關於 龍門 飛 甲 票房 ，我們在網路上蒐集到這些相關的討論、資訊與評價

【2020年全球票房冠軍、史上第三套全IMAX拍攝電影！】

《八佰》香港有得上正場，仲有得上IMAX！雖然有傳輾轉因為歌頌國民黨英勇事蹟俾大陸禁映，最終成為疫情後第一套大陸上映大片，《八佰》目前已超過30億人民幣，都打破《重案夢幻再重組》紀錄，成為2020年全球票房總冠軍。

不過，最期待都係呢套係繼《復仇者聯盟3：無限之戰》、《復仇者聯盟4：終局之戰》後，史上第三套全IMAX拍攝電影，無懼大陸片香港有得上IMAX！雖然大陸IMAX片全盛時間可以多到一星期幾套，但香港有上IMAX嘅作品，應該係得《唐山大地震》、《龍門飛甲》同《太極》，估唔到咁多年後，仲要咁嘅時勢下，都夠膽上返IMAX。

不過又咁講，如果呢套唔上IMAX，《TENET天能》會唔會做到明年？

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【第三套全IMAX拍攝電影大陸終於上正場】

繼《復仇者聯盟》第三、四集後，電影史上第三套全IMAX拍攝嘅《八佰》，大陸突然上映，用嚟救影業似乎贏曬。

套戲講述二戰淞滬會戰期間，八百個壯士死守上海，阻止日軍入侵嘅故事，睇條預告明顯係大製作戰爭片。《八佰》本來就係舊年七月上映，預料呢類題材必會去到《紅海行動》、《戰狼II》果類成績，甚至有外媒預料，因為套戲IMAX個制式拍法，分分鐘外國市場都會有票房斬獲。點知，喺上映前唔夠一個月，唔止喺上海國際電影節因為「技術問題」撤映，到最後更加撤出2019年檔期，冇埋影期。

原因係，套戲過度歌頌國民黨。

呢套人人預咗必收嘅大作，理應可以係2019年暑期檔喺大陸大殺四方，上映無期，搞到發行兼制片嘅華誼兄弟大失預算，如果最終上唔到，將會蝕到仆街。

正正常常時期，咁嘅題材可能太敏感，但喺疫情時期，不如拎嚟試下水溫。《八佰》突然定檔大陸8月21日上映，成為大陸戲院重開後第一套意義上嘅大片，反而賀歲果堆《唐人街探案3》、《緊急救援》等等都未有消息，而《八佰》就成為大陸影業嘅華語片第一希望，個期仲早過《TENET天能》。

大陸戲院重開後，票房節節上升，終於上到畫嘅《怪醫D老篤》更加成為全球票房冠軍，業界預料大陸咁樣搞一搞法，今年終於可以改寫全球票房...

第一次，大陸贏北美總票房。

如果《八佰》堅上到，呢單嘢，有排花生。

反而好奇，之前搞到幾乎禁映，無啦啦上到畫，剪咗幾多嘢？定還是要改結局？一係好似《少年的你》同《過春天》咁，片尾加啲「政治正確」字幕？

一單還一單，純粹就技術角度嚟講，作為IMAX影迷，呢套嘢極想睇IMAX，但相信香港夠膽上，都唔會俾個IMAX版。印象中，大陸片IMAX，香港好似只係上過《唐山大地震》同《龍門飛甲》？

對於香港影迷，唔好講《八佰》唔好講《TENET天能》，唔該俾返套《屍殺半島》我哋睇先，好片爛片都好，亞洲大部份地方都睇曬，香港影迷好Out呀喂。

【‼️留意‼️】
「晞。觀影記事」Patreon加強版已經開幕，更多精選深度獨家電影文章，請即訂閱：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

安樂對《進擊的巨人》嘅重視程度都幾誇張，繼死都要cut個IIB版chur爆票房，又推出埋前賣劵外，連IMAX都上埋真係估你唔到！印象中，香港似乎自《龍門飛甲》後，已經冇再上過非荷里活嘅IMAX電影！

因此，香港今個星期有三套IMAX電影同時上映，分別係《進擊的巨人》、《特務型戰》同《職業特工隊：叛逆帝國》，對上一次咁「靈活」嘅排片，會唔會已經要數到2011年《職業特工隊：鬼影約章》、《踢躂小企鵝2》同《龍門飛甲》？其實《職業特工隊：叛逆帝國》餘威未過，搞成咁，好似熱鬧過頭咁（下週好似仲有《屈機起「格」命》）！

不過，觀乎優先場嘅反應，幾乎一致劣評得好誇張，似乎係比《神奇4俠》更伏更大嘅「炸彈」？票房如何真係好睇頭幾日成績！

以其往績，我相信會留個三級版，等到咁上下推出再谷一谷票房？
反而，呢套戲狂播優先場，令套戲未上已經劣評見曬街，某程度上似乎做成一個反宣傳。

利申：小弟仲未睇的，係見普遍評價似乎比《神奇4俠》更伏。

*《進擊的巨人》係日本電影史上首套真人IMAX電影