ... <看更多>