關於 3x反恐暴族4 ，我們在網路上蒐集到這些相關的討論、資訊與評價

【#狂迷投稿】 文：觀影記事簿 《#奪命守門人》
⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄ ⁄
今個淡季算係幾熱鬧，連續3個星期有4套由知名影星主演嘅動作片上映，作為市場主流種類電影，會有一定吸引力。
.
本片由型格女星露比蘿絲主演，前作《生化危機6》、《3X反恐暴族3》、《John Wick 2》已經展現靈活身手，處理動作場面應付自如，而係《極悍巨鯊》更表演出唔錯嘅演技，今次擔正做主線角色，除咗拳腳動作之外亦有唔少內心戲份，演繹十分出色，甚至面對影帝級演員尚連奴亦毫不遜色，亦成功向觀眾甚至電影公司證明露比蘿絲係有能力擔大旗做主角，加上近年荷里活女權主義盛行，上位一線指日可待。
.
尚連奴係本片最為港人熟悉嘅演員，由主角、奸角到喜劇演出都難佢唔到，多年演出經驗累積深厚嘅演技功力，今次飾演紳士外表、笑裡藏刀嘅奸角對佢嚟講可謂毫無難度，演出自然仿如跟角色融為一體，不自覺間已成功帶領觀眾入戲，為電影加分不少。
.
《海猿》主角伊藤英明主要負責動作場面，對白唔多，角色演技亦冇乜要求，基本上冇演繹失誤嘅空間；Julian Feder演繹比較生硬，尚待經驗累積；Rupert Evans內心戲情緒處理唔錯，演出十分自然，完全冇舞台劇演員過份浮誇嘅肢體動作，掌握得唔錯；其他演員不過不失，整體演出並無失誤。
.
導演北村龍平講真我對佢認識唔多，佢前作我只睇過一套，單以本片而言，導演技巧只屬不過不失，動作處理係唔差，但係氣氛控制方面硬係差少少咁，營造唔到應有嘅壓迫感；甚至部份場面過份賣弄個人風格，以旋轉鏡頭拍攝動作場面，睇到有少少頭暈眼花。
.
劇情故事方面，B級製作動作電影亦唔期望會有新意，基本上就係女版《Die Hard》玩大廈困獸鬥，節日背景、斷絕外界通訊、消防接報到場後收隊、奸角搞大龍鳳目的只為錢、主角一人獨力KO對方…………故事情節進展如出一轍，雖然頗為公式化，犯駁位亦唔少，但處理手法穩陣唔玩花巧扭橋，仍屬可接受範圍。
.
作為動作爆谷片，觀眾最關心自然係娛樂性，雖然上文講過壓迫感營造差少少，不過全片動作場面幾多吓，而且唔係單純槍戰，仲有拳腳動作同爆破場面，動作設計亦見心思，娛樂性十足。
.
總括而言，本片劇情走向並非賣點，傾重娛樂性，兩個主角演繹出色頗有吸引力，放鬆一吓消磨時間都係一個唔錯嘅選擇，若以近期另外3套動作片相比，本片娛樂性可以話係最高。
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

【景甜B會唔會有朝一日可以同Ruby Rose聚頭？】

講起合拍片嘅華人女星代表，唔駛講一定係超越古今，無論打怪獸打King Kong都咁得嘅永恆景甜B，有半年冇見佢出現，有少少掛住佢添。

至於合拍片嘅西方女星代表，第一個腦海出現會係Ruby Rose。你以為景甜B嘅合拍片夠爛，Ruby Rose無論係《生化危機：終極屍殺》、《3X反恐暴族：重火力回歸》、《極悍巨鯊》都係伏嘅，仲要套套都唔知佢作用做乜。

電影圈撈咗幾套都唔掂，係《殺神John Wick 2》叫做俾人有少少印象，估你唔到轉個頭去電視發展，做新一代Bat Woman，先喺嚟緊嘅《閃電俠》Season 5、《女超人》Season 4出現，明年再有獨立作品。睇嚟DC Universe發展去電視仲好。

