小山園抹茶雙層芝士 ($54)
.
——————————————
🍎 蘋果不見了 ($48)
🍯 黃薑金奶 ($48)
🍺 椰奶厚奶蓋菠蘿青茶 ($48)
——————————————
.
上年六月當小念頭仲係網店形式經營嘅時候，
食過佢哋原個嘅#焙茶栗子戚風蛋糕，
（Click入個tag可以睇返舊post）
印象好深刻因爲整個蛋糕真係無懈可擊；
依家開咗實體店真係戥佢哋高興之餘自己都好開心，
因為有切件蛋糕隨時可以去食同試多幾款，
而且每一個角落都好舒服好似喺屋企咁自在🥰
.
.
🔻
由上而下分別為抹茶金寶、梳乎厘芝士蛋糕、抹茶芝士蛋糕同牛油餅底，
底層抹茶紐約芝士蛋糕質感會較上層梳乎厘芝士蛋糕厚實，
入口柔滑細膩散發出溫醇抹茶甘香；
上層梳乎厘芝士蛋糕其實唔似一般坊間常見嘅日式梳乎厘芝士蛋糕咁蓬鬆，
反而係更加濕潤綿密並富有濃厚芝士香，
最令人喜出望外嘅係當中加入柚子皮令整體感覺更加輕怡清新；
抹茶同芝士相得益彰兩者比例平衡得宜🤤
.
蘋果不見了單憑賣相看似平平無奇，
烘至溫熱嘅蛋糕伯爵茶香四溢，
質感濕潤紮實但唔似磅蛋糕一樣油膩，
中間蘋果片層層疊疊比例極高，
唔會加入過多糖分調味保留蘋果自身清甜果香，
蘋果軟中帶爽再加上面層杏仁嘅香脆令口感層次相當豐富，
配上伯爵茶醬令味道更為濃厚，
店主話嚟緊仲可以預訂17cm嘅原條裝返屋企自己切件焗或者煎返熱食😍
.
飲品方面估唔到款式繁多之餘亦好有特色，
前所未見嘅椰奶厚奶蓋豐盈綿滑，
菠蘿青茶茶香清幽並混有粒粒菠蘿果肉，
拉上補下恰好能夠達至香而不膩🤤
另外用上鮮奶、黃薑、肉桂、八角、蜜糖嘅黃金薑奶亦係驚喜之作，
蜜糖嘅香甜中和返其他食材嘅微烈，
冬天飲完渾身暖意洋洋😍🤤🤤
.
—————————
📍小念頭 (旺角)
旺角通菜街75號1樓
—————————
.
.
