【MK果實能力者】
MK・Ringo：為國家尋找香港水路
早兩日明報就有個報導走咗出嚟，話有一個美國研構機構「氣候中心」就發表咗一個新嘅研究。呢個美國研構機構「氣候中心」就用一個新嘅數碼模擬模型，推算咗喺2050年海水水位嘅上升，全球大約會有3億人受到影響，而喺香港個影響都唔細㗎，例如錦田、洪水橋，啟德、九龍灣、新蒲崗、九龍城、西九同赤鱲角等等通通都會受到影響。
我相信大家對份報告無咩興趣嫁喇，因為大家都唔知2047嗰陣大家會唔會搬晒去邊，雖然係咁，但我諗大家都會想望下自己住嗰個位有冇事㗎嘛，所以有興趣一探究竟嘅朋友就可以用呢條Link去睇下啦。
(https://coastal.climatecentral.org/map/12/114.1541/22.3605/…)
當然，有學者就指出呢個模型推算嗰陣用嘅數據，同本身香港實際觀察嘅數據就唔係同一份，所以同天文台推算出嚟唔多唔少都會有誤差。不過，幾位學者都認為政府喺做啲準備工作，例如渠務工程嘅時候，可能都需要參考埋呢份研究嘅。亦都要預留啲錢，大約5000億啦，用嚟做呢應對氣候變化嘅工程基金。
哇，大嗱嗱5000億喎，俾你用咗嚟應對氣候變化，咁政府重點起嗰個明日大嶼啊？當然你可以話再問市民拎多5000億啦，但係未必有錢俾國家賺㗎嘛。有見及此，本人決定喺度獻計，可以俾你起明日大嶼之餘，又可以俾錢國家賺，同時又可以幫手疏導海水水位上升帶嚟嘅問題。
無錯，呢計劃就係叫做，明日大嶼 ver Alpha 改・海上移動城堡喇！只要我哋將明日大嶼改造成一個海上移動嘅城堡，咁就唔洗怕上位上升嘅問題。
無論水位有幾高，我哋永遠都可以喺水平線嘅上面！
無論水位有幾高，住喺沿岸嘅市民都會有一個容身之所！
無論水位有幾高，市民都可以繼續買樓，入市入市上車上車！
揾埋阿邊個邊個真情旁白／值得做的事，馬上做，要立刻做 ！
興建大規模浮水人工島，可以為香港創造新的海路。讓我們捉緊船陀，馬上開展航行，為撘沉船鋪路！
「想要香港人嘅財寶？想要嘅話可以全部俾哂你，去揾吧！我將香港人所有嘅財寶都倒哂落海喇。」現任特首如是說。
於是所有人就為咗龐大嘅財寶，紛紛走向國家「偉大的建設」。讓全香港迎接「大__爆時代」！
（本欄逢周六更新。敬希讀者垂注）
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
HappyKongner 招稿喇！！！
我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。
龍link上位 在 [Vtub] Anycolor VTA三期生野々宮めら被出征- 看板C_Chat 的推薦與評價