我冇資格做娘娘，所以我冇兵。唔知點解，娘娘成日叫人整電腦。#點解娘娘部腦成日壞 「老奉」係娘娘嘅特點，「整電腦」就係兵嘅賣點。小妹係神級電腦盲，我又冇兵，唯有食自己。我全職寫字，keyboard同mouse好緊要，靠自己搵咗好耐都搵唔到堅好用嘅mouse (我好奄尖), 唯有用個麻麻地嘅頂全先，結果成日手痛。
臨近聖誕, Logitech 出咗限量套裝，有一隻 mouse和一份 #LeCreuset 餐具，送咗畀我試用話當係聖誕禮物。嗱唔好笑我呀......我真係用過先知原來mouse可以係咁，容許我講具體些少，因為想寫我用後覺得對大家有用的實用資訊：呢隻 #MXMaster mouse左邊有個側翼安放拇指，加上放掌心嘅曲線位，令人用好耐都唔易攰。個設計完全符合人體手形，手感好舒服。USB充電，無線好基本啦。另一隻細小小嘅mouse #MXAnywhere2 左右兩側有凹入去的流線形設計，手感一樣好舒服。
#唔好當欣賞你嘅男仔係免費電腦技工 #賣廣告不忘教訓娘娘 #我冇兵但我搵到好用嘅mouse #聖誕禮物