小弟的原創小說反應熱烈，加推後已剩下最後不足5本，欲購從速：goo.gl/J9QdBR

❤自製明信片正式開售，另現凡購買新書即免費贈送兩張：goo.gl/Dfmpbc

－

‼台灣書局亦已上架，可去文中連結購買 🇹🇼 | goo.gl/xzCymP

－

【IG請follow】www.instagram.com/travelerwithmovie

【電影中不真實的哥倫比亞大城市】

哥倫比亞曾是一個全球聞名的毒品與罪惡之地，在荷里活電影中更幾乎是「打大佬」的終極一戰，幾乎關於「毒品戰」的電影，背景都離不開哥倫比亞，不單是早前分享過，令哥倫比亞人嚏之以鼻的《魅影殺機》，九十年代末千禧年頭，更有無數部動作電影以之為背景，較著名的如《3X反恐暴族》、《重案夢幻組2》、《史密夫決戰史密妻》等等，在觀眾眼中，這個地方似乎就是十惡不赦之地。不單是我，沿途即使遇上不少本已是「遊子」、環遊世界了一兩年的西方背包客，他們也笑說家人知道自己要來哥倫比亞後，都差點要說永別般。

尤其是知道你要去首都波哥大（Bogota）及曾為「毒品天堂」的第二大城市麥德林（Medellin），這兩個地方，也是電影世界中「毒品戰」的背景。

事實上，這兩個地方的治安已大有改善，最少在一眾大毒裊落網或過身後，已不如九十年代般恐怖。的確，Bogota仍時有扖手，走在Medellin街頭確不時有人問你：「Cocaine?」，但只要你婉拒，對方也不會窮追猛打，甚至像個普通背包客般跟你閒聊幾句。Hostel中遇上的背包客都笑說，就當這是一場Cultural Experience。

在每個南美的首都，像秘魯的利馬（Lima）、玻利維亞的拉巴斯（La Paz）誠言也非旅遊的好地方，但Bogota的天空、四周的綠化環境確令我為之鍾情，更別談Medellin的超乾爽天氣、出奇地熱情友善的當地人，幾乎是我南美最喜歡的城市之一。

跟當地人談起這些荷里活電影，他們都有一定程度的不滿。雖然哥倫比亞廿年前真是個萬惡之地，如今早已脫離了昔日的陰霾，但荷里活仍樂此不彼找他們的國家作罪惡天堂之背景，更諷刺在這些電影從沒在當地取景，卻不斷抹黑他們的國度，令世人總覺得，哥倫比亞很可怕，事實卻不然。

荷里活電影總能「形象化」一個地方，像香港還是大紅燈籠高高掛、日本人往往矮矮小小、華人常是小丑角色（景甜B例外），沒有到過當地，或許只有一個錯誤的印象。

很多人說哥倫比亞是南美最愛國家，我不能這樣說，畢竟北部天氣真的過熱，但這個地方絕對令我有再來的衝動，尤其是Bogota與Medellin，簡直有驚喜。

更多南美旅遊故事可看：
有故事的旅人 （澳洲首都不是悉尼）

‼重要消息！
小弟21/7、22/7將會書展出現宣傳新書，歡迎到來支持😎 | goo.gl/Y5SvDy

‼嚟唔到唔緊要，香港朋友歡迎直接購買，買嚟睇就明點解咁好賣 🇭🇰 | goo.gl/J9QdBR

‼台灣書局亦已上架，可去文中連結購買 🇹🇼 | goo.gl/xzCymP

【IG請follow】www.instagram.com/travelerwithmovie

呢齣動作片好犀利, Tony Jaa咁好身手, 都俾佢拍到好似好唔打得咁 sosad
最新消息請訂閱
http://facebook.com/howtindogs